ခွင့်မရှိ
🌸pann
Final..
" ဟုတ်ကဲ့.. သားယောကျာ်းလေး အမြွှာပူး မွေးပါတယ် "
" ဗျာ.. "
ရှင်လေးတို့ ကြားလိုက်ရတာက သားအမြွှာပူးပါတဲ့.. ။
" ရှင်လေး.. အမြွာပူး သားယောကျာ်းလေးတဲ့ "
" ဟုတ်တယ် ပါး.. ဟားဟား "
ရှင်လေး သဘောတွေကျပြီး ခုန်မြူ းကာ ပါးနဲ့မားကို ပြောမိလိုက်သည်.. ။
" ဆရာမ.. "
" အော် လာပြီ .. ဒီမှာ ကလေးတွေ "
" သားတွေ "
ရှင်လေး သဘောတွေကျနေမိသည်.. ။
" ဒါက သားကြီး.. "
ဆရာမက ရှင်လေးလက်ထဲကို ကလေးတစ်ယောက် လက်လွှဲပေးတော့ ရှင်လေးသတိထားထိန်းပြီး ပွေ့ချီလိုက်သည်..
" ဒါက သုံးမိနစ်ပဲခြားတဲ့ သားငယ်.. "
နောက်ထပ်ကလေးတစ်ယောက်ကိုတော့ မားက ပွေ့ချီပေးသည်.. ။
အနှီးထဲမှာ မြင်နေရတဲ့သားနှစ်ယောက်ကို ကြည့်ပြီး ကြည်နူးမဆုံးဖြစ်မိရသည်..
မျက်လုံးလေး မှိန်းနေတဲ့သားနှစ်ယောက်ကြည့်ရင်း အူတယားယား အသည်းတယားယားဖြစ်ရပြန်သည်.. ။
ဒါ ရှင်လေးရဲ့သွေးသားတွေပါတဲ့.. ယဉ်အေးက သားတွေမွေးပေးထားတာ သိပ်ကို ကျေးဇူးတင်ဖို့ကောင်းနေပြီ ။
" ဟို.. ဇနီး ကို ဝင်တွေ့လို့ရပြီလားဗျ "
မိခင်ဖြစ်တဲ့ ယဉ်အေးကို ရှင်လေးတို့ တွေ့နိုင်ပြီလား သိချင်မိသည်.. ။
" ဟုတ်ကဲ့.. အခန်းထဲရွှေ့ထားပြီးပါပြီ သွားကြည့်လို့ရပါပြီရှင့် "
" ဟုတ်ကဲ့ ကျေးဇူးပါဗျ "
ရှင်လေးတို့ ယဉ်အေးဆီ ချီတက်ခဲ့ကြသည်..။
ညအိပ်ဝတ်စုံ အိမ်တွင်းစီးဖိနပ်နဲ့ ကလေးကို ချီထားတဲ့ ရှင်လေးရဲ့ဖက်ရှင်ဒီဇိုင်းက တော်တော်လေး မော်ဒန်ကျနေလောက်သည်..
တခြားသူတွေ ဘယ်လိုထင်မြင်နေပါစေ.. အခုချိန်မှာ ရှင်လေးကတော့ ကိုယ့်ဖက်ရှင်ကိုယ် အရမ်းယုံကြည်မှု ရှိလွန်းနေတာ ။
အရင်က အခုလိုဒီဇိုင်းနဲ့အပြင်ထွက်ဖို့နေနေသာသာ အိမ်ထဲအိမ်ပြင်တောင် ထွက်တာမဟုတ်ဘူး.. အခုတော့ သားတွေကြောင့် ဒီကအဖေ ရှင်လေးတို့ မရှက်တော့ပါ ။
.
သားတွေကို ဘေးကပုခက်ထဲမှာ သိပ်ပေးထားသည်.. မိခင်ဖြစ်တဲ့ ယဉ်အေးကလည်း မှိန်းနေလို့ အခုထိတောင် မနိုးလာသေးဘူး ။
ရှင်လေးကတော့ သားတွေကို ပြေးကြည့်လိုက် ယဉ်အေးမျက်နှာကို ကြည့်လိုက်နဲ့ အိပ်ချင်စိတ်တောင် အလိုလိုပြေနေပြီ..
မားနဲ့ပါးတို့ကို အိမ်ပြန်လွှတ်လိုက်သည်. မနက်ကျမှပဲ ပြန်လာဖို့ ပြောရသည် ။
ကလေးမွေးပြီးတာနဲ့ တန်းရောက်လာတဲ့ဝေလင်းနဲ့ယုယုကလည်း အိမ်ကနေ လိုအပ်တာတွေ အကုန်ယူလာပေးသည်.. သူတို့ကလည်း ဒီလိုနေရာဆို အားသိပ်ကိုးရတာတော့ အမှန် ။
သူတို့ကိုလည်း ပြန်နားခိုင်းရသည်.. ရီရွှေ ကိုလည်း တစ်ခါထဲ ပြန်ထည့်ပေးလိုက်တယ် မနက်မှ အတူတူလာကြဖို့ မှာလိုက်တယ် ။
အခုတော့ ရှင်လေးတစ်ယောက်ထဲ ညအိပ်စောင့်ပေးနေတာ.. အိပ်တော့လည်း အိပ်မပျော် သားတွေအသံကို နားစွင့်ရသေးတယ်
မအိပ်ရလို့ စိတ်မညစ်သလို မညီးညူ မိပါ.. အလိုလိုနေရင်း အားတွေ ပြည့်ဖြိုးနေတာမို့ ။
" ချစ်တယ် ယဉ်အေး.. မင်း ပင်ပန်းသွားပြီ good night "
ရှင်လေး မအိပ်ပျော်ခင် ယဉ်အေးရဲ့နဖူးလေးကို ဖွဖွ အနမ်းလေး အနမ်းပေးပြီး ကျေးဇူးတင်မိသည်.. ။
ပြီး ယဉ်အေးရဲ့လက်လေးကို ရှင်လေးပါးမှာအပ်ကိုင်ထားခိုင်းကာ ကုတင်ဘေးမှာအိပ်လိုက်သည်..
