#الـــورقـــه_الــــرابـــحــــه
#الجـــزء_الـــســـابـــع_عــشـــر
#بـــقـــلمي_امـــل_احمـــد_ســـلوم

*╚══════ღღ══════╝

بقلب مليان ندم رجع أمير على بيتو ... فات عغرفتو وشلح الجاكيت ..حلحل كرافتو عأمل يروح الضيق م̷ـــِْن صدرو ... قعد ع طرف التخت ورما راسو بين ايديه ...
أمير: معقول الطمع كان عامي على بصيرتي كل هالفترة .. معقول المصاري خلتني شخص بلا احساس .. مارضي يسامحني ..

نزلت دمعة حارقة على خدو وحط ايدو عصدرو بضيق ...
أمير: أنا خسرت كلشي .. لأني عغلط خسرت كلشي .. دعااء رااحت وشمس دمرتني ..

سكت شوي وهو بيردد اسم شمس

شمس شمس شمس

اتغيرت نظرتو وبلش يتطلع عالغرفة ويحرك حجر عينو بزواياها .. وبلشت تجي ذكريات مع شمس ..كل زاوية بهالغرفة بتزكرو فيها وكيف كانت تتحول م̷ـــِْن شيطان لملاك فيها ..
أميرصرخ م̷ـــِْن كل قلبو : انا بكرهكككك بكرهككك...ياششمسسس بكرهككككك

وقف وبلش تكسير بالغرفة ..
أمير: مابدي شي م̷ـــِْن ريحتك يا شمس ..ماااا بدي شي م̷ـــِْن ريحتك ياحقيرة
فتح خزانتها وبلش يطلع تيابها بغل ويرميهم ويمزع فيهم
سحب الأغراض يلي عالرف ورماهم عالارض وهون وقع قدامه صندوق خشبي

امير : شو الصندوق هاد اول مَـرّھٌ بشوفوا وبعدين ليش مسكر بالقفل ياترى شو مخبيه ياشمس

سكت شوي وبعدا تناول مبرد الاظافر وبلش يفتح القفل وبعد عدة محاولات انفتح القفل وبلش يتفرج عالمحتويات يلي بقلبه
مسك اول ورقه وعيونه جاحضه بدهششه… .
امير : تحاليل مخبريه !! شمس هيه اللي عاقر !!!! معناته خالي مرتضى كان !!!!
نكت الصندوق عالتخت وبلش يقرأ باقي الاوراق
صور لمجموعة المصانع وقت كانت ب اسم عبدالسلام
عقد شراكه بين عصام وعبدالسلام
صوره عن عقد تنازل من عبدالسلام لعصام
تحاليل مزوره انها سليمه وبتجيب ولاد وتقرير طبي تاني بيأكد نسبة العقم عندها 100%
صور للحادث اللي صار لخاله سلطان ومرته وقصاصات من مجلات عن الخبر
والورقه اللي شلت اركانه… . تحليل ال Dna وشهادة ميلاد رواد

واخيرا انكشفت اوراق شمس بالكامل قدام امير…  لكن بيبقى السؤال ليش محتفظه بصور الحادث يلي صار لخاله مع ادق التفاصيل !!

رجع كلشي مكانه واكتفى انه يخلي معه تحليل ال dna

امير : انا لازم اتحرك وبسرعه .. حتى ازا ماسامحني باجس عالقليله بحاول صلح شي بالتالي ماحدا بيخسر كلشي ولابيكسب كلشي

حمل الصندوق  وخباه بغرفة دعاء   وحمل حاله وطلع بسرعة م̷ـــِْن الشقة ...

