ဖြိုးသုတက မျက်နှာသစ်ပြီး ဝင်လာတဲ့ မြတ်ဘုန်းကို ....

‘’ဟျောင့်.၊ မြတ်ဘုန်း ဘယ်လို ဖြစ်တာလဲ .... ‘’

ရန်နိုင်က ....

‘’နောက်မှာ မေး၊ အောက်မှာ လူကြီးတွေ စောင့်နေတယ် ၊ မြတ်ဘုန်း မင်းယောက္ခထီး လက်သီးကလည်း တော်တော်ပြင်းတယ် ၊ ငါ ခဏနေရင်း ဆေးသွားဝယ်ပေးမယ်.၊ မင်း အောက်မှာ လူကြီးတွေနဲ့ စကားပြောရင်း အချိုးပြေပြေ အဆင်ပြေအောင် ပြောအုန်း ကြားလား ... ‘’

‘’အေးပါကွာ ‘’

မြတ်ဘုန်း အောက်ဆင်းလာတော့ သူမလေးက သူမအဖေ,အမေနားမှာ ခေါင်းငုံ ထိုင်နေ၏  ။ တဖက်မှာ မာမီ,ဒယ်ဒီတို့  ဖိုးဖိုးနဲ့ ဖွားမေ က စားပွဲထိပ်မျက်နှာချင်းဆိုင်ခုံမှာ ထိုင်နေကြ၏ မာမီက...

‘’သားမြတ်ဘုန်း ဒီနားလာထိုင် ကွယ်....’’

မြတ်ဘုန်းမာမီဘေး ဝင်ထိုင်လိုက်၏ အဲ့တော့ မြတ်ဘုန်းနဲ့ သူမက မျက်နှာချင်းဆိုင် ဖြစ်သည် ။ မြတ်ဘုန်းထိုင်ပြီး ဒယ်ဒီက....

‘’သမီးငွေက ပြောတယ် ၊ သားတို့ ဘာမှာမဖြစ်ကြဘူးတဲ့... အဲ့တော့... ‘’

‘’ခဏ.. ဒယ်ဒီ  ကျနော့်နဲ့ငွေ တညလုံး တကုတင်တည်း ၊ တခန်းတည်း အိပ်နေတာကို ဒီကမိသားစုတွေဘဲ သိတယ်ထင်တာလား ၊ ကျနော့် သူငယ်ချင်းတွေလည်း သိတယ်.... ဒီက ကောင်မလေးတွေလည်း သိတယ်နော့်.. အဲ့ကြောင့် ကျနော့် တာဝန်လို့ ယူဆတယ် ။ ကျနော့် တာဝန်ယူပြီး ငွေကို လက်ထပ်ချင်ပါတယ်... ‘’

‘’ မင်းတို့ ဘာမှာ ဖြစ်ခဲ့တာ မဟုတ်တာ ၊ ဒီအတိုင်း.. ဒီအတိုင်းကွာ မောင်နှမတွေလို့ အိပ် သလိုဘဲ သဘောထားလိုက် ၊ ဒီကိစ္စကလည်း လူရင်းတွေဘဲ သိတဲ့အတွက်  ဒီအတိုင်း ဒီကိစ္စကို မဖြစ်ခဲ့ဘူးလို့ သဘောထားပြီး ကျော်သွားမယ်. ‘’

ဦးခင်အောင် အပြောကို မြတ်ဘုန်းက .....

