මෝයකදී
ගගක් සයුරක් සිපගන්නවා
ගග ගෙනා ඒ සුමුදු ජල පැන්
කැලතෙමින් ලුනු ජලය සමගින්
එකට මුසු වී සයුරක්ම වෙනවා
වෙරල අසබඩ රතු පැහැති වූ
සිනිදු ඇල්ගී ළගින් අරඹා
ගැඹුරුම යනවා
ටිකෙන් ටික ගැඹුරටම යද්දී
කිරි පැහැති හක්ගෙඩි
මතින් හරි සිනිදු වට ජල කද
ඇදගෙන ම ගැඹුරටම යනවා

තව ටිකක් ගැඹුරටම යද්දී
හක් ගෙඩියටත් වඩා වටිනා
සුදු පැහැති කොපුවලින් වටවුනු
දිස්න පොඩි මුතු කැටය මතුපිට
ලුනු රැසැති ජල දහර ගැටෙනා ...
මුතු කියන්නේ බෙල්ලන්ගේ කදුළුයි
කදුළු මැද්දෙන් ගන්න මුතු ගෙන
මාල පොටකට අමුණලා
මිලක් නැති ගගෙනුයි මුහුදෙනුයි
උපන් ඒ මුතු පොට ගෙල පැළද
වංශවත් ලොකු ලොකු කතුන්
කැඩපතින් හැඩ බලනවා

Yeye

පෙම්වතෙකුගේ සහ පෙම්වතියකගේ ආලිංගනයක් තමයි දැක්වෙන්නේ ... අසම්මතයි ... මොකද ඔවුන් විවාහ වෙලා නෑ ... මෙතන මුතු දෙවර්ගයක් සංකේතවත් කරනවා ... දෙවෙනි මුතු කියන්නේ ඔවුන්ගේ දරුවා ... හදාගන්න බැරිනිසා සල්ලිකාර පවුලකට දෙනවා ... අන්තිමට ඒ ළමයා නිසා ඒ පවුල බබලනවා ...

තේරුනා කියලා හිතනවා ...

මේ song එක තමයි ලියන්න හේතුව උනේ ... තේරුම සමාන නෑ ... ඒත් සංයමයෙන් ආලිංගනයක් ගැන ලියන්න ඕනේ උනා හී...