*╚══════ღღ══════╝

بهالوقت كانت رواد عند الدكتورة عم تفحص عالايكو وشهد واقفة بجنبا وناطرة عنار ...
خلصت الدكتورة وارتسمت على وجها ابتسامة عريضة ..
الدكتورة: خلصت فيكي تقومي
شهد :طمني دكتورة
الدكتورة: انشالله الف مبروك المدام حامل
احساس غريب حست فِيَھ رواد بس سمعت هالكلمة م̷ـــِْن الدكتورة ولمعة بعينها دمعة فرح ...
شهد: يي انشاللله الف الف الف مبروووك رورو ..ڵـڱ شبك لَيــِْـِْش. دمعو عيونك؟
رواد مسحت دمعتها متل ولاد الصغار وابتسمت :هدول  دموع الفرح شهد ..دموع الفرح
شهد: يي لواه لواه والله يلي بشوفك هيك بقول الك عشر سنين متجوزة وماخلفتي ..
رواد؛ :يبعتلك ڵـڱ انتي مسحوبة م̷ـــِْن لسانك
شهد: اي الداية للاسف ماطالت الا لساني وقت ولدت امي ..اي صحيح اكيد رح تخبري باجس
رواد: طبعا ..حابة اعملو اياها مفاجأة ..يلا خلينا نرجع ليستعوقونا بكونو رجعو ..

*╚══════ღღ══════╝

اما عند باجس كان قاعد هوة وضياء وسوسن ..
ضياء بيمزح: بتعرف باجس لْـۆ اني مكانك مابرجعلون شي وفخار يكسر بعضو
باجس: هلأ جاي تنكش مخاتك عليي .. انا مابعيني كل مال الدنيا .. انا يلي بدي اياه عيش وانا مرتاح مع رواد ..
سوسن: عسيرة رواد ..م̷ـــِْن لما رجعتو ماشفتا
ضياء: اي والله الشي. يلي صار نسانا رواد وحتى شهد مختفية
باجس: وانا عم قول لَيــِْـِْش. البيت هادي ..رح رنلا وشوف وينا ..

حمل باجس جوالو بدو يرن  لما سمع صوت الباب عم يرن بطريقة مو طبيعية ..
ضياء: يمكن هنن
وقف باجس وراح فتح واتفاجأ بأمير عالباب ..
أمير: كيفك يا ابن خالي
باجس:انت شو جابك لهون
أمير: ڵـهٍ ياباجس هيك بتستقبل ضيوفك
باجس اتنهد باسى : تفضل ..

فات باجس ووراه أمير وهو عم يتلفت حواليه ومستغرب م̷ـــِْن المكان ...
أمير بقلبو: انت عايش هون !!!.. قدرت ترجع كلشي أملاك والفرصة كانت بإيدك لتطلعنا كلنا برة وتصير انت البيك .. مو معقول شو ظلمتك يا ابن خالي ..

صحاه م̷ـــِْن شرودو صوت ضياء: خير. أمير شو يلي جابك بهالوقت
أمير: اجيت اطلب {العفو يا ضياء
باجس: ...
أمير: باجس انا بعترف اني غلطت وغلطي  كتير كبير .. بس المسامح كريم ونحنا بالنهاية بنضل م̷ـــِْن عيلة وحدة ومتل الاخوة

تغيرت ملامح باجس وامتزجت بين الالم والقهر

باجس: اخوة! !! أمير ازا اخوك ما قدرت تحمي م̷ـــِْن بطش وظلم هالعيلة ..كيف بدك اياني اعتبرك اخ .وبدك سامحك.عشووو عإنك بعتني وتلاعبت بشوية أوراق لحتى تاخد مكانة بكل خسة وندالة ..
أمير: قلتلك اني ندمان
باجس: ندمك مابهمني .. ابن عمتي على عيني وراسي ..أكتر م̷ـــِْن هيك مابقدر اعتبرك
أمير: ...انت لَيــِْـِْش. مصرر تقسي قلبك .. لَيــِْـِْش. مصرر تورجيني انك صاحب الحق وانا المذنب ..
باجس: لأنو هي الحقيقة
أمير: وانا بعترف بهالحقيقة .. وبدليل اني هلأ اجيت برجليي لعندك طالب مـڼـڱ تسامحني وتسمعني ..«مد ايدو عجيبتو وطلع ورقة » انا بعرف انو رواد بنت خالي مرتضى وهاد تحليل بأكد بهالشي ..

قرب باجس م̷ـــِْن أمير وأخد الورقة م̷ـــِْن أيدو وطواها ورجعها عجيبة أمير وطبطب عكتفو ..
باجس: انا مامحتاج هالورقة يا أمير لأني بعرف هالشي ومتأكد منو .. وازا مفكر انو هالورقة رح تلين قلبي وتخليني سامحك فأنت كتير غلطان .. انت تفننت باساليبك وتعذيبي .. وصح المسامح كريم .. وانا ماني كريم ..