‘’ကျနော့်ကတော့ ကျော်မသွားနိုင်ဘူး.. ငွေသိက္ခာ ရှိသေးတယ်လေ ၊ ငွေကို ကျတော် လက်ထပ်မယ် .. ‘’

‘’ဟင်းအင်း... ငွေ လက်မထပ်ချင်ဘူး.... ‘’

‘’လက်မထပ်လို့မရဘူး ငွေ ၊ မင်းနဲ့ကိုယ် တခန်းထဲနေပြီးတာ လူတွေ သိတယ်.... ‘’

‘’အို... ၊ သိတဲ့လူတွေက လူရင်းတွေဘဲ ဟာကို ၊  ဘယ်သူမှာလည်း နှုတ်ဖွာမှာ မဟုတ်ဘူး. ၊ နောက်ပြီး ကိုမြတ်ဘုန်းမှာလည်း ရည်းစားရှိတယ် ၊ ငွေလည်း ဘာမှာ မဖြစ်တဲ့အတွက် ငွေလက်မထပ်ပါရစေနဲ့... ‘’

‘’ဟာ ..၊ ကျစ် .... ဒီ... ‘’

‘’နေအုန်း... မြတ်ဘုန်း... ‘’

ဒယ်ဒီက မြတ်ဘုန်းကို လှမ်းတားလိုက်၏

ဦးရဲမြင့်ကျော်လည်း သားမြတ်ဘုန်းက အတင်းကို လက်ထပ်မယ်ကြည့် ပြောနေတာမလို့ ၊ သား သဘောထားကို ရိပ်မိကာ…

‘’ကျနော့် ပြောမယ် ၊ ဒီကိစ္စ ဖြစ်သွားခဲ့တဲ့အတွက် ကျနော် ဒီကနေ သမီးရှင်တွေကို အနှူးအညွှတ်တောင်းပန်ပါတယ်.၊ နောက် ဒီလာခဲ့တာကလည်း အလှူတခုတည်းအတွက် မဟုတ်ဘဲ ..သားသမီးတွေကိစ္စလည်း ပါတယ်ဆိုတော့ .၊ ကျနော့်တို့ဘက် သမီးငွေကို ကျနော့်သားနဲ့ လက်ထပ်ပေးဖို့ ကမ်းလှမ်းချင် ပါတယ်..... ‘’

‘’ဟုတ်တယ်..ကျနော့် သဘောက ကျတော်သား ပြောတဲ့အတိုင်းပါဘဲ. ၊ နောက်ပြီး ကျနော်နဲ့ ကျနော့်သူငယ်ချင်း ထားထားတဲ့ ဂတိတွေလည်း ရှိတာဘဲကို ၊  ကျနော့်လည်း ကျနော့်မြေးအမှားအတွက် သမီးငွေနဲ့ ဒီက မမေနဲ့ မိသားစုကို တောင်းပန်ပါတယ်.... ‘’

‘’ကျနော်ကတော့ ကျနော့်သမီးနဲ့ သဘောမတူနိုင်ပါဘူး ၊ ကျနော့်သမီး ကိုယ်တိုင် ကလည်း လက်မထပ်ချင်ဘူး ၊ နောက်ပြီး ဒီကိစ္စကလည်း  ဒီအတိုင်း တိုးတိုးတိတ်တိတ် ကျော်သွားလို့ရတယ်... အဲဒီဘက်က ဒီတခေါက်ကမ်းလှမ်းတာကလည်း သမီးကြီးနဲ့မှာ မဟုတ်တာ.... ‘’

ဦးခင်အောင် တယောက် ယောက္ခမနဲ့ ဦးဒီပမျက်နှာကြောင့် ဒေါသတွေကို မနည်းထိန်း နေရတာ ဖြစ်သည်။ ဖြစ်နိုင်ရင် မြတ်ဘုန်းမော် ဆိုတဲ့ကောင်လေးကို အမှုန့်ကြိတ်ပစ် ချင်သည်။

ဦးခင်အောင် အပြောကို ဖွားမေက....

