ဒီနေ့ ငွေ ရန်ကုန်ကို လိုက်သွားရတော့မည်.....

ဖိုးဖိုးဒီပ မင်္ဂလာကိစ္စတွေ  ဆက်နေတာမို့ ရန်ကုန်ထိ ကားနဲ့မပြန်နိုင်တော့ဘဲ မန်းလေးကို သူဒရိုက်ဘာနဲ့တက်ကာ မန်းလေးကနေ လေယာဉ်စီးပြီး ရန်ကုန် ပြန်မည်ဖြစ်သည် ။ ရန်နိုင် ၊ ဒရိုက်ဘာနဲ့ ဖိုးဖိုးရယ်က ကားတစ်စီးနဲ့ အရင် မန်းလေးတက်သွားပြီး ဖြစ်သည် ။ ရန်နိုင်နဲ့ ဖိုးဖိုးက လေယာဉ်နဲ့ပြန်မည် ဖြစ်ပြီး ၊ ဒရိုက်ဘာက ကားယူကာ ရန်ကုန်ပြန်မည်ဖြစ်သည် ။

မာမီ ၊ ဒယ်ဒီ နဲ့အောင်ထွန်းရယ်က ကားတစ်စီး စီးမည်ဖြစ်ပြီး၊ ဖြိုးသုတ ၊မြတ် ဘုန်းမော်နဲ့ ငွေက ကားတစ်စီး စီးကြမည် ဖြစ်သည်။ ငွေက သွားခါနီး ဖေဖေ၊ မေမေနဲ့ဖွားမေတို့ကို ကန်တော့လိုက်တော့ ငွေနဲ့အတူ မြတ်ဘုန်းပါ လိုက် ကန်တော့ လေသည် ။ ဖွားမေက ဆုတွေပေးတော့

‘’ဒီလင် ဒီမယား ၊ ကျန်းမာ ချမ်းသာပြီး ၊ သွားလမ်းလည်း သာပါစေ လာလမ်းလည်း ဖြောင့်ပါစေ ၊ ဘေးဉပါပအန္တာရယ် ရန်အသွယ်သွယ် ကင်းဝေးပါစေကွယ်....’’

ငွေမျက်ရည် မထိန်းနိုင်ခဲ့ပေ  ...

‘’‌ဪ.. ! သမီးရယ် မေမေတို့ ရန်ကုန်ကို မင်္ဂလာဆောင်ခါနီး လာမှာကိုကွယ် ၊ မေမေသမီးက ကလေးကျနေတာဘဲ ၊  မငိုနဲ့တိတ် တိတ် .... လူကြီးတွေ စိတ် မကောင်းဖြစ်တော့မယ်.၊ လာ…လာ မေမေတို့ ကားနားထိ လိုက်ပို့မယ်.... ‘’

ဖေဖေက ဘာမှာမပြောဘဲ လက်သီးဆုတ်ကာ ခေါင်းငုံ ထိုင်နေ၏ ယုယုလည်း မျက်ရည်သုတ်ကာ မေမေနဲ့အတူ မမငွေကို ကားနားထိ လိုက်ပို့ လိုက်၏။

‘’ယုယု မေမေ ၊ ဖေဖေနဲ့ ဖွားမေတို့ကို ဂရုစိုက်နော် ၊ အရင်လို့ ကလေး လုပ်မနေနဲ့ ၊ ဒေါ်ဒေါ်စန်းတို့ အတိုးကိစ္စကိုလည်း ဒီတစ်ခါပြီးရင် ဖြတ်ပေး လိုက်တော့နော် ‘’

‘’ဟုတ်ကဲ့ပါ..၊ မမငွေ စိတ်ချသွားပါ... ‘’

‘’ အေးအေးလည်း မိညိုနဲ့အောင်နက်ကို မမငွေ အပ်ပါတယ်နော် ၊ သေချာ ဂရုစိုက် ထမင်းကျွေးနော်... ‘’

‘’ဟုတ်ကဲ့ မမငွေ ၊ အေးအေး ဂရုစိုက်ပါမယ်... ‘’

ငွေမှာ တစ်ယောက်မကျန် မှာနေရ၏မြတ်ဘုန်းက....