ضل أمير واقف ومصدوم م̷ـــِْن جواب باجس ..عيونون كانو معلقين بنظرات مامفهومة وشاف باجس الدمعة اللي حابسها أمير جوا عينو لحتا مايبين ضعفو ..
أمير: باجس انت الًيَوُمًِ اكدتلي انك مابتفرق بشي عن جدي ..الف مبروك ..صرت نسخة مكتملة عنو ...

رجع لورا خطوتين وطلع بسرعة م̷ـــِْن البيت تارك باجس مصدوم بآخر كلمة حكاها ...
باجس بقلبو: معقول صرت نسخة مكتملة عن جدي ..

كان امير طالع م̷ـــِْن العمارة وهو منرفز م̷ـــِْن طريقة تعامل باجس معو والبرود والعتاب اللي قابلو فيهن..
فتح باب سيارتو وطلع ..كان بدو يشغل السيارة لما لمح سيارة شهد وقفت قدام العمارة ونزلت ‏​‏​منـِْهـِْا شهد ورواد ..

صفن شوي وبعدين اجتو فكرة ..ابتسم بخبث وطلع مسدس م̷ـــِْن تابلو السيارة وطلع لعند رواد ..
أمير :رواااد
التفتو رواد وشهد واتفاجأو فِيَھ ..
رواد: امير! !!  شو عم تعمل هون؟

امير قرب عليها اكتر وطلع المسدس ومسكها وحط المسدس براسها: سامحيني رواد بس مجبور
شهد بصدمة: ڵـڱ انتة جنيت ..بعد عنها يا حيوان
أمير: تعالي معي رواد ..
رواد كانت خايفة وبنفس الوقت مصدومة كن تصرف امير حتئ الكلام ضاع ‏​‏​منـِْهــِْا. ..

وبسرعة طلعها بالسيارة وطلع تارك شهد وراه عم بتصرخ وتولول ..

شهد : لك وووقف وووقف…  الحقني ياباااااااجس

نزلو كل الجيران عصوتها وحتى باجس وضياء وسوسن
شافوها منهارة وعم تبكي وتصرخ..قرب عليها ضياء ومسكها م̷ـــِْن كتافها وبلش يهزا: شهد اختي شو صرلك. حدا اذاكي احكي
شهد بتبكي: رواد
باجس قعد عركبو قدامها: شبهااا
شهد: اجا امير وحط مسدس براسها وخطفها قدام عيوني ...

انصدم باجس وفجأة وقف وبلش يركض بدون مايحدد وجهة ..وشوي شاف ضياء لاحقو بالسيارة ووقف بجنبو ..
ضياء : اركب بسرعه خلينا نلحقه قبل مايئزي رواد

طلع معو باجس وشد بالسيارة .. مسك ضياء الموبايل ورن على أمير ورد بسرعة
أمير :شو بدك
ضياء: وين رحت بالبنت يا امير؟

خطف باجس الجوال وبلش يصرخ: امير ورحمة أإأبـْيے لخلص عليك  ازا رواد بصرلا شي
امير: ازا بدك اياها لحقني عالقصر ..
و سكر الخط بوجهو ..

رواد بتبكي: ڵـڱ انتة شو بدك منيي
امير: رواد انا بدي اتأسف مـڼـڱ ..سامحيني
رواد: عشوو؟ ؟

كانت شهد عم تبكي وتسوق السيارة بسرعة كبيرة لحتا اتضل ورا سيارة ضياء
سوسن: اهدي شهد .. انشالله مايكون بدو ‏​‏​منـِْهـ♡̨̐ـِْا شي
شهد: ڵـڱ بحياتي ماشفت اوقح م̷ـــِْن هيك بني ادم .. بتعرفي ازا بيأزيها اوبيعملا شي لإطلع بروحو ..
سوسن: ڵـڱ والله هالطريق مو غريب عليي.. مو هاد طريق قصر عيلة الشامي! ؟
شهد: مبلا .. بشو عم يفكر امير ياترى؟
سوسن: خليكي وراهون لحتا ماتضيعيهون..

