အပိုင်း(၁၁) Zawgyi

Background color
Font
Font size
Line height

"မင်းအစ်မ မေလင်းနဲ့ ရှောင်းကျန့်တွဲနေတယ်ဆိုတာ အမှန်ပဲလား...! "

"ဪ...အဲ့တာလား..."

ဘာမှမထူးဆန်းသည့်သတင်းတစ်ခုလိုပြောလာသည့် ချန်လင်းကို ဝမ်ရိပေါ်တွန်းထုတ်လိုက်သည်။

ဒါကဘာအထာတွေလဲ။ ခါတိုင်းဆိုရှောင်းကျန့်ရဲ့သတင်းတွေကိုအလိုအလျောက်နေ့တိုင်းပြောနေတဲ့ချန်လင်းကဒီလိုကိစ္စမျိုးကိုရေငုံနှုတ်ပိတ်နေခဲ့တာဘာသဘောလဲ။ပြီးတော့သေချာပြန်တွေးကြည့်ရင်အခုနောက်ပိုင်းသူ့ကိုရှောင်နေသည့်အထဲမှာချန်လင်းလည်းပါသည်။

ဝမ်ရိပေါ် လက်သီးကိုတင်းနေအောင်ဆုပ်ထားလျက်ပင်...

"သူတို့နှစ်ယောက်က တကယ်ကြိုက်နေကြတာလား..."

"အင်း ဟုတ်မယ်ထင်တယ်...ငါလည်းအရမ်းကြီးသွားမစပ်စုရဲဘူး စစချင်းတုန်းကမယုံခဲ့ပေမယ့် မနေ့တုန်းကငါ့အစ်မက Toxic ဝယ်ပေးထားတဲ့ဖုန်းအသစ်တစ်လုံးကိုယူလာတယ်ဟ...တစ်ယောက်နဲ့တစ်ယောက်တကယ်မကြိုက်ဘူးဆိုရင် couple ဖုန်းတွေဘာတွေဝယ်ပေးကြပါ့မလား...ငါကတော့သူတို့နှစ်ယောက်တကယ်ကြိုက်နေကြတာမဟုတ်ပါစေနဲ့လို့ဆုတောင်းတယ်...တကယ်လို့သာ Toxic က ငါ့ရဲ့ယောက်ဖဖြစ်လာမယ်ဆိုငါအသက်ရှူရဲမှာတောင်မဟုတ်ဘူးကွ..."

"ယောက်ဖဆိုတဲ့စကားလုံးကိုမသုံးစမ်းပါနဲ့...! "

"ငါကစကားအဖြစ်ပဲပြောတာပါ မင်းကဘာလို့ဒေါသတွေအရမ်းထွက်နေတာလဲ မဟုတ်မှလွဲရော..."

ချန်လင်းကမျက်လုံးများမှေးကျဉ်းကာ ဝမ်ရိပေါ်ကိုသူခိုးဖမ်းသည့်အကြည့်ဖြင့်ကြည့်လိုက်ပြီးနောက်...

"မင်းမဟုတ်မှလွဲရော ငါ့အစ်မကိုကြိုက်နေတာလား...သွားမလုပ်နဲ့နော်Toxic ကမျက်နှာကသာပြုံးနေတာတကယ်ကိုအရမ်းကြောက်ဖို့ကောင်းတယ်...ဟိုတစ်ခါက ငါ့ကို..."

ချန်လင်းသူ့ပါးစပ်ကိုဘရိတ်အုပ်လိုက်ကာဆက်မပြောတော့ဘဲနှုတ်ဆိတ်နေလိုက်သည်။သူ့လည်ပင်းကိုလက်နဲ့ပြန်ကိုင်ကြည့်လိုက်ပြီး၊သူ့ခေါင်းပေါ်ကအခုထက်ထိအရှင်းမပျောက်သေးသည့်ဒဏ်ရာတစ်ခုကိုလည်းလက်နဲ့ပြန်စမ်းကြည့်လိုက်​၏။

"ဘာပဲပြောပြော မင်းငါ့အစ်မကိုကြိုက်နေတယ်ဆိုလည်း လက်လျှော့လိုက်ပါတော့ Toxic နဲ့တော့ထိပ်တိုက်မတွေ့ပါနဲ့ ငါစေတနာနဲ့ပြောနေရတာပါ..."

ပြောချင်ရာစွတ်ပြောနေသည့်ချန်လင်းရှေ့ကနေဝမ်ရိပေါ်ထွက်လာသည်။သူကပဲမေလင်းကိုကြိုက်နေတယ်ဖြစ်ရဦးမယ်။ သွားသေလိုက်ပါလား။သွားသေလိုက်ကြပါလား။

အတန်းတက်ချိန်ရောက်နေပြီဖြစ်သော်လည်းဝမ်ရိပေါ်အတန်းရှိရာသို့မသွားဘဲကျောင်းဝန်းပြင်ကစီးကရက်သောက်သူများအတွက်သတ်မှတ်ပေးထားသောနေရာကိုလျှောက်သွားလိုက်သည်။