‘’ငွေ သွားကြစို့ ၊  ရန်ကုန် အဝင် နောက်ကျနေမယ်... ‘’

ငွေ ကားပေါ်တက် လက်ပြကာ မောင်းထွက်လာကြလေတော့သည်။ ဖြိုး သုတက ကားမောင်းပြီး သူနဲ့ငွေက နောက်ခန်းမှာ စီးကြလေသည် ။ ငွေမှာ မြို့တက်လမ်းခွဲ ရောက်တော့တခါ ထပ်ငိုလေသည်။

‘’ငွေကကွာ မသိရင် မောင်က မတရားသိမ်းပိုက် ယူလာသလိုဘဲ ၊ တိတ် တော့နော့် ‘’

( တရားသဖြင့် ယူလာတာဆိုတော့လေ  ) ဖြိုးသုတက စိတ်ထဲကနေ ပြောနေခြင်း ဖြစ်သည် ။ ထုတ်ပြောကြည့်ပါလား အနည်းဆုံး လက်သီး တစ်ချက်ဘဲ...

‘’ငွေမျက်ရည်ကျတာ မြင်ရတာ မောင် ဘယ်လောက်ရင်နာရတာ ထင်သလဲ ၊ မင်းအနားမှာ မောင်ရှိတယ်လေ ၊ မောင်ချစ်ပေးတာကို ယုံပြီး လိုက်ခဲ့ကွာနော့် ... မငိုနဲ့တော့ တိတ်တော့နော့်...။ ‘’

မြတ်ဘုန်းက ငွေကို ဖက်ကာ မျက်ရည်တွေ သုတ်ပေး၍ ပါးလေးကို တရွတ်ရွတ် နမ်းကာ ချော့နေ၏

ကားမောင်းပေး‌ရတဲ့ ဖြိုးသုတ တယောက်ကတော့ (အမယ်လေး ဟဲ့ ခွေးစားတွေ တပုံတခေါင်းကြီး ကျွေးနေပါလား ကားနားရင် ဟိုကောင့် အောင်ထွန်းနဲ့ ကားချိန်း ရမယ်၊ ဒီက ကောင်က F A လေးကို မညှာမတာ လာ R O ပြနေတယ် စိတ်နာတယ်နော် မရဘူး ကားနားတာနဲ့ ကားချိန်းမယ်.... )
-
-
-
-
-

ရန်ကုန်အိမ်ရောက်တော့ မိုးချုပ်ခါးနီးပြီး ဖြစ်သည် ။ မြတ်ဘုန်းတို့အိမ်က မြောက်ဒဂုံ ထဲမှာ ဖြစ်ကာ ပေလေးဆယ် ပေခြောက်ဆယ်ပေါ်မှာ နှစ်ထပ် အိမ်ကြီးက ဟီးလို့ ... ငွေတို့ရွာက ခြံလောက်မကျယ်ပေမဲ့ ခြံထဲ ဝင်လာတော့ အိမ်ရှေ့မှာ အလှစိုက်ပန်းပင် လေးများနဲ့ဆိုတော့ နေချင်စရာလေးပင်...

ငွေတို့ ရောက်တော့ အိမ်ရှိအလုပ်သမားများက အထုပ်တွေ ကူသယ် ပေးကြ ၏ မြတ်ဘုန်းက အောင်ထွန်းတို့ကို...