*╚══════ღღ══════╝

اما بالقصر ...
همام: عمي انا بعرف انو أمير غلط بتمنا تسامحو وتعتبر انو الشي يلي صار مجرد غلطة م̷ـــِْن شب طايش
بدور بغصة: امير غلط ياهمام .. ابنا وقع العيلة ببعضها واي حكم بيحكمو أإأبـْيے عليه رح يكون قليل
همام بصدمة : حكم! ! بدور ياريت تفكري منيح .. امير ركض ورا رضا ابوكي وكل اللي عملو كرمال العيلة ..
الجد :عن انو  عيلة عم تحكي عليها ياهمام .. العيلة اتشتت وكل واحد ‏​‏​منـِْهـ♡̨̐ـِْا صار بدنيا .. انامستعد سامح أمير
بدور :عنجد أإأبـْيے
الجد بهدوء : اي .. مستعد سامحو بشرط يسامحو باجس قبلي وقدام الكل ..

وفجأة سمعو صوت رواد عم تصرخ وأمير مدخلها غصبن عنها عالقصر ..
اتوسعت عيون نهال وضحكت بهبل: لااا كتير رح يسامحو بعد هالعملة .. 😅

وقفو كلهون مصدومين وهنن شايفين أمير مدخل رواد بلا ارادتها ..

رواد: عم قلك ترككككنييي
صرخ امير: اهدي شوي ..
الجد بصدمه : رواد !"
التفت لعند جدو وشرع بالحكي: اي رواد شو ياجدي مابدك تعترف برواد حفيدة الك؟
بدور: ڵـڱ ابني انت صار لعقلك شي؟
أمير: اي .. اي امي صار وصار كتيير .. صار انو شفت الحق ..وعرفت وين الباطل .. •اللّـہ̣̥ بعدي اسمو نورلي بصيرتي وهداني لقول الشي يلي عجز باجس عن اثباتو ..

بعد أمير عن رواد وراح اتجاه همام وعيونو بتدمع ..
امير: ازا كان فِيَھ حدا كان لآزٍمٍ يتعاقب فهوة انتةيا ابي ...
انصدمو كلون وتوجه نظرهم اتجاه همام ... فهم همام م̷ـــِْن نظرات أمير انو أمير كشف كلشي ..
أمير: اظن اجا الوقت لحتا تكشف كل اوراقك يا أإأبـْيے ... اجا الوقت لتحكي للكل هلأ شو علاقتك بقصة رواد وإمها ...
همام: ....

وصل باجس عالقصر ونزلو م̷ـــِْن السيارة ..كانو بدن يدخلو لما سمعو زمور سيارة ..التفتو وشافو شهد وسوسن نازلين م̷ـــِْن سيارة شهد ..
ضياء: انتو شو جابكون؟
شهد: والله مفكرين رواد بتخصكون لحالكون.  بعدولي هيك ..
اتجاوزت شهد باجس وضياء ودخلت بسرعة ودخلو وراها ..
وصلت لجوة وشافت رواد واقفة بنص الصالة ساكنة متل تمثال ..
راحت عليها شهد ولفتها: رواد شو عملك امير
رواد: ماعمل شي بس...
رجعت التفتت لحتى ماتروح عليها اي كلمة م̷ـــِْن الحقيقة ..

دخل باجس وتبعو ضياء وسوسن ...
باجس: رواد وينو هالحقير ..«شاف امير وكان ناوي يروحلو لما حس بحدا مسكو م̷ـــِْن قميصو ومنعو »
التفت وشاف رواد ماسكتو وعيونها عم يهرو علـّۓ. خدها ..
رواد :صبور باجس صبور ..
ورجعت اتطلع بهمام متل الكل وهي ناطرة يحكي ...

الجد: شو يا همام!
همام: القصة بلشت م̷ـــِْن زمان م̷ـــِْن اكتر م̷ـــِْن 25 سنة .. اتعرفت علـّۓ. شمس وحبيتا ..
بدور بصدمة: شو قلت
همام: حبيتها حب محدا حبو لحدا .. وتمنيتها ولأنو كنت متجوزك يابدور خفت اتزوجها ونزلها عليكي ضرة خفت من ردة فعل عمي ..بما اني صهر عصام الشامي .. ولازم كون مثالي بعيونو .. لهيك خبيت هالحب بقلبي بس...
بدور بغصة : بس شوو ياهمام
همام: بس منعتني قرب ‏​‏​منـِْهـ♡̨̐ـِْا  لحتى تخلص انتقامها منكون .. كان حقدها اتجاه عيلة الشامي كبير ..

