الـ كـاتبه سوسي ✨

متابعه وتصويت تعليق

:أنتَواحِد تارس الرُوح أُمنيّات.🤍
........................................

سكتت وصعدت الغرفتي دخلت وانتبهت البزونه تفتر حول نفسها استغربت بقيت مركزه بيها انتبهتلي وصارت تتقرب ببطئء

تتقرب وانه ابتعد وصلت الباب وانطبك حيل بسرعه درت وجهي عليها لكيتها تباوعلي اتقربت وانه ابعد بيها طفرت عـليه وشرمخت ايـدي وابتعدت

ايـدي صارت تنزف بسرعه صرخت وصرت ارجف صعدت امـي مخروعه من صوتي

هـيام: رفيفف شبيج شصاير بنيتي

رفيف: يوممم البزونه البزونه طلعيهااا

احجي واختض مثل السعفه

هـيام: كوميي امي كومي اغسل وجهج هسه اطلعها

انتبهت الايدي واردفت
هـيام: رفيف شني هاي شبيها ايدج امي

رفيف: البزوونه البزوونه هيي هيي سوت هيجي بيه

تباوعلي وتباوع للبزونه الي عـ شباك كاعده وتباوع عليه

هـيام: كوميي غسلي وهسه اطردها يروح امج

كمت وانه خايفه واباوعلها رحت للحمام غسلت وطلعت لكيتها طاردتها تمددت عـ جربايه واجت امي تستفسر الصار

هـيام: رفيف بنياتي احجيلي شنو الصار

حجيتلها الصار بتفصيل من يوم الجبتها الحد الان باوعتلي بعصبيه وصاحت

هـيام: كتـلج طلعيها ومسمعتي مني

رفيف: مادري حيصير هيجي امي لتلوميني حبابه

هـيام: كومـي نامي يمي بلغرفه بنيتي

رفيف: ميحتاج حبيبتي حـنام اصلاً

هـيام: تخافين ترحين يمي خاف يصيرلج شي بنياتي ما أمن عليج

رفيف: لا يومم لاتخافين حـنام مايصير الا الخير ان اشاء لله

هـيام: ماشي اذا تخافين صيحي عليه

رفيف: ماشي امي حبيبتي لاتشغلين بالج

راحت امي ومتمدده وافكر بالصار وحيل خايفه اجت بالي اكوم اسوي الكـيكـه واشغل نفسي بيها ومافكر واخاف

ـ نزلـت واسـمع همس بل مطبخ اتقـرب وكلبي يـدك سـريع ومـرعوبه اتقربت من باب المطبخ كُلش وسمعت واحد داخل المطبخ طكها ضحكه عاليـه فزيت وتراجعت واختفه الصـوت قويـت روحـي ودخلـت وانصدمـت خيـال اسود وضخم طلع من باب المطبخ صرت ارجفف من الخوف اتقدم وارجف

كلت اكيد اتوهم من كد مخفت وتوهمت دخلت ورحت للثلاجه اطلع البيض رفعـت راسـي ولمحت امي مدنكـه وتباوعلـي بنضرات هزتني حرفياً وعـلى ثغرها ابتسامه شريره جمدت من الخوف وصرخت بفزع

رفيف: سلااااااااااامممم قولاً من ربببببببب الرحيمممممم

غمضت عيوني واتعوذ واقراء ايات وهدئني صوت امي وهي تكول

هـيام: اسم الله اسم الله شبيج مامه شبيج

وحضنتني تهدأ بيه وانه ارجف وابجي منضر امي ميروح من بالي ولا البزونه ابددد ابدد وحيل خايفه
دخلتني امي الغرفتها كعدت واردفت

رفيف: يومم خايـفه

هـيام: مامـه سمي بأسم الله ماكو شـي

ارجـف واحجي
رفيف: يوممم اا انه شفته والرب شفته

هـيام: حبيبتي امي انه يمج لاتخافين تعالي بحضني

نمـت بحضنها وتقراء ع راسي قرآن الى ان غفيت كعدت الفجر ع اثر كابوس نايمه بغرفه امي وصافنه بسكف التفتت شفت خيال اسود وختلت بحضن امي فزت

هـيام: اسم الله ها امي شبيج

رفيف:  هيج ولا شي ارجعي نامي حبيبتي

باوعتلي بعد تصديق واردفت
هـيام: ولا مطمئنه للوضع باجر اشوف واحد يعرف بهلـ شغلات

اتنهدت مرتاحه واردفت
رفيف: ان شاء لله يوم ان شاءلله

ورجعت نمت ماكعدت غير عـ صوت امي وهي تكول
هـيام: رفيفف كومي عاد ماضل وكت

رفيف: كايييمه يومم

كعدت ورحت سبحت وفرشت اسناني ولبست فستان مستور وحجاب ومكياج خفيف نزلت صبحت عـ اهلي سحبني بابا الحضنه وباسني واردف