‘’အောင်ထွန်းနဲ့ ငဖြိုး ၊ မင်းတို့ ကားတစ်စီး ယူသွားလိုက် မနက်မှာ လာပို့ လာမပို့နိုင်ရင် လည်း နောက်နေ့မှာ ငါလာယူမယ်. ။ ငါ လိုက်မပိုတော့ဘူး နေရာစိမ်းဆိုတော့ ငွေ တစ်ယောက်တည်း ဖြစ်နေမှာဆို့လို့  ၊ မင်းတို့ ငါနောက်လိုက်လာပြီး ငါကိစ္စတွေ ကူလို့ ကျေးဇူးတင်တယ်ကွာ... ‘’

‘’မလိုပါဘူး မြတ်ဘုန်းရာ အချင်းချင်းဘဲကို ငါတို့ကိစ္စဆိုလည်း မင်းကူညီမှာ ဘဲကို ... ‘’

အောင်ထွန်းက မြတ်ဘုန်းနား ကပ်ကာ...

‘’ ဟျောင့်..! ကွန်းကွန်းနော့် လူပျိုညလေး ကုန်ဆုံးတော့မယ်ဆိုတော့ နောက်ရက်မှာ ထပ်ချိန်းပြီး ကုန်ဆုံးသွားတဲ့ လူပျိုညကို ဆယ်လယ်ဘရိုက်လုပ်မယ်.။ ဟိုကောင် ရန်နိုင် မေးပြီးတော့ အားဆေးပို့ပေးမယ်၊ ထပ်ပြီး ကွန်းကွန်းနော် ငါ့ကောင်... ‘’

‘’_ီးလို့ဘဲ ၊ ငါဘာပါလိမ့်လို့ နှာတွေးက အရင်တွေးလိုက်တာဘဲ မအေးဘေးလေ သွားတော့ သွား ... ‘’

‘’ဟား ဟား  ဟား ‘’

မြတ်ဘုန်း အောင်ထွန်းတို့ကို နှုတ်ဆက်ကာ အိမ်ထဲဝင်လာတော့ မာမီနဲ့အတူ ငွေက ထိုင်နေ၏ မာမီတို့နား သွားထိုင်ကာ....

‘’မာမီ သားနဲ့ငွေ ကွန်ဒိုမှာ သွားအိပ်မယ်နော်... ‘’

‘’ဟင်း မြတ်ဘုန်း ၊ မင်းနဲ့ကွယ် ငွေက ဒီကိုရောက်ခါစရှိသေးတယ်.၊ ဟိုမှာကလည်း ဘာမှာ မပြင်ဆင်ရသေးဘူး ၊ ပြင်ဆင်ပြီးလဲ မသွားနဲ့အုန်း ဒီမှာ အသားကျအောင် ငွေ နေပေစေအုန်း ၊ လူများတော့ ငွေလည်း မပျင်းရတာပေါ့ ... ‘’

‘’ ဟာ..မာမီကလည်း လင်မယားနှစ်ယောက် သီးသန့်နေတော့ ၊ နောင် မလိုလားအပ်တဲ့ ပြဿနာတွေ မဖြစ်...’’’

‘’နေပါအုန်း ! ငါက ပြဿနာ လိုက်ရှာနေတဲ့ ယောက္ခမ မို့လို့လား ၊ ဟမ်း..နင်ပြောနေတဲ့ ပုံစံက ငါက ချွေးမကိုဘဲ အနိုင်ကျင့်မဲ့ မိန်းမမို့လို့လား  မြတ်ဘုန်းမော်ရဲ့... ‘’

အန်တီဒေါသထွက်နေပြီးဖြစ်သော်ကြောင့် ငွေကဘဲ အမြန်...

‘’ဟို…! အန်တီ ငွေ တောင်းပန်ပါတယ်ရှင့် ၊ ငွေ ဒီမှာဘဲ နေပါမယ်... ‘’

‘’သမီး မတောင်းပန်နဲ့ ၊ သမီးကို မပြောဘူး ၊ သမီး လိမ္မာတာ အန်တီ သိတယ်.၊ ဒီအကောင်ကိုဘဲ ပြောတာ... ‘’

‘’သားပြောတာက ...’’’