فلاش ™̸̮بَََّـْْْـْْْbackـََْْـَّْْآَّڪَْْ∂⌣̶♥
شمس: ليك همام مارح كزب عليك ..يلي بدك اياه مِڼـّي انا مستحيل اعطيك اياه بالوقت الحالي ...
همام: لَـگِنْ على أي اساس عم تتقربي مني ..
شمس «قربت منو بكل ثقة »:بس اخلص م̷ـــِْن عيلة الشامي واحد ورا التاني ساعتها بكون الك ..
همام بعد عنها: لٱ شمس انا مستحيل ساعدك بهيك شغلة
شمس: عم تقلي انا لاا
همام: اي .. عم قلك لٱ ..
شمس: اي شو عليه انتة حر ..بس اتأكد انك انت يلي رح تخسر مو انا ..

™̸̮بَََّـْْْـْْْbackـََْْـَّْْآَّڪَْْ∂⌣̶♥

همام: لأني مارضيت جاريها بيلي عم تفكر فِيَھ ..بلشت تتقرب م̷ـــِْن مرتضى وبيوم وليلة صارت مرتو .. لحتى تورجيني انها بتقدر تحصل عكلشي بدها اياه .. وبعد سنتين م̷ـــِْن زواجها م̷ـــِْن مرتضى اتفاجأة فيها جاييتني عالشغل وحكتلي انها اكتشفت انو مرتضى اتزوج عليها زواج عرفي ومرتو على وشك انها تخلف ..بلشت تتمسكن وتبكي لحتى خلتني اضعف قدامها واعمل كلشي طلبتو مِڼـّي. 

الجد: وشو عملت؟
همام: طلبت زور تحاليل مرتضى وطلعو عأنو هو اللي مابجيب ولاد وتحاليل الها عأنها سليمة مع انو العكس صحيح ..ولما شاف مرتضى تحاليلو عأنو العطل منو جن وطار عقلو .. كانت ام رواد ولدانه و بس ماتت وهي عم تولد شك انه رواد مو بنته فعلا وكانت الخطه رح تمشي متل ما رسمتلا بس فجأه حس مرتضى انو هالبنت بنتو عنجد ... وعملا تحليل اثبات ابوة واتأكد انو هي بنتو..و لما عرفت شمس سرقت التحليل الاصلي وطلبت مِڼـّي طلع تحليل مزور عأنها مو بنت مرتضى وانا جاريتها وطلعتلا اياه .. وهاد اللي انتو شفتوه ..كل التحاليل والأوراق يلي ورجتكم اياهم شمس كانت مزورة ..
بدور بجلد: لَيــِْـِْش. هيك عملت يااهماام لييش؟
همام: كان معمي علئ قَلبـــيے. ..شمس عمتلي قلبي متل ماعمت قلوبكون ..
بعد المرضه يلي مرضها يوسف •اللّـہ̣̥ يرحمو بهالزمنات تبت وبعتلا رسالة بخط ايدي اني رح اتخلص م̷ـــِْن ذكراها وبدي بلش حياتي م̷ـــِْن جديد مع عيلتي .. كتبتلا ازا رح تأذي اي حدا منكون رح افضحها باللي عملنا مع بعض وبكل مؤامراتها وحقدها ..

كانت رواد عم تبكي وانهارت عصدر باجس ..
التفتو كلون على باجس ورواد ..كانت المشاعر ملخبطة والقلوب ضايعة ..
أمير تمالك حالو وطلع ورقة التحليل لجدو ...:خود ياجدي هي الورقة الاصليه يلي بتأكد انو رواد جزء م̷ـــِْن هالعيلة ..
رفع الجد ايدو ونزل الورقة وايد أمير وحكا والدموع اتغلغلت بعيونو وهو مسلطهون على رواد : انا مولازمني اي اثبات لأتأكد انها بنت مرتضى ..بكفيني اطلع بعيونها لحس انها م̷ـــِْن دمي ولحمي ..

