Sabi nila ang pag-ibig ay parang isang thesis paper na minadali dahil sa wala halos wala kang mahanap na resources at hindi mo mabalanse ng tama ang iyong oras, pero oras na makakuha ka ng napakagandang marka sa thesis paper na iyong ginawa, pakiramdam mo wala lahat ng problema at pagod mo. Sa buhay naman napakadaming kailangang hirap ang kailangang pagdaanan para lang maipaglaban ang pag-ibig na iyong nararamdaman. Hindi man natin alam kung kailan darating ang ating first love, may mga taong mali ang kanilang unang pag-ibig pero nahanap ang tunay na pag-ibig, may mga taong pinagpala ng Diyos na ang kanilang unang pag-ibig ay siya na ding huli, pero ang mga taong kadalasang nagkakamali ay ang mga taong nagmamadali. May mga tao naman na pinalagpas napala kanilang true love para sa isang bagay o tao na akala nila ay nagpapasaya sakanila. Pero kailan nga ba ang tamang panahon? At paano mo nga ba malalaman na kung siya na nga ba o hindi pa, sino nga ba ang tama mong mahalin ang taong nagpapasaya sayo o ang taong gusto mong makitang masaya?