.
" ဟင်.. "
ယဉ်အေးနိုးတော့ ကိုရှင်လေးကို တန်းတွေ့ရသည်.. နေရောင်လေးကျနေတဲ့ ကိုရှင်လေးရဲ့မျက်နှာပြင်က အရမ်းတောက်ပကာ ကြည့်ကောင်းနေလိုက်တာ ။
ယဉ်အေး ကိုရှင်လေး ရဲ့ပါးလေးကို အုပ်ကိုင်ကာ လက်လေးနဲ့မျက်နှာကို ပွတ်သပ်နေမိတာ.. ။
" ဟင်.. မင်းနိုးလာပြီလား ယဉ်အေး "
ယဉ်အေးက မဖြေဘဲ မျက်လုံးလေးအသာမှိတ်ပြီး ပြုံးပြကာ ခေါင်းလေးဖြေးဖြေးငြိမ့်ပြနေသည်.. ။
" ဘယ်လိုနေလဲ.. သက်သာရဲ့လား နာတာကိုက်တာ ရှိလား "
" ဟင့်အင်း.. မရှိပါဘူး "
ယဉ်အေးက တိုးတိုးလေး ပြောသည်.. ။
" ကျေးဇူးပါကွာ ကိုယ့်ကို အမွှာပူးသားလေးတွေ မွေးပေးလို့.. "
" ဟွန်.. သားတွေရော "
" အိပ်နေကြတယ် ယဉ်အေးရဲ့.. "
" အီး အဲ့ အဲ့.. "
" အယ် နေဦး "
ကလေးသံကြားတာနဲ့ တန်းပြေးသွားကြည့်တဲ့ ကိုရှင်လေး.. ။
" ဟာ ရှင်လေးသားနှစ်ယောက်လုံး နိုးနေပါ့လား.."
ပြောပြီး သားနှစ်ယောက်လုံးကို တစ်ဖက်စီပွေ့ဖက်ချီလိုက်တဲ့ ကိုရှင်လေးကြောင့် ယဉ်အေးမှာ ကုတင်မှာ လှဲနေရင်း ပီတိပြုံးတွေ ဖြာရသည်..။
အခုချိန်မှာ ယဉ်အေးအပြုံးက အားမပါလှပေမယ့် အတောက်ပဆုံးအပြုံးတစ်ခုဖြစ်နေမယ်လို့တော့ ယဉ်အေး ယုံကြည်ပါသည်.. ။
" နို့ဆာနေတာဖြစ်မယ်.. ယဉ်အေးကိုပေး "
" အင် "
ကိုရှင်လေးက ယဉ်အေးလက်ထဲ သားတစ်ယောက်ကို ထည့်ပေးသည်.. ။
" ကျစ်.. နှစ်ယောက်ဆိုတော့ မင်းနို့အနိုင်နိုင်တိုက်ရမှာ မင်းနို့က ထွက်ပါ့မလားမသိဘူး "
" အို.. ကိုရှင်လေးကတော့ ပြောရော့မယ် "
" ဘာလဲ ငါပြောတာ မဟုတ်လို့လား "
" မဟုတ်ဘူးလို့မပြောပါဘူး.. ဒါပေမယ့် ဝမ်းတွင်းမှာပဲ ထားပေါ့ "
" အီး.. အဲ့ အဲ့ "
" ဟော ငါ့သားငိုနေပြီ.. တိုက်တော့ တိုက်တော့ နောက်တစ်ယောက် ကျန်သေးတယ် တိုက်ဖို့ "
" ကိုရှင်လေး ထွက်ပေးပါဦးလား.. "
" ဟ.. ငါက ဘာလို့လဲ "
" ကလေး နို့တိုက်မလို့ပေါ့ "
" အေ တိုက်လေ.. ဘယ်သူက မတိုက်ပါနဲ့လို့ ပြောနေလို့လဲ "
" ဒါပေမယ့် "
" ရှက်မနေနဲ့.. ငါ့သားတွေ ဗိုက်ဆာလွန်ပြီး အစာအိမ်ဖြစ်လိမ့်မယ် "
" အို ကိုရှင်လေး.. မပြောကောင်းမဆိုကောင်း ဘယ်က ဖြစ်ရမှာလဲ ဖီး ဖတ် ဖတ် လွှဲပါစေ ဖယ်ပါစေ "
" မင်းမတိုက်ဘဲနေရင်တော့ ဖြစ်မှာပဲ..ဖတ်တာတွေ လွဲတာတွေ ဖယ်တာတွေလုပ်မနေနဲ့.. တိုက်တော့ အမြန် "
ကြည့်.. ဖုတ်ပူမီးတိုက် လုပ်နေလိုက်တာ ။
စကားကိုလည်း ကပ်သပ်ပြောနေလိုက်သေးတယ်.. ဘယ်လိုကိုရှင်လေးမှန်းကို မသိဘူး ။
" အီး အဲ့.. "
" အေးပါ သားရယ်.. အမေတိုက်ပါ့မယ် "
ယဉ်အေးမှာ ထထိုင်ပြီး ကိုရှင်လေးကို ကျောပေးလှည့်ထိုင်ကာ သားကို ရင်ခွင်မှာပိုက်ပြီး နို့တိုက်ရသည်.. ။
ပြီးစိတ်မလုံတာမို့ ဘေးကစောင်ကိုဆွဲပြီး ကိုယ်ပေါ်လွှားတင်ထားရသည်.. ။
အဟက်.. ။
အရှက်တွေကြီးနေတဲ့ မာတာမိခင် ယဉ်အေးကို ကြည့်ပြီး ရှင်လေးသဘောတွေကျကာ ရယ်နေမိသည်..