‘’ခင်အောင် ၊ မင်းနဲ့ကွယ် ဘယ်လိုပြောလိုက်တာလဲ မွေးထားတဲ့ သမီးတွေ..ဟဲ့
မိန်းကလေးသိက္ခာရှိသေးတယ်.၊ ကိုဒီပတို့က အလှူလာရင်း သမီးတွေကို စကား ကြောင်းလမ်းချင်တယ်ဆိုတော့ နင်ဘဲ သမီးငွေနဲ့ မစီစဉ်ပါနဲ့ ၊ ငြင်းမကောင်းလို့ စီစဉ်ရရင်လဲ ယုယုနဲ့ဘဲ စီစဉ်ပါဆိုလို့ ၊ ငါ မော်မော်ကို မယုတ်လွန်း အငယ်က ပိုသင့်တော်ပါတယ် ပြောလိုက်တာ ၊ ကဲ ထား မင်းပြောသလို ဒီကိစ္စကို တိတ်တိတ် ပြီးသွားတယ် ထား. ။ မင်းက အငယ်နဲ့ ပြန်ပေးစား မလို့လား ....’’

‘’ဟာ..အမေကလည်း ကျနော့် အဲလိုပြောတာ မဟုတ်ဘူး. ၊ ဒီကိစ္စ ဖြစ်သွားတဲ့ အတွက် ကြောင်းလမ်းတဲ့ ကိစ္စ အားလုံးပျက် ကြမည် ။ အဲလို ဖြစ်စေချင်တာ အမေ... ‘’

‘’မင်း အဲလို လုပ်နိုင်ပေမဲ့ ငါ မလုပ်နိုင်ဘူး ၊ ငါ့ယောကျာ်းဂတိပေးထားတဲ့ စကားကို လည်း တည်အောင်လုပ်မယ် ၊ နောက်ဒီကိစ္စက လူမသိ သူမသိ နင် ပြီးလို့ရပေမဲ့ ငါ့မြေးမ ဂုဏ်သိက္ခာကြောင့် ငါမပြီးဘူး ။ ဒီလို့ကိစ္စတွေ မရှိဘဲနဲ ပုံမှန်အတိုင်းအတိုင်း ကြောင်း လမ်းကြလို့ သမီးငွေ သဘောမတူရင်ဖျက်လို့ရတယ်. ။ ဒါပေမဲ့ ဖြစ်ပြီးသွားတဲ့ ဒီကိစ္စကြောင့် ငါ့ သမီးငွေကို  မြတ်ဘုန်းမော်နဲ့ လက်ထပ်ဖို့ သဘောတူတယ်.။ အေး မင်းက ငါ့သမီး ငါ့ပိုင်တယ်၊ ငါ့ဆန္ဒအတိုင်းဘဲ လုပ်မယ်ဆိုလည်း ဒီအမေအို စကားနားထောင်စရာမလိုဘူး ဆိုလည်း သဘောဘဲ... ‘’

‘’ ဟာ အမေကလည်း ... ‘’

နဂိုကတည်းက ဦးခင်အောင် ‌ယောက္ခမကို ကြောက်ရပါသည်။ ယောက္ခမ စကား မငြင်းနိုင်လို့သာ ပထမတစ်ခေါက် အောင့်သက်သက်နဲ့ သမီးငွေကို သူ့တို့ သားကြီးနဲ့ စကားကမ်းလှမ်းတာကို လက်ခံခဲ့ရတယ်.။ ပျက်သွားတဲ့ အတွက် ပျော်ရသည်မှာလည်း ဦးခင်အောင် ၊ နောက်ပိုင်း ငွေ,လာ စကား ကမ်းလှမ်းကြသူများကလည်း ယောက္ခမဆီ သာ သွားတောင်းကြသည်။

ထိုအချိန် ဒေါ်ဖြူဖြူလွင်က ....