عـلي:اروح فدوه البنياتي الحلوات

رفيف: حبيبي باباتي ربي يخليك النه

اردفت امي
هـيام: كوميي شوفي اخوج كعد

صعدت ودكيت الباب مافتحه دفرته وصـحت

رفيف: ااانننهض ياقوممممم

فز وباوعلي وكال
سيمار: رفيففففف الحييييه بسييطه

شفته كام وشردت بروحي العزيزه نزلت جوه اردفت امي
هـيام: شني هلصيياح من صبحيات الله لاتبلشون

رفيف: يمه كلشي ماكو كعدته واجيت ويلا حروح

بوست خدودها وطلعت للمُستشفى وكلعاده ماكو شي جديد رجعت تعبانه مالكيت بس امي سئلتها

رفيف: يوم بابا وسيمار وين

هـيام: هسه يجون فد شويه نروح البيت خالتج

رفيف: تمام بس انام شويه وكعديني تعبانه

هـيام: روحي امي

صعدت بدلت ونمت ماكعدت غير عـ صوت امي

هـيام: رفيف بنياتي كومي

رفيف: كايمه يوم

كمت سبحت ولبست بنـطرون اسـود وسوت اسـود وحجاب ابيض وحذاء ابيض. ومكياج خفيف وطلعت

سيمار: لـك شنـي هاي خالـي كسرتي علينه وعـلي

ضحكت
رفيف: اووييي سيمارووو لاتخجلني

سيمار: بنياتي اخاف عليـك لا يحسدونك

رفيف: سيمارر ترا انتَ هم طالع تطك بلكاععع

اردف يقلد عليه
سيمار: اوووييي رفيفوو لاتخجليني

رفيف: لاتقلدني سمسم

سيمار: سمسم بعينج بكدج انه امشي

اردفت امي هستوها متذكره جانت ملتهيه
هـيام: فدووه لبنيتي هسه يحسدونج يبعد طولي شطالعه كمر 

رفيف: هههه كافييي لتخجلوني استوحييي

كفخني على راسي سيمار
سيمار: دمشيي تستوحييي

ضحكت وطلعت صعدنه بسياره متجهين لديالى طول الطريق سيمار يكفخ بيه وانه اصرخ

سيمار: امداج دكعدي عدل
وضربني  عـ راسي

رفيف: سيمارررر وخر كلساع وكفختني مخي صار بي ارتجاج

سيمار: كلشي مابيج مثل صل حيييه

رفيف: خليني محترمتك حبيبي وخر من يمي مو جاهل انتَ

سيمار: انجبي لا ارفسج
همست
رفيف: يعرف بنفسه ثور

دفعني ونركع راسي بلجام مال سياره عـلساس شقه

سيمار: هذا ياهو الثور ولج

رفيف: سيماررررر وخررر لتضربني ايدك ثكيله وبعدين شكو اخذ عـ نفسك لو تعرف وسكتت

صفن عليه وكال
سيمار: اييي شعرف كملي ليش سكتي

ضحكت الطف الجو لانُ شفته زعل ميقبل اغلط علي بدون شقه
رفيف: هههه حبيبي اخويه العزيز شبيك شو زعلت انه داشاقه

سيمار: دوليي ولي سوتني ثور وتكلي اتشاقه

رفيف: لاتلح عاد اقصد كافي ياعيني مو تدري داشاقه

سيمار:  امداج بس تجفص منشيلجياها هلـمره مره ثانيه تتعاقبين

رفيف: يروح اختك تزعل مني

سيمار:  ههه اكدر انه ازعل منج تعالي
وحضني وباس راسي

رفيف: بعد روحي

نمت وكعدت ع صوت سيمار
سيمار: اختاااااه

رفيف: وجعااا فززتني

سيمار:  دنـزلي نزلي وصلنه

نزلت ودكينه لباب وانه حته ماعرفهم ولاشايفتهم وفتحو الباب ونصدمت من طلعت البنيه وياهم مره بكد امي

::  الي هيا خالتي؟

    ::::::::::::::::::::::::::::::::::::::::::::::::::
       

          ✨  صووووتووووو عـيناي✨

عـيناي نزلو الروايه بلمكتبه