အတော်ကြာ သားတစ်ယောက်ကို တိုက်ပြီး နောက်သားတစ်ယောက်ကို နို့ချိုတိုက်ကျွေးရသည်.. ။
" ဒါနဲ့ ကိုရှင်လေး.. "
" ဟင် "
" ဘယ်သူက သားကြီး ဘယ်သူက သားငယ်လဲ.. "
" သားကြီးက ဘယ်နားရွက်ထိပ်မှာ မှဲ့ပါတယ်..သားငယ်က မပါဘူး "
အဟင်း.. ။
တန်းတောင် ခွဲထွက်အောင် ကြည့်ထားတဲ့ ကိုရှင်လေးကိုတော့ ယဉ်အေး ကြိတ်ချီးကျူ းရသည်..
အခုကိုရှင်လေးပုံစံက ညအိပ်ဝမ်းဆက် ဖဲသားနက်ပြာရောင်နဲ့ ဆံပင်ကလည်း ဖြီးသင်ခြင်းမရှိဘဲ ပွယောင်းယောင်းလေး ဖြစ်နေတယ်.. ဖိနပ်ကိုလည်း အိမ်တွင်းစီးဖိနပ် နဲ့ ။
ဒီလောက် မသေမသပ်ဖြစ်နေလည်း ချောမောနေတာကြောင့် အလှမပျက် အချောမပျက်တဲ့ ကိုရှင်လေး.. ကလေးအဖေရုပ် မထွက်တဲ့ကိုရှင်လေးကို ယဉ်အေး စိတ်မချတော့ ။
.
ဆေးရုံမှာ ယဉ်အေး အတော်ကြာ နေရပါသည်.. ယဉ်အေးသက်သာပါတယ် အဆင်ပြေပါတယ် ပြောလည်း ကိုရှင်လေး က နေပါဦး ဆိုပြီး ဇွတ်နေခိုင်းလို့ စိတ်ပျက်ပျက်နဲ့ နေရသေးတယ်.. ။
ဒီနေ့တော့ ဆေးရုံဆင်းခွင့်ရလို့ အပျော်ကြီးပျော်နေရတဲ့ ယဉ်အေးပါလေ.. အယ် မပျော်ရတာက အိမ်ရောက်တော့ အကြောင်းက စပြီ ။
" သမီး.. ယဉ်အေး "
အိမ်ကိုရောက်နေတဲ့ အဘနဲ့အမေ.. ။
" အမေတို့ ဘယ်တုန်းက ရောက်နေတာလဲ.. "
" မနေ့ညကရောက်တာ.. လာကြည့်မယ်ဆိုတော့ လူလေးက လိုက်မပို့ဘူးလေ "
အဘက ကိုရှင်လေးကို မကျေမချမ်းလေး ပြောနေတာ.. ။
ကိုရှင်လေးကတော့ ခပ်တည်တည်ပဲ.. ယဉ်အေးဘေးမှာ ထိုင်နေတာ ။
" ဟော သမီး ဆင်းလာပြီလား.. "
" ဟုတ် မား.. "
" ကလေးတွေရော ရှင်လေး.. "
" အိပ်နေလို့ သိပ်ထားတယ် မား "
" အော် အေး.. ဦးလေးနဲ့ညီမရော နေရတာ အဆင်ပြေရဲ့လား "
" ဟုတ်ကဲ့ ပြေပါတယ် "
စကားပြောရင်းကနေ ကြားဖြတ်ဝင်ပြောလိုက်တဲ့ အဘ..။
" ကလေးတွေ နာမည်ပေးဖို့ အဘ စဉ်းစားလာတယ်.. "
" ဟာ.. ကျွန်တော်လည်း စဉ်းစားထားပြီးသား "
အဘက ပြောလာတော့ ကိုရှင်လေးကလည်း ထပြောလာပြန်သည်.. ။
" အဘက သေချာနေ့နံနဲ့တိုက်ပြီး ရွေးမှတ်လာတာ.. "
" ရှင်လေးက သားတွေကို ရှင်လေးအကြိုက်ပဲမှဲ့ပေးမှာ.. "
" နာမည်ဆိုတာ အကြိုက်ချည်း မှဲ့ပေးလို့ရတဲ့ အရာမဟုတ်ဘူး.. နေ့နံနဲ့ ကိုက်မယ့်နာမည် မှဲ့ပေးရတယ် "
" ရှင်လေးကလည်း ပြီးပြီးရော ဆိုပြီး မှဲ့ပေးမှာ မဟုတ်ပါဘူး.. ရှင်လေးသားတွေကို ပြီးပြီးရော ဘာတစ်ခုမှမလုပ်ဘူး "
" အဘ နာမည်ပေးတာ ပိုကောင်းမယ်.."
" ရှင်လေးကလည်း ရှင်လေးအကြိုက် မှဲ့ပေးမှာ.."
အပြိုင်ဆိုင်ဖြစ်နေတဲ့ ကိုရှင်လေးနဲ့အဘကို ဘေးလူတွေက ဘယ်ဘက်က ပါလို့ပါရမှန်းတောင် မသိဘဲ လမ်းပျောက်နေရသည်.. ။
" နာမည် က သေရာပါမှာ.. ပေါ့ပေါ့တန်တန်လုပ်လို့မရဘူး လူလေး "
" ဒီလောက်ကတော့ ရှင်လေးလည်း သိပါတယ် အဘ.. "
အခေါ်ဝေါ်တွေသာ အဘနဲ့လူလေး ဖြစ်နေပေမယ့် မသိမသာလေး အားပြိုင်နေကြတာတော့ ဘေးလူတွေ ခံစားရပါသည်.. ။
" ငါ့မြစ်ကို ငါနာမည်ပေးမယ်.. "
" အဲ့လို မောင်ပိုင်တပ်ကြေးဆိုရင် သားတွေက ရှင်လေးရဲ့သား.. ရှင်လေးသားမလို့ အဖေဖြစ်တဲ့ရှင်လေးကပဲ ပိုပေးသင့်တယ် မဟုတ်ဘူးလား "
" ဟို အဘနဲ့ကိုရှင်လေး သားတွေက အခုမှရက်သားလေးတွေ ရှိပါသေးတယ်.. နောက်မှ အေးဆေးပေးလည်း ရပါတယ် "
" ဟ.. နာမည်ကို အခုကတည်းက ပေးမှာ "
" အယ် "
ကြားထဲက ယဉ်အေးဝင်ဖြန်ဖြေပေးတာကို နှစ်ယောက်သား အော်ချလိုက်တာက တစ်ပြိုင်နက်တည်းတစ်သံထဲ ထွက်လာသည်.. ။
" ဦးလေးနဲ့ရှင်လေး နောက်မှအေးဆေးလုပ်ရအောင်နော်.. "
မားက ဝင်ပြီးပြောလို့ စကားတွေတော့တိတ်ကျသွားပေမယ့် မျက်ဝန်းတွေထဲမှာတော့ အပြိုင်ဖြစ်နေကြတာလေ.. ။
ဟူး.. အဘနဲ့ကိုရှင်လေးကတော့လေ ။
.