‘’ဟေ့.. ၊ မော်မော် မင်းတွေ့ပြီးလား မင်းကာကွယ်ပြီး ပြောနေတဲ့ မင်းသားလေ ၊ ဟမ်း မင်းကို ယောက္ခမဆိုး ဆိုပြီးတော့ ပြောနေတာ... ‘’

‘’ ဟာ ဒယ်ဒီကလည်း ကျနော်ပြောတာက .... ‘’

‘’ဟို အန်တီနဲ့ အန်ကယ် ငွေ ကိုမြတ်ဘုန်းမော်အစား တောင်းပန်ပါတယ် ရှင့်...’’’

အိမ်ပေါ်ကနေဆင်းလာသော် ဖိုးဖိုးဒီပက ငွေကို...

‘’သမီးငွေ ထားလိုက် အဲဒီမိသားစုကို သမီးအပါ်တက် နားတော့ ပင်ပန်လာတာကို၊ အဲဒီမိသားစု သူဟာနဲ့သူ ပြေလည်သွားလိမ့်မယ် ၊ ဟေ့ စိုးစိုးရေ လာအုန်း... သမီးငွေကို မြတ်ဘုန်းအခန်း ပြင်ထားတယ်မလား ၊ အဲ့ခေါ်သွား လိုက် ၊သမီးလိုက်သွား  သူတို့ဘာသာ သူတို့ ဖြစ်နေကြလိမ့်မယ် ၊ ငါမြေးနဲ့ မဆိုင်ဘူး သွား ...’’’

‘’ဟုတ်ကဲ့ရှင့် ဖိုးဖိုး ‘’

ဖိုးဖိုးကပြောတော့ ငွေလည်း စိုးစိုးဆိုတဲ့ ကောင်မလေး နောက်လိုက်ကာ သူမပြတဲ့အခန်းမှာ ဝင်နားနေလိုက်တော့သည်။ အခန်းက တော်တော်ကျယ် ပါသည်။ နှစ်ယောက်အိပ် မွေ့ယာအထူကြီးကြီး အဝတ်ဘီရိုနှစ်လုံး မှန်တင်ခုံ တခု ကုတင်နားမှာ စားပွဲတလုံးထားသော်လည်း အခန်းက ကျပ်မနေပါ...

စိုးစိုးက ငွေအဝတ်အိတ်တွေ လာပို့ပေးသော်ကြောင်းငွေရေချိုးဖို့ ပြင်ဆင် လိုက်သည်။ရေချိုးခန်းထဲတွင် ရေစိမ့်ကန်နဲ့ ရေပန်ဘဲ ထားရှိရာ ငွေတို့အိမ် ကလို့ အုတ်ကန်ထဲကရေလို့ အားပါးရ ချိုးလို့မရပေ ။ ရောမရောက်ရင် ရောမလိုဘဲ ကျင့်ရမှာ ငွေခေါင်းပါ လောင်းလျှော်ချလိုက်သည်... ငွေရေချိုး ပြီးတော့ ထွက်လာတော့ ...

‘’အမယ်လေး တော့ ....’’’

ငွေမှာ လန့်တောင် အော်မိသည်။ ကုတင်ပေါ်မှာ ရေချိုးအကျီ ရင်ဘတ် ဖွင့်ကာ ထိုင်နေသော် ကိုယ်တော့်ချော မြတ်ဘုန်းမော်၊  ငွေအသံကြားတော့ မှုန်ကုတ်ကုတ် မျက်နှာ လှမ်းကြည့်ပြီး ၊ ငွေကို မြင်မှာ မျက်နှာကြောလျှော့ကာ..