‘’ဟုတ်တယ် ကိုခင်အောင် ဖြစ်တဲ့ကိစ္စတွေမှာ ဘူးတစ်ရာ ပိတ်လို့ရပေမဲ့ ပါးစပ် တစ်ပေါက် ပိတ်ဖို့ခက်တယ် ဆိုတဲ့ စကားအတိုင်းဘဲ၊ ကျမတို့သမီးသိက္ခာအတွက် ကျမတို့ သဘောတူရလိမ့်မယ်..၊  ဒါပေမဲ့ မော်မော်သဘော ကရော’’

တချိန်လုံး ငြိမ်နေတဲ့‌ဒေါ်နန္ဒီမော်ကို မေးလိုက်၏

‘’ဟိုလေ မော်မော်ကတော့ သားကြီးနဲ့တုန်းက ..... ‘’

” ဟာ မာမီ မဆိုင်တာတွေ မပြောနဲ့လေ.... ‘’

မာမီကတော့ ပြဿနာဘဲ.၊ ဦးလေးခင်အောင်ကို မနဲနားချနေရပါတာဆိုမှာ ဟိုက အဲဟာနဲ့ကိုင်ပြီး ငြင်းအုန်းမယ်.။  အဲအချိန် သူမက..

‘’ဟုတ်ပါတယ် အန်တီ ငွေက ပထမတခါ ကမ်းလှမ်းတာ ငြင်းခံရတယ်.၊ နောက်ငွေ ပထမနှစ်တက်တော့ ဟုမ္မလင်းဘက်က တယောက် ငွေကို တွေ့ပြီး သဘောကျလို့ ကြောင်းလမ်းဖို့အလာ ကားအက်စီးဒန့်ဖြစ်ပြီး ဆုံးသွားပါတယ်.။ ဒုတိယနှစ်ရောက်တော့ ကျောင်းမှာတွေ့တဲ့ တယောက်က သဘောကျလို့ လာကြောင်းလမ်းဖို့ ပြင်ပြီးမှာ ... ငွေအရင်က အကြောင်းတွေ သိပြီး နောက်ဆုတ်သွားဘူးပါတယ် ၊ နောက်ငွေက ဘွဲ့မရသေးပါဘူး ၊ ဒုတိယနှစ်နဲ့ ကျောင်း ထွက်ထားတာပါ... ‘’

‘’အခုက အဲကိစ္စနဲ့ ဘာဆိုင်လို့လဲ.၊ ဖြစ်ပြီးသားကိစ္စတွေနဲ့ဘဲ နောက်ဆုတ်ရ မှာလား ၊ အဓိပ္ပါယ်မရှိတာ ကျနော် တခါတည်းပြောမယ်.။ အလှူပြီးတာနဲ့တရားရုံးမှာ ငွေနဲ့ ကျနော် လက်ထပ်မယ် ။ နောက်ရန်ကုန်ကို ခေါ်သွားမယ်.၊ ရန်ကုန် မှာ မဂ်လာဆောင် မယ် ။ ပြန်လာပြီး ဒီမှာ ထပ်ဆောင်မယ်.၊ ဒါကျနော့် ဆန္ဒသဘောထားဘဲ ဘယ်သူ သဘောတူသည်ဖြစ်စေ မတူသည်ဖြစ်စေ ၊ ကျနော့် ဒီအတိုင်းလုပ်မှာမလို့ အားလုံးကို အသိပေးထားတာပါ... ‘’

ရန်နိုင်က အောင်ထွန်းတို့ဘက်လှည့်ကာ လက်မထောင်ပြ၏ ။ ဖြိုးသုတက တိုးတိုးပြော လိုက်တာက ဒီကောင် Plan B က ဒါထင်တယ် တဲ့...အောင်ထွန်း အမြင် ဖွားမေ,ဖိုးဖိုးဒီပ ,ဦးရဲမြင့်ကျော်, အန်တီဖြူ သဘောတူတယ် ဆိုတဲ့ တဖက်၊ ဦးခင်အောင်နဲ့ ငွေမှုန်းခင်တို့က သဘောမတူဘူးဆိုတဲ့ တဖက်၊ အန်တီမော်က ကြားနေဖြစ်ကာ . သူတို့ တအုပ်စုလုံးကတော့ We Stand with Myat Phone Maw ဘဲဖြစ်၏