" ယဉ်အေး.. "
" ရှင် အဘ "
" လာဦး.. "
အဘက ယဉ်အေးလက်ကိုဆွဲပြီး ခြံထဲခေါ်သွားသည်.. အခုလို အလောတကြီးဖြစ်နေတာ ဘာအကြောင်းရာများကြောင့်ပါလိမ့် ။
" ဒီမှာကြည့်စမ်း.. "
ယဉ်အေးလက်ထဲ ရောက်လာတဲ့ သတင်းစာ..။
" ဘာကြည့်ရမှာလဲ အဘ "
" တယ် ညည်းနဲ့တော့လေ..ဒီမှာ ကြည့် "
လက်ညိုးထိုးပြတဲ့ နေရာကြည့်မိတော့ ယဉ်အေးမှာအံ့ဩသွားရသည်.. ။
အဆိုတော် သရုပ်ဆောင် မော်ဒယ် တစ်ဦးဖြစ်တဲ့ ဘုန်းထက်ပြည့်ရှင်ရဲ့ အမြွှာပူးသားယောကျာ်း ဘုန်းသျှမ်းကို ၊ ဘုန်းသျှမ်းညီ တို့နဲ့တွေ့ဆုံမှုတဲ့.. ။
ကိုရှင်လေးနဲ့ယဉ်အေးက သားတွေကိုတစ်ယောက်စီ ပွေ့ဖက်ထားတဲ့ပုံလေးနဲ့တကွလေ..။
" သူက သူ့သားဆိုပြီး နာမည် ပေးချင်တိုင်းပေးသွားလိုက်ပြီ.. တောက် ကွာ "
အဟွန်း.. ။
အဘက တရှူ းရှူ းတရှားရှား ဖြစ်နေတာကြည့်ပြီး ယဉ်အေးမှာကြိတ်ရယ်မိရသေးတယ်.. ။
ကိုရှင်လေးတော့ သူ့ပါဝါအာဏာကြီးနဲ့အသုံးချသွားတာကိုး.. ယဉ်အေးမသိပါဘူး ဒီပုံတွေကို အတင်းရိုက်ခိုင်းတာက ဒါကြောင့်ကိုး သပ်သပ် လူလည်ကျသွားတာပေါ့လေ..
ကိုရှင်လေးနဲ့အဘကြောင့် ယဉ်အေးမှာအူတက်နေရတယ်..တကယ် ။
ဒီကိစ္စဖြစ်ပြီး ရက်တောင်မဆိုင်းဘဲ အဘနဲ့အမေကရွာပြန်သွားသည်.. အဘကတော့ စိတ်ဆိုးမာန်ဆိုးနဲ့လေ ဒါကို ကိုရှင်လေးက အောင်နိုင်သူကြီးတစ်ယောက်လို အောင်ပွဲတွေခံလို့..။
" အဟား..အဟက် အဟွန်း "
ရယ်သံမျိုးစုံနဲ့ ဧည့်ခန်းမှာအိနြေ္ဒမထိန်းနိုင်ဘဲ ရယ်မြူ းပျော်ရွှင်နေတဲ့ ကိုရှင်လေး.. ။
" ဖျတ်.. "
ယဉ်အေးအနားသွားပြီး လက်မောင်းကို တစ်ချက်ရိုက်လိုက်ရသည်..
" ဟ.. ဘာလဲ "
" တော်တော်လေး အူမြူ းနေတဲ့ပုံပဲ.."
" အဟင်းဟင်း.. "
ကြည့်..ပြောရင်းနဲ့ကို ရယ်နေပြန်ပြီ ။
" ဟေး..ဖေ့သားလေးရေ "
ရီရွှေချီထားတဲ့ သားကို သွားမြူ နေပြန်သည်.. ပြုံးရွှင်မြူ းတူးလေးဖြစ်နေတဲ့ ကိုရှင်လေးကြောင့် ယဉ်အေးမှာ ရယ်မိသည်..
ယဉ်အေးတို့မိသားစုလေးက သာယာပါတယ်လေ..။
.
အယ်.. သာယာမှုက ပျောက်ပြန်ပြီ ။
ကလေးတွေအတွက် ဝယ်ထားတဲ့အရာတွေက မိန်းကလေးပစ္စည်းတွေလည်း ပါသေးတယ်..ဒါကို သားတွေအတွက် ဘယ်လိုသုံးရမလဲ
ဒီကိုရှင်လေး တစ်ယောက်နဲ့တော့လေ.. ။
" ကိုရှင်လေးကိုအဲ့ဒါကြောင့်ပြောတယ်.. ကလေးမွေးပြီးမှ ပစ္စည်းဝယ်ပါပြောတာကို အခုတော့ အပိုဖြစ်ပြီမဟုတ်လား.. ဝယ်ထားတာ နည်းနည်းနောနော မဟုတ်ဘူး သူများပေးပစ်ရအောင်လည်း ပိုက်ဆံနဲ့ဝယ်ထားတာ နှမြောစရာကြီး.. ကိုရှင်လေးဟာလေ ကျန်တဲ့ဟာတွေ ကောင်းသလောက် ဒီပိုက်ဆံကတော့ အရမ်းဖြုန်းတာ မွေးလာတာက သားအမြွှာပူးနှစ်ယောက်..ဒီမိန်းကလေးအတွက် ဝယ်ထားတာတွေက ဘယ်နားသွားသုံးရမလဲ "
ယဉ်အေးမှာ ပစ္စည်းတွေနဲ့တန်ဖိုးကိုကြည့်ပြီး သွေးတက်ကာ ပြောဆိုနေသလောက် ကိုရှင်လေးက သားတွေနားချော့မြူ ထိုင်နေရင်း သားတွေနားကိုပိတ်ထားတယ်တဲ့.. ကဲ ဒီကိုရှင်လေးဟာလေ ။
" ကိုရှင်လေး.. "
" ကျစ်.. ဘာလဲကွာ အဲ့လောက်ပွတ်တွတ်မရွတ်စမ်းပါနဲ့ သားတွေ နားညီးနေပြီတဲ့ "
" သားတွေ စကားမပြောတတ်သေးဘူးနော်.."