‘’ လန့်သွားတာလား ၊ ဟာ.. ခေါင်းပါ လျှော်လိုက်တာလား အအေးမိမယ် ။ မြန်မြန်ခြောက်အောင်လုပ်အုန်း... ‘’

ငွေခေါင်းကို အုပ်ကိုင်ကာ ငွေကိုပြောရင်း ရေချိုးရန် ရေချိုးခန်းထဲ ဝင်သွားမှာ  ငွေ သူမထွက်လာခင် မြန်မြန်ပြီးအောင်လုပ်မည်ဟု တွေးကာ အဝတ်အိတ်ထဲက အပွင့် နုတ်လေးနဲ့ချည်သားဝမ်းဆက်လေး ထုတ်လိုက်၏ ။ ခေါင်းပေါင်းကို ဖြေချကာ ခေါင်းသုတ်နေရင်း သနပ်ခါးလိမ်းရန် သနပ်ခါး ကျောက် ပြင် အောက်ကျန်ခဲ့တာ သတိရသည် ။ ထမီရင်ရှားနဲ့ ဆင်းသွားလို့ကလည်း မသင့်တော်ပေ ၊ ဘယ်လို့ လုပ်ရမလဲဖြစ်နေတုန်း အကျီအမြန်လဲကာ ဆင်းယူဖို့ လုပ်တော့ ဘယ်နား အကျီလဲ ရမလဲမသိ.၊ မတော် အကျီလဲနေတုန်း သူ ရေချိုးခန်းထဲက ထွက်လာမှာ ဒုက္ခရယ်သာ… ငွေဘာလုပ်လို ဘာကိုင်ရမှန်း ဖြစ်နေတုန်း မြတ်ဘုန်းမော် ရေချိုးခန်းထဲက ထွက်လာလေ၏

‘’ဟင်..၊ ငွေ အကျီမလဲဘဲနဲ့ ဘာလုပ်နေတာလဲ ၊ အအေးမိ ကုန်တော့မယ် ၊လာဖြစ်လို့လဲ.. ‘’

‘’ ဟို ငွေ သနပ်ခါးလိမ်းချင်လို့ သနပ်ခါးကျောက်ပြင် အောက်ထပ်က ခြင်းထဲမှာ ကျန်ခဲ့တယ်... ‘’

‘’ဪ ခဏ မောင်သွားယူပေးမယ်နော့်... ‘’

မြတ်ဘုန်း ကိုယ်မှာ ရေတွေ အမြန်သဘက်နဲ့ သုတ် ပုဆိုးကောက်စွတ် သဘက်ခြုံကာ အောက်ထပ် အမြန်ဆင်းခဲ၏

‘’စိုးစိုး ငွေခြင်းတောင်တွေ ဘယ်နားထားလဲ.. ‘’

‘’ဟိုထောင့်က အခန်းထဲမှာ ထားတယ် ကိုလေး ...’’’

မြတ်ဘုန်း အခန်းထဲဝင်ကာ ကျောက်ပြင်နဲ့ သနပ်ခါးတုံးတွေ ယူကာ အပေါ် အမြန်တက် ခဲ့သည်။ အခန်းထဲခေါက်တော့ ငွေက တံခါးဖွင့်ပေးပြီး မှန်တင်ခုံ ဘေးဘက်တွင် ကျောက်ပြင်နဲ့ သနပ်ခါးတုံးချပေးလိုက်ကာ...

‘’ မိန်းမ ရပြီး သနပ်ခါး လာလိမ်း...မြန်မြန်လုပ်နော် ရင်ရှားကြီးနဲ့ ကြာနေပြီ ၊ ခေါင်းက လျှော်ထားသေးတယ် အအေးမိတော့မှာဘဲ မိန်းမရာ မောင် သနပ်ခါးသွေးပေးမယ်... ဖယ်.. ‘’

‘’ဟင့်အင်း ရတယ် ငွေဘာသာ သွေးမယ် ၊ ကိုယ့်ဘာသာကိုယ့် အကျီ အမြန်လဲပါ....’’