မြတ်ဘုန်းစကားကြောင့် ငွေက ငိုတော့သည်.။

‘’ငွေ... ငွေ  ရန်ကုန် မလိုက်ချင်ဘူး  ဟင်း…ဟင်း ... ‘’

‘’ဟာ ...ကျစ် ကျနော်နဲ့ ငွေ နှစ်ယောက်ထဲ စကားပြောချင်လို့ ကျနော့်တို့ကို ခွင့်ပြုပေးပါ.။ ဖိုးဖိုးတို့ ဖွားဖွားတို့ တိုင်ပင်စရာရှိတာ တိုင်ပင်ကြပါ .။ အခု ကျနော်တို့ကို ခွင့်ပြုပါအုန်း .... ‘’

-
-
-
-
-

မြတ်ဘုန်းက ငွေလက်ကို ဆွဲကာ ခြံထဲက မန်းကျည်းပင်အောက်က ခုံနားခေါ် သွားလိုက်၏

‘’ပြော ..၊ခင်ဗျာလေး ကိုယ့်ကို လက်ထပ်မှာလား ၊ မထပ်ဘူးလား ။ မျက်ရည်သုတ်ပြီး ပြော... ‘’

‘’ဟင်း ...ဟို.. ဟင်း..ဟို ငွေတို့က ဒီအတိုင်းဘဲ နားလည်မူ ယူလိုက်ကြရအောင်၊ နောက်ပြီး နင်မှာလည်း.... ‘’

‘’ဟမ်း ...၊ ဘာ နင်လည်း ပြောပြန်ပြီလား ၊ ဒီနားမှာဆိုပြီး ဘာမှာ မလုပ်နိုင်ဘူး ထင်လို့လား ..... ‘’

ငွေမျက်နှာနား အတင်းကပ်လာပြန်သည့်အတွက်....

‘’ဟို ခေါ်နေကြမဟုတ်လို့ မေ့သွားတာကိုး... ‘’

‘’မမေ့အောင် အမြဲခေါ်ပေးလေ ၊ ဒါမှာ မမေ့မှာ ၊ ခင်ဗျာလေး အသက် အရမ်းကြီးချင်လို့ မောင် အနစ်နာခံပြီး အငယ်လုပ်ပေးထားတာကို့ ခေါ် မောင်လို့... ‘’

‘’မောင် ‘’

‘’ဗျာ့ ‘’

အဲဒီကျောက်ကျောရေပက်ရုပ်ကြီးနဲ့လူကို စောင့်အောင့်ကာခေါ်ပေးလိုက်၏

‘’ အင်း ခုနကဟာ ဆက်ပြော.... ‘’

‘’ငွေအလုပ်တွေက ဒီမှာလေ၊ ငွေက ရန်ကုန်လိုက်ခဲ့ရင်း ဒီက အလုပ်တွေ ၊ ဘယ်သူ လုပ်မှာလဲ... ‘’

‘’မောင် ပြောမယ် ၊ ငွေခြံက ငွေကိုယ်တိုင် ပန်းတွေ စိုက်ရလို့လား ၊ ဦးလေးထွန်းက တာဝန်ယူလုပ်ပေးပြီး အမြတ်ကို ငွေယူတာလေ.. အဲတော့ ငွေမှာမလိုတာ ၊ ငွေဖေဖေ အလုပ်က စာရင်းကိုင်တယောက် မောင် ထပ် ဌားပေးခဲ့မယ် ၊ ငွေရဲ့ အတိုးပေးတဲ့ကိစ္စ ကိုတော့ မလုပ်နဲ့တော့၊ အတိုး ချေးတာ စီးပွါးဖြစ် လုပ်ဖို့ မလွယ်ဘူး ၊ နောက် အခန့်မသင့်ရင် ကိုယ့်ပိုက်ဆံ ပါ ဆုံးနိုင်တယ် ၊ အဲဒါတော့ မလုပ်နဲ့တော့... ‘’