ကိုရှင်လေးနားညီးတိုင်း ကလေးတွေပုံချနေတာ မသိရင် ခက်မယ်.. ။
" မင်းတို့လေးတွေ မင်းတို့အမေနဲ့မတူစေနဲ့ ကြားလား.. တအားပွမ်လွန်းတယ် "
အံမယ်.. ငပြူ းကပဲပြဲပြတယ်ဆိုတာ ဒါမျိုး ။
" ယဉ်အေးကလည်းသားတွေ ကိုရှင်လေးနဲ့မတူစေဖို့ပဲ ဆုတောင်းတယ်.. သားနှစ်ယောက်သာ ကိုရှင်လေးလို သုံးဖြုန်းနေလို့ကတော့ သွားပြီ "
" အောင်မာ.. ငါ့သားကငါနဲ့မတူလို့ ဘယ်သူနဲ့တူရမှာလဲ သုံးတာများကွာ သုံးပါစေပေါ့ ချို့တဲ့နေတာမှမဟုတ်ဘဲ ငါရှာထားတာငါ့သားတွေ သုံးပါစေပေါ့.. ငါအခုထက်နှစ်ဆတောင် ရှာဦးမှာ ပြီးငါ့ပါးတို့ကငါ့ကိုအမွေပေးဦးမှာ တသက်တောင် စားမကုန်ဘူး.. ဒီမဖြစ်စလောက်လေးကို ခေါင်းထဲထည့်မနေနဲ့ "
မြင်ယောင်သေးတယ်.. ဒီအဖေကြောင့် ဒီသားတွေကတော့ ဟင်းဟင်း ။
" မိန်းကလေးပစ္စည်းတွေ အများကြီးလေ..အိပ်ယာတွေဂါဝန်တွေ ဖိနပ်တွေ ဟိုးတိုလီမုတ်စကအစ ဝယ်ထားတာ နည်းသလား ကိုရှင်လေးရဲ့.. "
" မင်းအဲ့လောက်နှမြောမနေနဲ့ အလကား မဖြစ်ပါဘူးကွာ.. သားတွေကို ဝတ်ပေးဆင်ပေးလို့ရတာပဲ "
" အို.. ကိုရှင်လေး မွေးထားတာက သားတွေ သမီးမိန်းကလေး မဟုတ်ဘူး "
ငယ်ငယ်ကတည်းက သားတွေကိုမိန်းမစိတ်သွင်းပေးချင်နေတဲ့ ကိုရှင်လေး.. ဒါအဖေတဲ့ ။
" မင်းနှမြောနေလို့ ငါကလည်းအကြံပေးရသေးတယ်.. "
အမလေး.. အဲ့အကြံကိုတော့ ရွှေချထားဖို့ ကောင်းနေပြီ ။
" ကိုရှင်လေး "
" ဟေ့ ရီရွှေ.. နို့ဗူးမရသေးဘူးလား "
" ကိုရှင်လေး ယဉ်အေးစကားပြောနေတယ်လေ.."
ကြည့်.. ပြောရင်း ဟိုလိုလိုဒီလိုလိုနဲ့ လစ်ထွက်သွားတဲ့ ကိုရှင်လေး ။
ဟူး မောတယ် မောတယ်.. ဒီကိုရှင်လေးနဲ့တော့ ။
.
" သားတွေရော.. "
အိမ်ကိုရောက်ရောက်ချင်း တန်းမေးချလာတဲ့ ကိုရှင်လေး.. ။
" သားတွေအိပ်နေတယ် "
" အခုထိလား.. ကြာပြီလား နေမကောင်း "
" အို ထိုင်ပါ ကိုရှင်လေးရယ်.. "
ကြည့်.. အခုတင် ထပြေးသွားကြည့်အုံးမယ့် ကိုရှင်လေးကို ယဉ်အေးဆွဲတားထားရပြန်သည်။
" ကြာကြာအိပ်တာ မကောင်းဘူး.. အခုတင် ညနေရောက်နေပြီ "
" ကဲ စောနလေးကမှ အိပ်သွားတာပါ..အိပ်ရေးမဝလို့ ခေါင်းကိုက်နေပါဦးမယ် "
" တော်တန်ရုံ ညနေကြီးမအိပ်ခိုင်းစမ်းပါနဲ့..ငါ့သားတွေ နေမကောင်းဖြစ်နေမယ် "
ငါ့သား ငါ့သားနဲ့ ပါးစပ်ကကိုမချဘူး.. ။
" ကိုလေး ဒီမှာ.."
ခုံပေါ်တင်လာတဲ့ နို့ဗူးကြီးခြောက်ဗူးခုနစ်ဗူးကြောင့် ဒီကယဉ်အေး မျက်လုံး ပြူ းရတယ်..
