❄️❄️❄️❄️❄️  
    *Ḧ̤Ï̤B̤̈B̤̈Ä̤T̤̈Ṳ̈L̤̈L̤̈Ä̤Ḧ̤*
      ❄️❄️❄️❄️❄️

         *°•(ĸyaυтa daga Aℓℓαн)•°*

*°ιиιqυιту,ємραтну,нυмιℓιαтισи & яσмαитι¢ ℓσνє💑°*

     *MALLAKAR:HAFSAT HAFNAN💕*

       *WATTPAD:HAFNANCY*

https://m.facebook.com/Hafnans-Novell-246747739535534/

*•°ѕadaυĸarwa ga Dr. υмαя fαяυq вαнαgσ,ємιя σf иιgєя ѕтαтє мιииα•°*

       *ιnтellιgenт wrιтer'ѕ aѕѕo✍*
https://m.facebook.com/Intelligent-Writes-ASSO-294634797868361/
___________________________________
                     💥

*Թɑցҽ 31-33*

    *NOT EDITED 🔨*

             💥
 

     _*"innalillahi wa'inna ilaihi raji'un,Allahumma ajurni fi musibati wa'akhlifni khairan minha......"*_  shine abinda Fulani keta nanatawa tana kuka,hannayenta duka biyun kuma ta dorasu ne asaman kanta alamun dai ta shiga ukunta.Kukanta ne ya farkar da d'iyarta wacce take bacci hankalinta kwance,kukan da fulanin keyi yai matukar firgitata sosai don haka sai ta fasa nata kukan,cikin muryar kuka Fulani tace"Haba yarinya kiyi shiru mana da wanne zanji?da sabuwar masifar data bullo min ko kuwa da rigimarki?"

    'Yar ta k'ara volume din kukanta,kuma kunsan kukan jirajirai akwai shiga kunni,don haka babu yadda Fulani ta iya illa ciccib'arta,ta sanya mata nono abaki,haba nan da nan ta kama ta hau tsotsa don akodayaushe acikin yunwa take dake ba wani koshi take ba don Fulanin bata da wani wadataccen ruwan nono,gashi ba wai bata kulawa ake ba balle ahad'a mata abubuwan sinadarin da zai kawo wadataccen ruwan nonon.

      Tana shan maman ayayin da uwar ke aikin shafa mata suma wanda ya kwanta yayi luf dashi,ga santsi da baki,kunsan sumar jirairai gwanin ban sha'awa yake da,ba karamin dadi shafar yake mata ba don har wani lumshe idanuwa ta dunga yi alamun dadi,hakan da takeyi kuwa ba karamin baiwa Fulani dariya yai ba wanda har ya Sanya ta manta tashin hankalin dake gabanta,ta lakaci d'an karen hancinta tace"Jibeta acicina kawai,Allah ya raya min ke 'yata....."

   Hawaye ya d'an gangaro mata.Acan cikin gida kuwa Mal.Ya baiwa su Mariya odar yin waje da Fulani kana ya fice waje ya rarrab'awa almajirai kudad'e yace suje su fitar da komai dake dakin Fulani sannan su wanke ko'ina,bayan ya gama basu wannan umarnin ya kama gabansa.

Da murnarsu suka shiga cikin gidan suka ci karo dasu Mariya wa'enda ke kokarin zuwa dakin Fulanin.

   Uwale tace"Kai menene ya faru kuka yo mana zuga haka?"

Wani babba daga cikin almajiran yace"Mai unguwa ne yace mu shigo mu fitar da kayan dake dakin Fulani sannan mu wanke dakin tatas."

  Mariya ta saki dariya tace"Ai kuwa mal.yayi wayau anan,don wallahi ya kamata awanke wannan dakin sabida zarni yake ba kadan ba,yasin ko bandaki bekai wannan dakin zarni ba....."

Suka chafe hannu da Uwale,Uwalen tace"Kai Yayah Mariya baki da kirki ko kadan,don Allah ni muje muyi waje da hegiyar ta bamu daki ko akuyoyinmu mu zuba aciki don sun gaji da shan rana....."