‘’ငွေ ဖေဖေတို့မေမေတို့နဲ့လည်း မခွဲနိုင်ဘူး.... ‘’

‘’တနှစ်တခါ မောင် ပြန်လိုက်ပို့ပေးမယ် ၊ မဟုတ်ဘူး ငွေတွေ့ချင်ပြီးဆိုတာနဲ့ လိုက်ပို့ပေးမယ်.၊ အဲတော့ မောင်ကို  လက်ထပ်မှာလား.... ‘’

‘’ဟို ငွေ မိညိုတို့နဲ့လည်း မခွဲနိုင်ဘူး... ‘’

ဟာ ငွေရာ တကယ်အသည်းယားတယ်.၊ မြတ်ဘုန်းကို အကြောင်းပြချက် အမျိုးမျိုး‌ ပေးကာ လက်မထပ်ရဖို့ ဂျစ်တွန်းနေ၏ အင်း စိတ်ရှိလက်ရှိဖြစ်ညစ်လိုက်ရရင်တော့ ကွာ....

ဟိုခပ်လှမ်းလှမ်းက လော်စပီကာနဲ့ အလှုလိုက်ခံနေသံ ကြားနေရ၏

‘’မိညိုကို ရန်ကုန်ခေါ်ချင်တာလား ၊ ခေါ်ချင်ရင် လှောင်အိမ် သွားဝယ်ပြီး ရအောင် ခေါ်ခဲ့ပေးမယ်.... ‘’

‘’အဲလို့ ရလား ..‘’

‘’လက်မထပ်ဘူးဆိုတဲ့ ကိစ္စက လွှဲရင်း ၊ ငွေ ဆန္ဒမှန်သမျှ မောင်က အကုန် ဖြည့်ဆည်းပေးမယ် ၊ ဟုတ်ပြီးလား... ‘’

ငွေ သက်ပြင်းချလိုက်ပြီး. ......

‘’ငွေတို့ ကိစ္စကလေ သိလား ဒီအတိုင်းပြီးလို့ရတယ်. ၊ နောက် မောင့်မှာလည်း ရည်စားရှိတယ်မလား ၊ ဘယ်သူမှာလည်း မသိဘူးလေနော့်... ‘’

‘’ဘယ်သူမှာ မသိလို့ လက်မခံဘူးပေါ့ ။ အဲလို့လား မောင်ထပ်မေးမယ်နော်
လက်ထပ်မှာလား ၊ မထပ်ဘူးလား.... ‘’

‘’ဟို ငွေတို့ ဒီအတိုင်းဘဲ ဘယ်သူမှာလဲ မသိတာ ၊ လက်မထပ်ရင် ရန်ကုန်က ရည်စားကိုလဲ...”

‘’ခဏ.. ၊ ငွေ လူမသိလို့ လက်မထပ်ချင်တာနော့် ၊ ဟုတ်ပြီ... ‘’

ဘေးမှာ အော်လန်းနှစ်ဖက်နဲ့ ဓါတ်စက်တွေတင်ထားတဲ့ အလှုခံ ဆိုက်ကားတစ်စီး ငွေတို့အိမ်နားက အဖြတ်......

‘’ဦးလေးတို့ ခဏ ..’’’

မြတ်ဘုန်းမော်က အလှုခံဆိုက်ကားနား လျှောက်သွားပြီး အလှူခံဦးလေးကြီးဆီကို တသောင်းတန် ၃ရွက်ထုတ်ပေးလိုက်တော့ ...