حسو باجس ورواد بالانتصار بمعركة طاحنة خاضوها لسنين بعد سماعهن اعتراف الجد برواد عأنها حفيدتو .. بس فضلو يتركو الغنائم وينسحبو بكل كبرياء..
لفو وكانو رح يطلعو لما استوقفهن صوت أمير...
أمير: لوين ياا اخي ..لوين ياحامل اسم العيلة
باجس «وقف ورجف بدنو كلو بعد هالكلمة »
أمير: رجاع عبيتك ولحضن عيلتك ياباجس .. انا مستعد اطلع لحتا ترجع انت ..مستعد اترك كلشي وعيش بالشارع كرمالك ..
باجس التفت: مافي داعي يا امير .. انا الًيَوُمًِ اخدت حقي ورواد اخدت. حقها بالكامل وهالشي بكفينا ..
أمير: قد ماضليت تهرب  رح اتضل انت ورواد جزء م̷ـــِْن هالعيلة
باجس: ونحنا مانكرنا بيوم إننا م̷ـــِْن هالعيلة بس اللوم عللي نبذونا ..
واتطلع بجدو ..
الجد: وهلأ اعترفنا انو كنا غلطانين ..وانا بعترف اني غلطت ..لاتروح يا ابني لاترووح ..

نزلت دمعة باجس وهوة بيطلع بوجوه الكل بشكل متتالي ..هالاشخاص اللي ظلمو ورفضو يسمعووه ..
كان ناوي يرفض طلب جدو لما سمع رواد بتحكي: جدي انا .. انا بدي ضل معكون
باجس انصدم وصفن بملامح رواد: شو قلتي؟
رواد بتبكي: باجس .. كلشي صار ماضي وراح .. انا بدي عيش بين عيلة
وحطت ايدها عبطنها وشرعت بالحكي: بدي ابني يربى بعيلة مترابطة مو بعيلة مشتتة ..بدي اياه يعيش متل كل الناس

باجس بعدو واقف مكانو ومصدوم ..
رواد قربت عليه: باجس انا مالي مستعدة عيش ابنا العيشة اللي عشتا انا ..
باجس: ابنا؟ !! يعني انتي انتي ...حامل؟
هزت رواد براسها وابتسمت اما باجس ماقدرر يخبي فرحتو وضمها بكل مشاعرو ..حملها وبلش يفتل فيها ...

الكل كان فرحان لفرحهم .. اما نهال انصدمت وضمت يوسف اكتر لصدرها بألم. .مو عرفانة ازا كانت فرحانة او زعلانة .. وانسحبت بكل هدوء م̷ـــِْن بينهم ...

قرب أمير منهم ...
امير: انشالله الف مبروك باجس ..
باجس م̷ـــِْن فرحتو تبلكم ومعد عرف شو يرد .. وما لقا حالو الا ضم أمير. .
اتفاجأ امير م̷ـــِْن ردة فعل باجس..بس ماقدر يخبي مشاعرو ولفباجس زيادة ..

مع تلاحم الصدور رجعت هالعيلة اتلاحمت من جديد .. والشمل التم أخيرا ...
باجس ماحمل بالبو طغينة علئ أمير ورضي بالنهاية يسامحو ..

بس بالمقابل في قلب حمل غصة ... بدور كانت رغم جلادتها وقوتها حاسة بالكسرة... لحد الان مو قادرة تصدق انها انخدعت طول سنين م̷ـــِْن اكتر شخص حبتو وامنتلو ...
كانت شاردة ودمعتهامعلقة عباب جفونها ... لما رجعها صوت همام للواقع ...
همام: خليها تنزل.
بدور اتطلعت فِيَھ بعتاب: دمعتي مو رخيصة لحتا خليها تنزل ياهمام ..
همام: سامحيني انا بعترف بغلطي و..
بدور رفعت ايدها بوجهو وقاطعتو: ازا بتريد همام سكر عالقصة ..
همام: لاتكابري عحالك ..
بدور: انا امنتلك ..حبيتك وعشت كل عمري معك واخر شي بطلع مخدوعة فْيَگ!
همام: معك حق شو ماحكيتي .. وشو ماعملتي معي قليل ..بس اتأكدي يابدور اني بحبك وبحترمك ياشريكة حياتي ..
بدور :.....

