[16:Take Care]

-𝐀𝐥𝐢𝐬𝐡𝐚'𝐬 𝐏𝐨𝐯-

Bukas ay dadalhin ko si Alas sa Amusement Park. Day-off ko bukas at walang pasok si Alas kaya saktong-sakto..Makakapag-bonding na ulit kami!

From Aushi:

Sinundo ko si Alas galing sa school. Dadalawin ka namin, sabay na tayong mag-lunch.

Napangiti ako bago ko sya nireplyan ng 'okay'.

Atleast President is becoming more and more like a dad now.

"Ate Alisha, may jowa ka ba? Pansin ko lagi ka nalang ngingiti habang nakatingin dyan sa phone mo ah." asar ni Lily sakin habang nakangiti sakin

Napanguso naman ako at sinamaan siya ng tingin.

"May nakita kasi akong nakakatawang post!" palusot ko pero mukhang di sya naniwala

"Weh? Anyways, pinapatawag ka na sa set." wika niya at tumango naman ako at tumayo na sa kinauupuan ko

Ito yung scene kung saan tatalon ako sa isang puno para patayin yung role ni Kleo, which is the second female lead. Medyo takot ako sa heights kaya kinakabahan ako.

Pagpunta ko sa set ay pinaakyat nila ako sa isang puno. May harness naman na nakakabit kaya di masyadong nakakatakot. Pero medyo mataas yung puno kaya kinakabahan ako.

"Alisha, sure ka ba na ayaw mo nang mag-double ng stuntman? Takot ka sa heights diba?" tanong ni Director Lee at umiling naman ako.

Pangarap ko kase talaga maging bida dati sa action movies tapos lahat ng stunts ako mismo ang gagawa.

"Okay lang, Director Lee!" nakangiting sagot ko at tumango naman siya

"Ready...Action!"

"Bakit niya ako pinapunta dito wala namang tao?" pagbibitaw ni Kleo ng linya

Ang kailangan ko lang gawin dito ay tumalon mula sa puno at magkunwaring sasakalin siya.

Lumingon si Kleo sa paligid at yun na ang signal ko para tumalon.

Huminga muna ako ng malalim bago bumwelo sa pagtalon.

Bumilis ang tibok ng puso ko ng marinig ko ang pagkaputol ng harness mula sa pinagkakabitan nito.

Napapikit ako ng maramdaman ko ang sakit ng malakas na pagbagsak ko sa lupa. Sobrang lakas ng pagbagsak ko ay hindi ko na nagawa pang bumangon.

"ALISHA!"

Rinig kong sigaw sa paligid. Naramdaman ko nalang na may mga kamay na marahang bumuhat sakin. Pinilit kong imulat ang mata ko para makita siya.

"A-aushi?"

Yun nalang ang huli kong nasabi bago dumilim ang buong paligid.

------

Napamulat ako dahil sa masakit na pagkirot ng ulo ko. Pagbukas ng mata ko ay puting kisame ang sumalubong sakin.

"Wife!"

"Mommy!"

Napatingin ako sa paligid at nakita si Alas at Aushi.

Their worried faces greeted me.

"Mommy, okay ka na ba? may masakit ba sayo?" nag-aalalang tanong ni Alas habang nakayakap pa sakin.

Medyo masakit pa yung ulo ko dahil siguro sa impact nung pagbagsak.

Pinilit kong umupo sa higaan.

"Okay lang ako, medyo masakit lang yung ulo ko." sagot ko kay Alas

"Alas, samahan mo muna si Manang Liz sa labas. May pauusapan lang kami ni Mommy mo, okay?" wika ni Aushi at tumango naman si Alas

Ano namang pag-uusapan namin na hindi pwedeng marinig ni Alas?Lumabas na sa kwarto si Alas at nagpakawala muna si Aushi ng isang buntong-hininga bago nagsalita.

"Are you getting bullied at your work?" tanong niya sakin at umiling naman ako

I'm not bullied, sadyang marami lang talagang kaaway.

"I checked the harness, it was intentionally cut by someone. Buti nalang pasa lang ang nakuha mo sa pagkabagsak mo, walang fractures at walang internal hemorrhage. Pinaiimbestigahan ko na kung sino ang may gawa." wika niya

So ibig sabihin, planado yung pagkalaglag ko mula sa puno? Kaya pala ako nagtataka kung bakit pumalpak yung harness e ilang beses yung chineck ng mga staff bago yung scene. Bumili pa nga sila ng mas matibay na harness dahil ang-aalala sila na baka masaktan ako.

Kung may puputol man ng harness, dalawa ang pwedeng may gawa nun.

It's either Anya or Kleo...

Nawala ako sa malalim na pag-iisip nung bigla akong niyakap ni Aushi.

"Wife, why don't you just work at my company?" tanong niya sakin at napakunot naman ang noo ko

"Sira ka ba? Wala naman akong alam dun. Tsaka passion ko talaga yung pag-arte!" sagot ko sakaniya

Parang nakikipagmatigasan pa siya dahil di niya inaalis ang pagtitig niya sakin na para bang kinukumbinsi parin ako. Sa huli naman ay sumuko na rin siya.

"Fine, but you have to promise me, you'll take care of yourself."

Napapikit ako ng halikan niya ang noo ko. Sa sobrang tahimik ng paligid tiyak rinig niya yung bilis ng pagtibok ng puso ko.

"Ate Alisha, buti---"

Sabay kaming napalingon ni Aushi kay Lily na papasok sana ng pinto

"Hehe, wala po akong nakita. Namali yung pasok ko!" sigaw niya bago isinarado ulit yung pinto.

Napatakip ako sa mukha ko na namumula na naman.

WAAAAAHHH! Lagi nalang!

Bakit ba laging may nakakakita samin tuwing nagiging intimate kami? Sinasadya ba 'to?

***