‘’သား...ကျန်း... ‘’

‘’ခဏ.. ဦးလေး ၊ ဦးလေးတို့ မိုက်ခဏ ဌားပေး ၊ ခဏဘဲ.... ‘’

ငွေမှာ မြတ်ဘုန်းမော် ဘာလုပ်တာလဲ ကြည့်နေတုန်း မြတ်ဘုန်းမော်က ထိုဦးလေးတွေဆီ က မိုက်ကို ယူလိုက်တာတွေ့တော့မှာ ၊ ငွေ သဘောပေါက် သွားရာ သူဆီ အပြေးသွား လိုက်လေ၏

‘’ အဟမ်း.. ၊ ကျနော့် မြတ်ဘုန်းမော် နဲ့ ဦးခင်အောင် သ... ‘’

ငွေ သူလက်ထဲက မိုက်ကို ဆွဲလုကာ.....

‘’ဘာလုပ်တာလဲ.... ‘’

‘’ငွေဘဲ ၊ ဘယ်သူမှာ မသိဘူးဆို.. ၊ မောင် သိအောင် ပြောပေးမလို့... ပြော လက်ထပ်မှာလား ၊ မထပ်ဘူးလား...’’’

ငွေ မိုက်ကို အလှူခံဦးလေးတွေဆီ ပြန်ပေးရင်း ၊ သူကို မျက်စောင်းထိုး လိုက်၏

“ အလှူရှင် နာမည်လေး ပြောအုန်းလေ သားတို့....”

ဆိုတော့....

“မြတ်ဘုန်းမော်နှင့် ငွေမှုန်းခင်  ဦးလေး..”

အလှူခံ ဖြတ်ပိုင်းလေး သူတို့ကို ကမ်းပေးလေ၏ ငွေ ထိုဦးလေးတွေကို အလှူရှင် နာမည် မိုက်နဲ့ မအော်ဖို့ ပြောလိုက်ကာ ၊ သူကို မျက်စောင်း ထပ်ထိုးပစ်လိုက်၏။

ငွေ တကယ် သူလောက် ကျောက်ကျောရေပက် ဆီသုတ်ပြောင်နေတဲ့ မျက်နှာ ပြောင်တိုက်တဲ့ လူ တစ်ခါမှာ မတွေ့ဖူးဘူး ။ ဖေဖေထိုးလည်း မမှတ်ဘူး ၊ ရန်ကုန်က ရည်စားကိုလည်း ဘယ်လိုလုပ်မလဲ မသိဘူး ။ တချိန်လုံး လက်ထပ်မယ်ဆိုတာ ကြည့်ဘဲ...၊

ငွေ ဘယ်လို့ လုပ်ရမလဲ….၊

**************** ****************** ***************
အပိုင်း( ၁၃ ) ဆက်ရန်

စာဖတ်သူလေးတို့ ရေ Happy Valentine par ရှင့်❤️

နောက်ပြီး ခွင့်တိုင်စရာလေးလဲရှိပါတယ် ။
ဒီ weekend မှာတော့ စာတင်နားပါမယ်နော် ။ အလုပ်နည်းနည်းရှုပ်နေလို့ပါ ၊ အဲတွက်လည်း ဆော်ရီးပါ ၊ တနင်္လာနေ့မှာ စာပြန်တင်ပေးပါမယ် ။

စာကတော့ စစ်လိုက်တာဘဲ၊ပထမဆုံး စရေးတဲ့fic ဖြစ်လို့ လိုအပ်ချက်‌များ‌ကော စာလုံးပေါင်းအမှားများရောကို သည်းခံဖတ်ပေးကြပါရှင့်
လိုအပ်ချက်များကိုလည်း ပြောပြပေးလို့ရပါတယ်ရှင့်၊
ဖတ်ပေးသူ တဦးတယောက်ချင်းစီတိုင်းကို ကျေးဇူးတင်ပါတယ်ရှင့်
ကျန်းမာရွှင်လန်းကြပါစေရှင့်....

#With Love
#Author:Pann Mohn
#ပန်းမိုရ်
#မြတ်ဘုန်းမော်+ငွေမှုန်းခင်