......:بدور خانم ممكن احكي معك
التفتت بدور وشافت سوسن ...
سوسن: همام كان كتير اناني وشخص يمكن مابينوثق فِيَھ .. بس كمان فِيَھ خصلة حلوة .. انو الكلمة اللي بيحكيها بتكون نابعة م̷ـــِْن قلبو ان كانت حلوة او مرة ..بتعرفي لَيــِْـِْش.؟  لأنو ابدا مو شاطر بالكزب ..اخي همام بحبك ومتأكدة انو هوة ندم وراجع حساباتو .. ماما عطول كانت تقلي لاتحكمي علئ اخوكي يا سوسن ..يمكن هلأ عم يمشي ورا شيطانو بس انا بعرف شو مربية ومتأكدة انو همام رح يرجعلو صوابو بيوم م̷ـــِْن الايام ويبعد عن طريق الغلط ..
بدور ابتسمت بحسرة: اصدك انا يلي غيرتو
سوسن: يمكن وجودك معو ساعدو علئ انو يتغير ويصير احسن البشر. «واتطلعت بأخوها »اخي اعترافك الًيَوُمًِ كبرك كتير بعيني وانا متأكدة انو ماما رضيانة عليك بقبرا ..
هرو دموع همام والتفتت عليه بدور ..لما شافت دموع جوزها شافتها كبيرة وعطول قربت منو مسحتلو اياهون بكفوف ايديها
بدور: اصحا ياهمام ..اصحا شوق دموعك ..انتة رجااال فهمت رجااال ..ازا انتة نسيتو لهالموضوع انا رح اعتبر حالي ماسمعت فِيَھ ماشي ...
همام :•اللّـہ̣̥ يخليلي اياكي ومايحرمني م̷ـــِْن البك يا ام امير ...
بدور: ولا يحرمني مـڼـڱ ..

قرب الجد من باجس ورواد وعيونو معبايين دموع
الجد : مبروك علينا وريث عيلة الشامي
رواد وباجس بصوت واحد : بعدك بتفكر بالورته ياجدي 😲
الجد : هههههههه وهلأ رح فكر فيها اكتر من اي وقت تاني تعوا لحضني ياغوالي
فتح الجد دراعاته وحضن رواد وباجس لصدرو
كانت اجمل لحظه بتمر عليهم بعد معناة سنين طويله قدرو اخيرا يتوحدوا من جديد ومافي شي كان غاصص قلب كبير العيله الا غلطته بحق سوزان ويوسف 💔

*╚══════ღღ══════

بعد مصالحة العيله مرت الايام بهنا وسعاده ورجع باجس عالقصر بصحبة رواد حاملين بقلوبهم امل جديد بحياه جديده وهاديه
رجع باجس مع كل الاحترام لمكانه بالشركه وصار امير ايدو اليمين ونائب المدير العام
اما همام وبدور احتاجوا وقت اضافي لتصفى نفوسهم وتقدر بدور تنسى وتسامح همام
هالمره الجد اتصرف بحكمه وما فكر بعقله وحكم قلبه وفضل يعاقب همام بطريقه تانيه وهي بدور اللي كانت بجلدها نسخه عنه وقرر يعطي الكل فرصه جديده ليثبتوا ولائهم وحبهم للعيله
لكن ياترى شمس رح تتركهم بحالهم

*╚══════ღღ══════╝

حملت نهال ..يوسف بين ايديها وفاتت لغرفتها وحطته بهدوء عالتخت لحتى مايفيق
كانت عم تبتسم بحب وهي شايفته نايم متل الملاك وخدودو المنفوخين موردين باللون الاحمر

قربت منه وطبعت بوسه ع خده

نهال : تقبر قلبي متل الملاك وانت نايم… . ياروحي انت شو بحبك

مدت حالها بحدو بحذر ولمح طيف باجس بخيالها وملامحه اللي فاضت بالفرح والسعاده وقت سمع خبر حمل رواد

نهال (تنهدت)  : ياربي شو مبسوطه انه العيله رجعت تلاحمت من جديد و•اللّـہ̣̥ كملها مع رواد وباجس بالطفل
تلفتت ناح يوسف وتبسمت
نهال : رح يجيك صديق لك يوسف   •اللّـہ̣̥ يتم عليهم سعادتهم ويفرحهم بالذريه الصالحه…  بوعدك باجس كون الك ولرواد متل الاخت وابقى محافظه على هالعهد طوال مافيي نفس

بهاللحظه تململ يوسف وبكي وبسرعه حملته نهال وبلشت تهز فيه بحنيه

نهال : لا لا ياماما لاتبكي ماما نهال عندك

ماما نهال !!!