" ဒါတွေက ဘာလုပ်မလို့လဲ.. "
" နို့ဗူးတွေ မင်းမမြင်ဘူးလား.. ငါ့သားတွေအတွက်ပေါ့ဟ "
" ဒီလောက်အများကြီး ဘာလို့ဝယ်လာတာလဲ..ဟိုတစ်ရက်ကတင် ဝယ်ထားတာတွေရှိသေးတယ်လေ "
" ငါ့သားတွေ မင်းနို့နဲ့ဝဝလင်လင် ဘယ်သောက်ရမလဲ.. ဝဝလင်လင်သောက်ရအောင် များများစားစား ဝယ်ထားတာ "
" အို.. ပြောရော့နော် "
ယဉ်အေးမှာ တန်းမျက်နှာရဲတက်ရသည်..။
" ကိုလေးတို့ကတော့ ကံကောင်းချက်..သားတောင် အမွှာပူးဗျ ရုပ်ကလည်းချော တော်တော်စော်ကြည်ကြမယ့်သူတွေဗျ "
" ငါ့သားပဲ ချောရမှာပေါ့.. ငါကံကောင်းတာလား ဒါမှမဟုတ် ငါကပဲစွမ်းဆောင်နိုင်တာလား မပြောတတ်ဘူး တန်းခနဲ "
" ကိုရှင်လေး.. "
ကိုရှင်လေးစကားကြောင့် ယဉ်အေးမှာ ရင်ဖိုကာလှမ်းအော်ရသည်.. ။
" ဘာလဲ.. ငါကုသိုလ်ကံကောင်းတယ်လို့ ပြောချင်တာပါ "
အဲ့လို ရွှီးရှောင်သွားသေးတယ်.. ယဉ်အေး မသိရင် ခက်မယ် ။
ကိုရှင်လေးဟာလေ ဗြောင်လိမ်ဗြောင်စား နဲ့..တကယ် ။
.
" ဟာ.. ယဉ်အေးရေ လုပ်ပါဦးဟ "
" အီး..အဲ့ အဲ့ အဲ "
အသံကျယ်ကြီးကြောင့် ယဉ်အေးမှာ မီးဖိုထဲကနေ အပြေးလေးပြေးသွားကြည့်ရသေးတယ်.. ။
သားအဖတွေ အိမ်ရှေ့မှာ ဆူညံပွက်လောကို ရိုက်နေတာလေ..
" ယဉ်အေးရေ.. မြန်မြန်လာပါဟ "
သားကို အပေါ်မြှောက်ပွေ့ချီပြီး ကိုရှင်လေးကိုယ်နဲ့ခွာထားကာ မျက်လုံးတွေမှိတ်ပြီး လှမ်းအော်နေတဲ့ ကိုရှင်လေး.. ။
" လာပြီ.. လာပါပြီ ဘာဖြစ်လို့လဲ "
" ဘာဖြစ်ရမှာလဲ မင်းသားတွေပေါ့.. ငါ့ကိုယ်ပေါ်ချီးရော သေးရော အကုန်ပါချတယ် လုပ်စမ်းပါအုံး မြန်မြန် ရှုတင်ကပြေးရဦးမှာ "
ကြည့် မကောင်း ယဉ်အေးဆီပို့တယ်.. ။
" ဒါဆိုလည်း သွားခါနီးလာခါနီး ဘာလို့သားနှစ်ယောက်ကို ပွေ့ချီနေသေးလဲ.. "
ယဉ်အေးပြောရင်း ကိုရှင်လေးပွေ့ချီထားတဲ့ သားကို လက်ပြောင်းယူရသည်.. ။
သားလေးကို ပြောင်နေအောင်ရှင်းပေးရသေးတယ်.. ပြီးအနားမှာ ထားထားတဲ့ ဒိုက်ပါထုတ်ကို ဆွဲယူကာ တစ်ခုထုတ်လိုက်ရသည်..။
အိမ်မှာလည်း ကလေးပစ္စည်းတွေက နေရာတကာမှာ ရှိနေတာလေ.. အရင်လို ရှင်းလင်းနေတာမဟုတ်ဘူး ။
" ငါ့သားငါပွေ့ချီတာပဲ ဘာဖြစ်လဲ "
" အခုတော့ စျေးဦးပေါက်သွားတာပဲ မဟုတ်လား.. "
" ဘာဖြစ်လဲကွာ.. "
" ကဲ ဘာမှမဖြစ်ပါဘူး.. ရေချိုးဦးမှာမလား သွားချိုး ပြီးယဉ်အေး အဝတ်တွေ လာထုတ်ထားပေးမယ် "
" အေ.. ရေချိုးမှရမယ် အာဂူး နံလိုက်တာကွာ ငါ့ရေမွှေးနံ့တောင် ပျောက်တယ် "
သူ့ကိုယ်သူပြောပြီး အခန်းထဲပြေးဝင်သွားတဲ့ ကိုရှင်လေးကို ကြည့်ရင်း ခေါင်းခါရမ်းမိသေးသည်.. ။
သိတယ်.. ရေတစ်ခေါက်ပြန်ချိုးအုံးမယ် ဆိုတာ ဘယ်လောက် အသန့်ပြန့်ကြိုက်တဲ့ သူမလို့လဲ ။
ယဉ်အေးမှာ ကိုရှင်လေးလည်း ထိန်းရ သားနှစ်ယောက်ကိုလည်း ထိန်းရနဲ့ အားတယ်လို့ကိုမရှိဘူး..
သားတွေကလည်း အနုအရွ အသန့်ပြန့်ကြိုက်သလား မမေးနဲ့.. အီးပေနေတဲ့ အဝတ်နဲ့တစ်စက္ကန့်လောက်တောင် ကြာကြာမနေဘူး အကြီးတွေကို လဲပေးတော့ဖို့ အသံပေးသေးတယ်.. ။
နည်းနည်းသာကြာကြည့် အော်ဟစ် ငိုပြီ.. ။
အဖေ့သွေး အပြည့်ပါတဲ့သားနှစ်ယောက်.. ရုပ်ကလည်း တဖြေးဖြေး ရုပ်လုံးကြွလာတော့ သူ့အဖေကိုယ်ပွားတွေအတိုင်း ဖြစ်လာတာလေ.. ။
အဖေနဲ့တူတာ ကိစ္စ မရှိပေမယ့် အဖေ့လိုမျိုးလက်ဖွာရင်တော့ ခက်ရချည်သေးရဲ့.. ငယ်ကတည်းက တော်တော် အုပ်ထားနိုင်မှ တော်ရာကျမည် ။
ဒါလည်း ကြားထဲသူတို့အဖေ ဝင်ဖျက်ရင်လည်း ပွဲပျက်ဦးမယ်..