ငွေ မြတ်ဘုန်းကို ပြောကာ သနပ်ခါးမြန်မြန်သွေးကာ သနပ်ခါးလိမ်းလိုက်ပြီး ပါးကွက်ဝိုင်းလေးကွက်ကာ ထုတ်ထားတဲ့ အကျီလဲရန် ရေချိုးခန်းထဲဝင်ကာ လဲလိုက်၏ ပြန်ထွက်လာတော့ မြတ်ဘုန်းက ရှက်လက်တိုအကျီဟဗြဲနဲ့ ကွားတာဘောင်းဘီတို ဝတ်ကာ ကုတင်ပေါ်ထိုင်နေ၏ တော်တော် ရင်ဘတ်ဖွင့်နေ ရတာ သဘောကျနေ သလို့ပင် ၊ ငွေဆံပင်တွေကို သဘက်က ဖြေချကာ သုတ်နေတုန်း သူက ထလာကာ...

‘’ဒီအတိုင်းသုတ်နေရင်း တော်တော်နဲ့ခြောက်မှာ မဟုတ်ဘူး ၊ မောင် Dryer နဲ့မှုတ်ပေးမယ်... ‘’

‘’ ဟင့်အင်း… ၊ ငွေ Dryer မကြိုက်ဘူး၊ ဆံပင်ပျက်စီးလို့...’’’

‘’မောင် သိပ်မပူအောင် ထားပြီး မှုတ်ပေးမယ်၊ ဦးရေလည်း မထိအောင် လုပ်ပေးပါမယ် ။နိမိုဆို တော်တော်နဲ့ မခြောက်ရင်း ငွေ အအေးမိမယ်…’’’

မြတ်ဘုန်းက မှန်တင်ခုံအံဆွဲထားက Dryer ထုတ်ကာ ငွေကို မှန်တင်ခုံ ရှေ့ ထိုင်ခိုင်းပြီး ငွေဆံပင်တွေကို စိတ်ရှည်လက်ရှည်နဲ့ထိုင်ကာ Dryer မှုတ်ပေး ၏ ငွေ မှန်ထဲကနေ သူ့မျက်နှာကို ခဏခဏခိုးကြည့်မိလေ၏ ။ သူက အလုပ်တခုမှာ အာရုံစိုက်လုပ်နေရင်း တော်တော်ကြည့်ကောင်းတာဘဲ...

‘’ရပြီ ... ငွေ ... ဟိတ်.. ‘’

ငွေ သူကို ဘယ်လောက်အငေးလွန် သွားလဲမသိ ၊ သူကငွေပခုံးတိုကာ ခေါ်မှာ ငွေလန့်ကာ တုန်သွားရင်း ..

‘’ကျေး.. ၊ ကျေးဇူးဘဲ ...

ငွေရှက်ပြီး အောင်ဆင်းပြေးရန် မှန်တင်ခုံမှာ ထကာ ထွက်ဖို့လုပ်တော့ မြတ်ဘုန်းက ငွေခါးကိုဖက်ကာ ရင်ချင်းအပ်လိုက်ပြီး....

‘’မောင့်မိန်းမက မောင်ကို ရှက်သွားတာလား မရှက်နဲ့ နောက်ဒီထက် ပွင့်လင်းတာတွေ လုပ်ရအုန်းမယ်... ‘’

ငွေ မြတ်ဘုန်းကို မျက်စောင်းထိုးရင်း.....

‘’အို ဒါဘဲ ပြောနေတာဘဲ ‘’

‘’ ဟင်း…ဟင်း ငွေ ဆံပင်ခြောက်အောင် Dryer မှုတ်ပေးတယ်လေ ၊ မောင်ကိုလည်း Dryer မှုတ်ပေးအုန်း ... ‘’

ငွေ Dryer ယူကာ မရှည်တဲ့ သူ့ဆံပင်တိုတိုကို မှုတ်ပေးလိုက်၏ သူကတော့ ငွေလို မှန်ထဲကနေ ခိုးကြောင်ခိုးဝှက်မကြည့်ဘဲ ၊ ငွေကို ပေါ်ထင်ဘဲ ခေါတော ကြည့်နဲ့ ကြည့်နေတော့သည်...