      Sukayi dakin Fulani ayayin da almajiran suka take musu baya,ita kuwa fulani duk taji hirarrakinsu don haka sai tayi saurin saba 'yarta abaya don bata son suzo su sameta su sake ci mata mutunci don nasu yafi zafarta.Da sauri sauri ta janyo wani hijabinta wanda ya zamar mata na gado ta zura,ta cusa zannuwa kala biyu acikin wani gari yayi zafi,kana ta bud'e wani kofa wanda zai iya sadaka da can waje ta fice.Waige waige ta shiga yi taga babu kowa,sai kawai tabi wani dogon lungu,tunda tazo wannan k'auyen bata tab'a barinsa ba sai yau,don haka ba lallai ne tasan hanyar fita daga k'auyen ba.

   Taci uwar tafiya kan ta k'araso titin k'auyen wanda babu kwalta,jan kasa ne kawai,gashi nan kuma hanyar babu k'yau.takai mintuna ashirin awajen kafin can ta hango wani akori kura yana tahowa,hannu tasa ta shiga waving dinsa alamun ya tsaya.

    Ai kuwa da suka karaso wajenta sai ma tukin ya soma slow down,yana isowa dab da ita yaja birki ya paka,su biyu ne acikin motar,matukin ya dubeta yace"Malama lafiya?"

       Ahankali tace"Don Allah taimako nakeson kumin....."

"wacce irin taimako kenan kuma?"acewarsa

Tace"Kano nakeson ku kaini....."

   Cike da mamaki suka kwashe da dariya dukansu,ita kuwa abin ya bata haushi amma ta kasa tambayarsu dalilinsu nayi mata dariyar.

     Wanda ke zaune ah sit din mai zaman banza yace"Malama anya kanki daya ne kuwa?kin ma san kanon kuwa?haka kurum zaki tari mota kice wai akaiki kano da yammancin nan ma,toh mukai yaushe?dallah Hamisu ja mota mu tafi ina tsammanin wannan kwakwalwarta akwai matsala...."

   Kuka ta rusa musu ta shiga rokonsu "don Allah na rokeku ku taimaka kudai fitar dani daga cikin k'auyen nan,karku banni anan gari ya soma sanyi ga 'yata ma harta soma kaduwar sanyin....."

"Yi sauri ki Shiga baya mu tafi amma ah beggar junction zamu saukeki donmu Maikunkele muka nufa...."acewar matuk'in wanda ga dukkan alamu yafi d'an sauk'in kai.Ita ina ta san wani 'Beggar Junction'?ita dai burinta ayanxu bai wuce taga an fitar da ita daga cikin wannan k'auyen ba,Dak'yar ta iya haurawa ta zauna abayan akori kuran.Hamisu yajah mota suka tafi,Fulanin sai waige waige take tana sake kallon k'auyen don daga rana irinta yau tayi bankwana da *'TEWI'* don bata tsammanin cewa akwai wani kaddara da zai sake maido da ita k'auyen.

    ***

Mariya na daga labulen taga daki wayam babu Fulani sannan kuma babu jinjira,ga kuma k'ofar ciki abud'e alamun dai ficewa tayi tanan.

    Mariya tace"Lalalalaah!! Ke Uwale matso kusa kiga abin mamaki da idanuwanki...."

Uwale ta k'araso da sauri tana fadin"Yayah menene?" ta shiga har ciki tana dube-dube,cike da mamaki tace"Yayah badai guduwa Fulanin tayi ta wannan k'ofar fa?"

    "Ga zahiri kin gani kuwa...." acewar Mariya.

Uwale tayi k'wafa tace"Tabdijam! amma wallahi ba hakan naso ba,naso ace mun d'an mata dukan k'arshe kafin ta tafi...."

    "Toh Yaya dai Aishatun tabar min gidan ko kuwa?" suka tsinkayo maganar mal.yana nufo dakin,da sauri suka cimmasa har suna rige-rigen labarta masa abinda ya faru.

Mariya tace"Ai bakasan menene ba mal.'yar akuyar k'ofar cikin dakinta ta bud'e ta fice ba tare da saninmu ba...."