ဟိုတစ်ခါ ဝယ်ထားသမျှမိန်းကလေးအသုံးဆောင် ပစ္စည်းတွေ ကို သားနှစ်ယောက်နာမည်နဲ့ လိုအပ်တဲ့နေရာတွေ လှူ ပစ်လိုက်ရသည်.. ။
ပီတိလည်းဖြစ်ရသလို ပိုက်ဆံတွေနှမြောသလိုလည်း ဖြစ်ရသည်..
ဝယ်ထားတာက လှူ ဒါန်းဖို့ဆိုပြီးရည်ရွယ်ဝယ်ထားတာ မဟုတ်ဘူးလေ.. ပြီးတော့ သိတယ်မလား ကိုရှင်လေးတို့က တော်တန်ရုံလောက်ကို ဝယ်မသုံးတတ်တာ ။
ယဉ်အေးတို့မှာ ကုသိုလ်ထက် ငရဲကပိုများလိမ့်မယ်..နှမြောတွန့်တိုနေရတာနဲ့ ။
တရားခံကြီးကတော့ တခြားသူမဟုတ်..ကိုရှင်လေးကြောင့် ။
.
ဒီနေ့တော့ ကလေးတွေကို ပါးနဲ့မား လာကြည့်ပေးတယ်.. ပြီး ယဉ်အေးနဲ့ကိုရှင်လေး စိတ်ပေါ့ပေါ့ပါးပါးနဲ့ သွားလည်ပါတဲ့ ။
သားတွေထားပြီး စိတ်ချလက်ချကြီးတော့ ယဉ်အေးတို့နှစ်ယောက်လုံး မပျော်ပါးနိုင်ကြပါဘူး.. ဒါပေမယ့် ပါးနဲ့မားက ခဏနားသလို အကြောလျှော့ပါဦးလို့ ဆိုလာတာနဲ့ ယဉ်အေးနဲ့ကိုရှင်လေး အိမ်အတွက် လိုအပ်တာတွေ ဝယ်ဖို့ အပြင်ထွက်ခဲ့လိုက်သည်.. ။
အယ်.. လိုအပ်တာတွေ ဝယ်မယ်ဆိုမှ မဝယ်သေးဘဲ ကလေးအဝတ်တွေရောင်းတဲ့ဆိုင်ထဲ တန်းတန်းမတ်မတ်ကို ဝင်သွားသေးသည်..
ယဉ်အေးမှာထိတ်ပြီး လက်ကိုလှမ်းဆွဲထားဖို့လည်း မမှီလိုက်.. ။
" အို.. ဒီကိုရှင်လေးနဲ့ကတော့လေ "
" ကိုရှင်လေး "
ယဉ်အေး အနောက်ကလိုက်ပြီး တိုးတိုးခေါ်ရသေးတယ်.. ။
" ယဉ်အေး.. ကြည့် သားတွေနဲ့လိုက်မှာနော် "
အဝတ်စားတွေမြှောက်ပြီး မေးနေတဲ့ ကိုရှင်လေး.. ။
" သားတွေ ဝတ်မရသေးဘူးလေ.. ချထားလိုက်"
ယဉ်အေး ကိုရှင်လေးလက်ထဲက လုပြီးချိတ်မှာပြန်ချိတ်ပေးထားရသည်.. ။
" နောက်လည်း ဝတ်လို့ရတာကို..မင်းကလည်း "
" နောက်တော့ ပုံစံသစ်ကမထွက်တော့ဘူးလားတဲ့.. အဲ့တော့ ငါ့သားတွေနဲ့လိုက်မှာဆိုပြီး ထပ်ဝယ်အုံးမယ် "
" ဒါပေါ့ မေးနေသေးတယ်.. "
" အမတို့ ကလေးအဝတ်ယူမလို့လား.. ဒီဒီဇိုင်းက ထိုင်းဘက်ကလာတာ အသားကောင်းတယ်ရှင့် "
" ဟုတ်ကဲ့ နေပါစေ.. ရတယ် မဝယ်ဘူးနော် "
" ဟ ယဉ်အေး "
" အမတို့ကို ခွင့်ပြုပါဦးနော်.. "
ယဉ်အေး ကိုရှင်လေးကျောကို အတင်းတိုးပြီး ဆိုင်ထဲကနေထွက်ရသည်.. ။
" မင်းကလည်းကွာ.. "
" မင်းကလည်းကွာ လုပ်မနေနဲ့.. သားတွေက လပိုင်းပဲ ရှိသေးတယ် ကြီးကြီးမားမားမဆင်သေးလည်း ရပါတယ် "
" ဒီကန်သင်းကို ကျိုးအောင် ရေအားနဲ့တစ်ချက် ကစ်ထည့်လိုက်ဦးမယ်.. "
" ဟမ်.. ဘာပြောတာလဲ "
" ဘာမှမဟုတ်ဘူး "
ကြည့် ဘာတွေပြောသွားမှန်းကို မသိဘူး.. တစ်ယောက်ထဲ ရှေ့ကနေ ငေါက်ဆတ်ဆတ်နဲ့ သွားနေပြီ ။
" လာလေ မင်းက.. တစ်ယောက်ထဲ ဘာလုပ်နေတာလဲ ကောင်တွေကို ကြာပစ်ချင်နေတာလား မင်းငါ့သားတွေရဲ့အမေ ဖြစ်နေပြီနော် ယဉ်အေး.. "
နောက်ပြန်လှည့်ပြီး ယဉ်အေးကိုပြန်ခေါ်တဲ့ ပုံစံကတော့ တော်တော် ပြေးသွားချင်စရာကောင်းသည်.. ။
အဘစကားတွေ ကြားပြီး ယဉ်အေးကိုပြန်နှပ်နေသေးတာ.. အစကအဘမှာ စိတ်ဆိုးပေမယ့်လည်း မြစ်တွေနဲ့မခွဲချင်တော့ အဘကပဲချော့ပြီး ပြန်စကားပြောသည်.. ။
အခုတော့ အဘနဲ့မြေးသမက်နဲ့ အကြောကိုတည့်လို့..