‘’ ရပြီး... “

‘’ရသွားပြီးလား ... မောင်အကျီ ကြယ်သီးတပ်ပေးအုန်း... ‘’

‘’ကြယ်သီး တပ်ဖို့ကို ငွေပြီးတဲ့အထိ စောင့်နေရလား ၊  ကိုယ့်ဘာသာ ကိုယ့် တပ်လိုက်ပါတော့လား၊ အအေးမိကုန်မှာဖြင့်... ‘’

‘’မောင့်မိန်းမ ဂရုတစိုက်လုပ်ပေးတာ လိုချင်လို့တောင် တီရှပ်မဝတ်ဘဲ ကြယ်သီးနဲ့ အကျီဝတ်ထားတာ ငွေ ဂရုစိုက်မူကို ခံချင်လို့လေ..’’

ငွေ သူကို မျက်စောင်းဝင့်ကြည့်လိုက်ပြီး သူအကျီကို ကြယ်သီး တပ်ပေးရင် ၊ ခုနက လူကြီးတွေနဲ့ ဖြစ်တဲ့ကိစ္စကို နားချကြည့်ဖို့ ဆုံးဖြတ်လိုက်ရင် …

‘’ မောင် ငွေပြောမယ် ၊  လူကြီးတွေကိုလေ ခုနကလို မောင် ပြန်ပြောနေတာ ငွေ မကြိုက်ဘူး ၊ ကိုယ်လည်း ငရဲကြီးတယ်ရယ်... နောက် အေးဆေးမှာ ကိုယ့် ဖြစ်ချင်တာကို ပြောပေါ့..ငွေတို့  လူကြီးတွေပြောသလို ဒီမှာဘဲနေရအောင် နော့် .... ‘’

‘’ မောင့်မိန်းမ မကြိုက်ရင် မောင်နောက်တခါ ပြန်မပြောတော့ပါဘူး ၊ ငွေကို ရောက်ရောက်ချင်း စိတ်ရှုတ်သွားစေတဲ့အတွက် မောင် တောင်းပန်ပါတယ် ၊ နောက်ဆို မောင် ဆင်ခြင်ပါမယ် ၊ လောလောဆယ်ဆယ် မာမီတို့ပြောသလို ဒီမှာဘဲ ခဏနေကြ မယ် ၊ နောက်မှာ မောင်တို့တဖြည်းဖြည်း သူတို့ လက်ခံလာမှာ ကွန်ဒိုပြောင်းကြတာပေါ့ မောင်က ငွေနဲ့ နှစ်ယောက်ထဲနေခြင်းလို့ကို …”

မြတ်ဘုန်းက ပြောရင်းငွေကို သူ့ရင်ခွင်ထဲ ထည့်ကာ ဖက်ထားလိုက်၏။ ငွေလည်း သူ့ရင်ခွင်ထဲကနေ သက်ပြင်းလေး မသိမသာ ရှိုက်ရင် တော်သေးတယ် ၊ ပြောလို့ရလို့လို တွေးမိလိုက်၏။

‘’ဒါဆို.. ၊  အဲလိုဘဲ လုပ်ရအောင်နော့် ၊ ခုနက လူကြီးတွေ ပြန်ပြောတဲ့အတွက် အောက်ထပ် ရောက်ရင် တောင်းပန်လိုက်အုန်းနော် မောင်.. ‘’

‘’ဟုတ်ကဲ့ပါ မောင့်မိန်းမ စကား နားထောင်ပါမယ် ၊ မောင်လိမ္မာတယ် မလား ...’’