تلفتت بسرعه وشافت امها واقفه بنص الغرفه وعلامات الدهشه على وجهها

نهال بلبكه : اا انا ماقصدت شي امي بس من حبي ليوسف هيك حيكت

قربت منها ياسمين وحملت يوسف وبلشت ترضعه بالببرونه ونهال تراقب ملامحها اللي كساها الهدوء

قطعت ياسمين حاجز الصمت

ياسمين : شو رأيك ب امير
نهال بصدمه : مـ من انو ناحيه امي
ياسمين : نهال ياروحي . أنا بدي اطمن عليكي .. صحيح أني عم شوف لمعه بعيونك كل ماحملتي يوسف بس حاسه انها سعادتك ناقصه..

تنهدت نهال وشرعت بالحكي:

ليش في سعاده كاملة وخالصة تماماً يا أمي.. أنا راضية والحمد لله.. بكون مبسوطه ويوسف بحضني

سكتت شوي وارتعش صوتها بعض الشيء:

ـ وبالنسبه ل امير.. انا موافقه اني اتزوجه امي
ياسمين : كرمال يوسف بس
هزت راسها بالنفي : لا امي انا فعلا مقتنعه ب امير
ياسمين : وشو يلي غير رأيك

قطعت نهال كلامها قبل ماتحس عليها امها وتلمح بعيونها الدمعه

نهال : ـ ازا تم زواجنا.. رح تنحل كتير من المشاكل وانا اخيرا اقتنعت انه كلام جدي صح وبعد الزواج رح تتلاحم العيلتين اكتر ونحاول ننسى الماضي شوي ولو بقيت ذكرياته محفوره داخلنا

رفعت ياسمين دقن نهال بحنيه:

ياسمين : معك حق زواجك من امير  رح يرجع علاقة الود بين أبوكي وعمتك بس ياترى رح تنسي باجس
نهال بصدمه : باجس !!! وشو دخل باجس بزواجي من امير
ياسمين : لاتكزبي عليي وعلى نفسك يابنت بطني عيونك فضحتك

نزلت عيونها عن امها وسكرت أهدابها الطويلة وهي بتسألها

نهال : شو قصدك أمي؟..

ردت ياسمين بنبرة ذات مغزى:

ـ قصدي أنه باجس رجل رائع.. ولكنه مو الوحيد.. وهو زوج بنت عمك وانتي قدام الكل مخطوبه ل امير ولو كنتِي رفضتيه انا وابوكي وحتى عمتك بدور رح نوقف معك  ومارح نجبركِ تتزوجيه
نهال :

اخدت ياسمين نفس بعمق وتابعت كلامها  حبيبتي.. صارحي نفسكِ  ازا وافقتي تتزوجي امير لازم تنسي حبك لباجس. لحتى ماتحصري نفسكِ بدور الضحية وتتحول سعادتكِ الناقصة لتعاسة تامة.. وحاولي تفهمي طبيعة امير . لانه ما عرف الحب.. لحتى يتعرف على مشاعره ويدركها رغم انها دعاء الله يرحمها كانت زوجه رائعه وحبته كتير لكنه تزوجها لمصلحه وشوفي شو كانت النهايه
نهال بحزن : بس الحب مو هيك امي نحنا مالازم نغلط لنثبت لحدا انه بنحبهم

ياسمين : اكيد امي وانا وابوكي ربيناكي عالصدق والصراحه لهيك رح أسألكِ سؤال واحد ومابدي  اسمع جوابه, .. بدي  منكِ تجاوبي نفسكِ عليه وبصراحة..
انتي بتحبيه ل امير ولا مشاعرك منساقه لباجس ؟..

اطلعت فيها نهال  ودموعها عم تتجمع بعيونها. وراسها بتتحرك بالموافقة بدون إرادتها..

حضنتها ياسمين وحكت بحب
ـ مافي عيب من هالشي امي ومافي داعي للبكي …  أنا متأكده أنه امير