" လာလေ.. မင်းကတော့ "
လာလို့သာ ပြောတာ.. ရှင်လေးကသာ အနားသွားပြီး ပြန်လှည့်ခေါ်ရသည် ။
ယဉ်အေးက တစ်သားမွေး တစ်သွေးလှ..အယ် မဟုတ်ပါဘူး နှစ်သားမွေး နှစ်သွေးလှနေတာလေ အဲ့တော့ ဒီကောင်က စိတ်ချရတော့မလားတဲ့.. ။
ယဉ်တကာ့ ယဉ်နေတော့ ပစ်ကြွေကြမှာလည်းစိုးရသည်.. အခုခေတ်က မတ်မတ်ခေတ်ဆိုပြီး စခန်းထနေတဲ့ချိန် ယဉ်အေးကိုတွေ့ပြီး မတ်မတ်လုပ်နေမှ ဒီကကောင် သားနှစ်ယောက်နဲ့ ဟက်ကော့ကြီး ကျန်ခဲ့မှာ.. ။
အဲ့လိုအဖြစ်မျိုး သေတောင်အဖြစ်မခံနိုင်ပါဘူး..
ယဉ်အေးက ရှင်လေးရဲ့ဇနီး.. တစ်ခါဇနီးဖြစ်ဖူးရင် တသက်လုံး ဇနီးပဲ ။
" အဟွန်း.. "
ယဉ်အေး သဘောကျကာ ရယ်မိသည်..
ကိုရှင်လေးကပဲ ယဉ်အေးကို သဝန်တိုရတယ်ရှိသေးတယ်.. တကယ်တမ်း သဝန်တိုရမှာက ယဉ်အေးပါ ။
ဒေါင်ကောင်းကောင်း ရုပ်ချော အသားရည်လည်းလှတာမို့ မြင်သူတိုင်းကြွေကြမှာပဲလေ..
အခု ကိုရှင်လေးက ဦးထုတ်ခပ်ငိုက်ငိုက်လေးဆောင်းထားတာတောင် ဟိုလူကြည့်ဒီလူကြည့်လုပ်သေးတာ.. ဦးထုတ်သာချွတ်လို့ကတော့ အနားဝိုင်းအုံလာမယ့် အမျိုး ။
ဒါပေမယ့် အခုချိန်မှာ ကိုရှင်လေးရဲ့လက်ကိုတွဲပြီး အနားယှဉ်လျှောက်ခွင့်ရတဲ့ အမျိုးသမီး က ယဉ်အေးတစ်ယောက်ထဲ ရှိသည်..
ခေတ်ဆန်ပြီး ပေါ့ပါးတက်ကြွတဲ့ဒီဇိုင်းနဲ့ အပြတ်သတ်ကြည့်ကောင်းနေတဲ့ ကိုရှင်လေးနဲ့ ဝမ်းဆက်လေးသာဝတ်ပြီး ယဉ်ယဉ်လေး နေတဲ့ ယဉ်အေးတို့နှစ်ယောက် ကို ဘေးလူတွေမြင်ရင် မနဲ့မောင်အတွဲထင်လိမ့်မည်.. ။
တကယ်တမ်းကျ ယဉ်အေးက ကိုရှင်လေး ထက် ငယ်တယ်ဆိုတာ မိသားစုကလွဲ ဘေးလူမသိနိုင်..
နှစ်ယောက်သား လက်ချင်းတွဲကာ ယှဉ်လျှောက်နေတာကို တစ်ဖက်တစ်ချက် တစ်ထောင့်တစ်နေရာကနေ မြင်လိုက်တဲ့သူက ခင်သစ္စာနဲ့ နေခြည်လင်း ။
လူမသိသူမသိ ကြိတ်အသည်းကွဲခဲ့ရတဲ့ သူတို့နှစ်ယောက် ပါးပြင်မှာ မျက်ရည်တွေ ကျရလို့..
.
" ယဉ်အေး ဒီအင်္ကျီတွေ ပေးပစ်တော့.. ဝတ်လို့မရတော့ဘူး "
" ဘာလို့ဝတ်မရတာလဲ.. "
" ကြယ်သီးတွေမရှိတော့ဘူး ပြုတ်နေတယ် "
" ယဉ်အေး ကြယ်သီးတွေ ကောက်တွေ့ထားတယ်.. ပေး တပ်ပေးမယ် "
ကြည့်.. အကြံဖန်လုပ်လည်း မရဘူး ။
အခုရက်ပိုင်းတွင်း ရှင်လေးတို့ကတ် ပိတ်ခံရသလိုဖြစ်နေတာလေ.. မဝယ်ရမသုံးရ ပါမစ်ကြီးကြောင့် ငြိမ်နေရတယ် ။
တွေ့မယ်.. ရှင်လေးတို့ ကတ်သုံးရမယ့်ရက်ရောက်တဲ့နေ့ အကုန်ကို သုံးပစ်ဦးမယ်
ယဉ်အေးက တစ်လမှာ ရှင်လေးငွေမသုံးရတဲ့ရက်ဆိုပြီး သူကိုယ်တိုင်သတ်မှတ်ထားတာလေ..ဒီကကောင် မလိုက်နာလို့လည်းမရဘူး သားတွေနဲ့ခြောက်ထားတာကို ။
တွေ့ပါမယ်..ယဉ်အေးရာ ငဲ ငဲ
You are reading the story above: TeenFic.Net