ငွေ သူဖက်ထားတဲ့ဆီက ရုန်းထွက်လိုက်တော့ သူဖက်ထားတဲ့ လက်ကို ဖြေလျှော့ ပေးတော့ ငွေ သူ့လက်မောင်းကို ပုတ်ကာ လိမ္မာတယ် ဟုပြောလိုက်၏

‘’ဟင်း… ဟင်း …လိမ္မာပါတယ် ‘’

‘’ မောင်က မိန်းမ စကားလည်း နားထောင်တယ် ၊လိမ်လည်း လိမ္မာတယ် ဆိုတော့လေ ၊ မောင်ကို မောင့်မိန်းမက နမ်းပြီး ချီးကျူးပေးလေနော်... ‘’

‘’ အယ့် ‘’

‘’ ငွေ နမ်းနော် ၊  ငွေမနမ်းရင် မောင် နမ်းမှာ ၊ မောင် နမ်းရင်းဘယ်လို့ဆိုတာ ငွေသိတယ် မလား…”

‘’ ဟင်.. ၊ နမ်းမယ် နမ်းမယ် ‘’

ငွေ သူ့ပါးကို ဖွဖွလေး ခြေဖျားလေးထောက်ကာ နမ်းလိုက်၏

‘’ ဟင် .၊ တဖက်တည်းလား မောင် မာမီနဲ့ဒယ်ဒီကိုလည်း တောင်းပန်ရမယ် ၊ အဆစ် အနေနဲ့ဖိုးဖိုးကိုပါ တောင်းပန်ပေးမယ် ၊ အဲတာတောင် တဖက်ဘဲလား ၊ နမ်း ၃ခါ.. “

ငွေမျက်နှာနားထိ သူမျက်နှာကြီး ငုံချပေးလာ၏ ငွေ ချက်ချင်းမနမ်းတော့ သူ့က....

‘’ မနမ်းရင် လာ ‘’

ငွေ မြန်မြန်သူပါးနှစ်ဖက်နဲ့ နဖူးကို နမ်းလိုက်၏

‘’မွ..... မွ ..... မွ ‘’

‘’ဟင် မောင်က နှုတ်ခမ်းနမ်းခိုင်းတာကို  ငွေနှုတ်ခမ်းတွေ မောင်နမ်းမယ်...’’’

‘’ဟင့်အင်း …”

ငွေငြင်းနေတုန်း မောင်က ငွေပါးနှစ်ဖက်ကို ညစ်လိုက်ပြီး သူနှုတ်ခမ်းနဲ့ ငွေနှုတ်ခမ်း တွေကို စုတ်ယူ နမ်းရှိုက်လိုက်လေတော့သည်။  သူ့စိတ်ကြိုက် နမ်းလို့ အားရမှာ ပြန်လွှတ်ပေးကာ ငွေနှုတ်ခမ်းကို သူလက်မနဲ့ သုတ်ပေးကာ ပြောလိုက်တာက …

ညကျမှာ စိတ်ကြိုက်နမ်းတော့မယ် တဲ့

**************** ****************** ***************
အပိုင်း( ၁၈ ) ဆက်ရန်

မနက်ဖြန် မှောင်လိုက်ရမလား 😁

စာကတော့ စစ်လိုက်တာဘဲ၊ပထမဆုံး စရေးတဲ့fic ဖြစ်လို့ လိုအပ်ချက်‌များ‌ကော စာလုံးပေါင်းအမှားများရောကို သည်းခံဖတ်ပေးကြပါရှင့်
လိုအပ်ချက်များကိုလည်း ပြောပြပေးလို့ရပါတယ်ရှင့်၊
ဖတ်ပေးသူ တဦးတယောက်ချင်းစီတိုင်းကို ကျေးဇူးတင်ပါတယ်ရှင့်
ကျန်းမာရွှင်လန်းကြပါစေရှင့်....

#With Love
#Author:Pann Mohn
#ပန်းမိုရ်
#မြတ်ဘုန်းမော်+ငွေမှုန်းခင်