   Ajiyar xuciya mal.ya saukar tare da murmusawa yace"Koma k'ofar sama tabi badai tabar min gida ba?toh alhamdulilah,'yar duniya ina tunanin ta bayan gari tabi don kar akanta,toh ku almajiran nan meh kuke jira ne da baku soma aikin dana sanyaku ba?kun tsaya kun wani zuzzurawa mutane idanuwa kamar sa'anninku,idan bakuyi ne kuma toh aban kudad'e maza......

   Ai wuf! Suka shige suka soma fitar da kaya da sukaji an tab'o zancen kudi😁.

Don iskanci duk toshe-toshen hanci su Mal.suka shiga yi wai zarni.Uwale tace"Mal.don Allah wata 'yar alfarma muke nema....."

   Hannu ahanci yace"Toh mu matsa gefe ayi maganar don bazan juri barin wari ya shige min baki ba."😂

Suka saka dariya gabaki dayansu,k'ofar dakin mariya suka tsaya.

    Mal.yace"Ina jinki...."

Cike da kissa tace"Mal.nace mai zai hana ka bamu wannan dakin mu zuba tunkiyoyinmu aciki?kaga fa sun gaji da shan rana sannan kuma ana yawan shigowa ana sace mana su tunda katangar gidan ba wai tsayi gareta ba,amma kaga yanxu idan ka bamu wannan dakin muka zuba shikenan mun magance wa'ennan matsalolin,koya kikace Yayah Mariya?"

   Mariya tace"Eh! Mal.don Allah ka bamu,idan muka sayar da guda zamu baka kudinta...."

Mal.Najin zancen kudi ya washe haqora yace"Wallahi na baku,yanxu har akwai abinda zaku nema awajena na hanaku?bana tsammanin ranar nan zata zo wallahi,ku zuba Uwale na baku halak-malak....."

   Cike da murna suka shiga godia,shima mal.ya fice yana mai murnar kyautar da suka masa alqawarin bashi.

Yana fita Uwale ta dubi Mariya tace"Yayah meyasa kika masa irin wannan alqawarin?ina fatar dai acikin tunkiyoyinki zaki bashi ko?don ni dai wallahi ba'a cikin nawa ba...."

Mariya taja tsaki tace"Tabdi an gaya miki ni wawiyace?dabara na masa don ya bamu don naga alamun ada kamar yaso yaki amincewa ne shiyasa na bullo masa tanan,basai yazo ya k'wata ba,da wani haqoransa gaja-gaja awurin kamar katari....."

   Uwale ta fashe da dariya.awannan ranar rawa suka tika acikin tsakar gidan na murnar barin Fulani gidan,Uwani ta sami labarin tafiyar Fulanin amma ko kadan bata ji dadi ba,yaci ace Fulani ta mata bankwana ko don zaman amincin da sukayi.

    *

*INA LABARIN FULANI?*

   Adaidai begger junction su Hamisu suka sauketa,ya leƙo da kai waje yace"Ke sakko mun iso...." Fulani ta shiga kalle kalle ganin sun fito birni,ga jama'a sai kai da komo ake tayi,ga titi nan yasha kwalta smooth dashi babu wani gargada,ga street light,irin dai MX City ya hadu ne😊.

Ajiyar xuciya ta saukar kana tace ahankali"Alhamdulillah! Yanxu na shigo cikin mutane......"

    Sannu ahankali ta sakko,sai kuma taji duk ta jike,don yoyo take bana wasa ba,kila dalilin daya sanya yarinya kamar yadda take kiran jinjiranta kenan kaduwar sanyi,sai taji duk tausayinta ya lullubeta ga wani uban kunya da takeji na sakkowa daga cikin motar don duk idon mutane akanta yake.

Can taji Hamisu ya sake cewa"Ke yi zamanki na manta zamu siye wani abu acikin gari,idan mun kai can saiki sauka anan...."

Wani dadi ne taji ya tsikareta tun daga tsakiyar kanta har xuwa babbar yatsar k'afarta,ta koma ta zauna tare da kwanto yarinya daga baya,ta kankameta dakyau yadda iska bazai wani shiga jikinta ba.Sai kalle kalle take tayi abinta,sun iso daidai Bahago roundabout sai kuma Hamisu yaja birki ya tsaya,ya sake leko da kai waje yace"Ke sauka mun fasa xuwa cikin garin,zamu koma da baya...."

   Toh alhamdulillah ta danji dadi don anan babu mutanen kirki sosai,hasalima kowa sabgar gabansa yake kawai.

Bayan ta sakko taje har gaban motar tana musu godia,shi kuwa Hamisu kallonta yayi tun daga samanta har xuwa kasanta,da sauri yakai hannu ya toshe hanci yace"Innalillahi kai babawo yarinyar nan fitsari ta mana abayan mota,haba malama da girmanki kike fitsari azaune kuma idanuwanki biyu sannan kuma gaki da 'ya abaya?tabdi Allah yashi kyauta...."

   "Kai haba?wai da gaske kake?" Babawo ya fada tare da mikewa don ganinta,shima din Allah wadai yayi da ita.Kana suka juya kan mota sukayi gaba suna masifa.Fulani kuwa kuka take sosai,ga yarinya ma rigimarta ya tashi sai canyara kuka take.Can sai ga jerin kwanon motocin Mai martaba *'UMAR FARUQ BAHAGO'* suna kusanto inda take ahankali,motoci biyu suka yanki hanyar unguwar daji,motar da Mai martaba yake ciki har zai sha kwana sai kuma Mai martaba yayi saurin dakatar dashi ta hanyar bashi umarnin parking,don tun amota ya gama studying din Fulani,wanda ga dukkan alamu ya nuna yarinyar tana matukar buqatar taimako.

     "Awwalu jeka taho min da waccan 'yar yarinyar dake kuka rike da yaro ahannunta...."

"An gama ranka shi dade...." ya fito daga cikin motar da sauri don cika umarnin shugabansa.sauran motoci biyun dake bayansu suma sukayi parking ganin motar da mai martaba ke ciki ta tsaya.

    Tsura mata idanuwa Mai martaba yayi yana wani nazari akanta,can yace da Jabir dake zaune ah sit din mai zaman banza"Jabir meka lura atattare da yarinyar?"

Dan nazarinta Jabir yayi kana yace"Allah ya taimaki mutumin talakawa,gani nake kamar ajike take sharkaf tamkar wacce tayi fitsari ko kuma wacce ta jike dai da ruwa....."

    "Bayan nan fa?"acewar mai martaba

Gwauron numfashi Jabir yajah kana yace"Alamu sun nuna cewa yarinyar tana fuskantar kalubalen rayuwa,yanayinta kadai ya nuna irin kuncin da take ciki....."

   Mai martaba bai sake cewa komai ba illa tunanin shekarun baya daya tsunduma ciki,awasu shekarun baya can,mahaifinsa ya taimaki wata baiwar Allah wacce daga baya rikici ya kunno cikin zuri'arsu wanda yayi sanadin barin iyayensu biyu duniya,wato Abbansa da kuma Haj.Maymunerh,gashi ayau yayi irinta mahaifinsa,shima ya hadu da wata wacce tafi Najmiy matukar buqatar taimako don ita gata nan da d'a ahannunta,sannan baya jin zai iya wuceta ba tare daya taimaketa ba ko don darajar dan dake hannunta,he really wants to follow his father's footsteps.

   _*wαní írín tαímαkσ kukє gαnín mαí mαrtαвα zαíчíwα fulαní?wαnnαn ѕhínє tѕuntuwαr dα чαчí*_

_*ku вíчσní cuz díz íѕ juz thє вєgíníng😁*_

_*tímє nα ѕαmu ѕhíчαѕα kukє tα gαnín updαtє αkαí αkαí*_

_*ídαn nα gαmѕu dα cσmmєntѕ kunα íчα gαnín updαtє хuwα dαrє ínѕhα Allαh*_

     *ⓗⓐⓕⓝⓐⓝ*