ကျောပိုးအိတ်ထဲလက်ထိုးထည့်၍ဟိုစမ်းဒီစမ်းလုပ်ကြည့်လိုက်သောအခါ စီးကရက်တစ်လိပ်ထွက်လာသည်။သူဆောင်ထားတာမဟုတ်ပေမယ့် ရှောင်းကျန့်ကတစ်လိပ်စ နှစ်လိပ်စသူ့ကျောပိုးအိတ်ထဲလာထိုးထည့်ပေးထားတတ်တာဖြစ်သည်။

ကိုယ့်ဟာကိုယ်မီးညှိပြီးသောက်ရသည့်စီးကရက်ကမီးခိုးမွှန်တာကလွဲလို့မည်သည့်စိတ်ဖြေလျော့မှုကိုမှမပေး။ရှောင်းကျန့်သောက်လက်စစီးကရက်ကိုယူသောက်ရသလိုစွဲလမ်းဖို့လည်းမကောင်းသည့်အပြင်မွန်းကြပ်မှုများကိုသာပိုတိုးစေသည်။

ဝမ်ရိပေါ်သူ့လက်ထဲကစီးကရက်ကိုပစ်ချလိုက်သည်။ ဘေးနားရှိအမှိုက်ပုံးကိုအားဖြင့်ဖြတ်ကန်၍သူ့ခြေလှမ်းတွေကစာကြည့်တိုက်ဘက်သို့ဦးတည်သွားလိုက်​၏။စာကြည့်တိုက်ထဲရောက်သည့်အခါတွေ့ရာစာအုပ်သုံးအုပ်ကိုကောက်ဆွဲကာ ကောင်တာရှိရာတွင်စာအုပ်စာရင်းများပေးဖို့ရပ်စောင့်လိုက်သည်။

ဝမ်ရိပေါ်သူ့အလှည့်ရောက်လာတော့လက်ထဲကစာအုပ်သုံးအုပ်လုံးကိုဆောင့်ပြီးပစ်ချလိုက်တာကြောင့်စာရင်းမှတ်ပေးမည့် မေလင်း ပင်လန့်သွားရသည်။

"ဒီနေ့စာအုပ်လာငှားတာအစောကြီးနော် ရိပေါ်..."

"ဘာလို့လဲ မနက်အစောကြီးစာအုပ်မငှားရဘူးလို့သတ်မှတ်ထားလို့လား..."

"မသတ်မှတ်ထားပါဘူး ဒါနဲ့သုံးအုပ်လုံးငှားမှာလား..."

"ခင်ဗျားမမြင်လို့လား..."

ရင့်သီးလွန်းလှသောဝမ်ရိပေါ်​၏အပြောအဆိုများကိုမေလင်းနားမလည်နိုင်သော်လည်းလုပ်စရာရှိတာလုပ်ပေးလိုက်​၏။ အေးဆေးတည်ငြိမ်နိုင်လွန်းသောမေလင်းကိုကြည့်ပြီးဝမ်ရိပေါ်ဒေါသများတလိပ်လိပ်ဖြစ်ပေါ်လာရသည်။

အရင်ကထက်ပိုပြီးအလှပြင်ထားရုံသာမကအပြုအမူတွေကရင့်ကျက်သည့်အသွင်လည်းဆောင်နေ​၏။ရှောင်းကျန့်ကဒါတွေကိုကြည့်ပြီးကြိုက်သွားရောလား။အရင်ကလိုရှောင်းကျန့်အကြောင်းတတွတ်တွတ်မမေးတော့တာကရော။ မေးစရာမလိုတော့အောင်ရှောင်းကျန့်အကြောင်းတွေသိနေပြီဆိုတဲ့သဘောမျိုးလား။

မေလင်းမချောဘူးလားဆိုရင်တော့မကွယ်ဝှက်တိုင်းပြောရရင် တော်တော်ကိုချောသည့်အထဲမှာပါသည်။ ဒါပေမယ့်လည်းဘယ်လိုမှသူဆက်စပ်လို့မရတာတစ်ခုက ရှောင်းကျန့် ကမေလင်းကိုဘယ်တုန်းကစိတ်ဝင်စားသွားတာလဲ။ စာကြည့်တိုက်ကိုတောင်သူခေါ်လာမှရောက်ဖူးတဲ့ရှောင်းကျန့်ကမေလင်းဆိုတာလည်းသူပြမှသိခဲ့ဖူးတာကို။အဲ့တုန်းကလည်းစိတ်ဝင်စားတဲ့ပုံတစ်ချက်မှမပြခဲ့ဘဲနဲ့။

"ရပြီရော့ ရိပေါ်..."

မေလင်းကမ်းပေးလာသည့်စာအုပ်သုံးအုပ်ပေါ်တွင်ဝမ်ရိပေါ်​၏အာရုံများမရှိ။ကောင်တာပေါ်တင်ထားသည့်မေလင်း​၏ဖုန်းမျက်နှာပြင်ပေါ်မှခေါ်ဆိုသူ​၏နာမည်ပေါ်ကိုသာအာရုံရောက်နေတာဖြစ်သည်။

"ရိပေါ် ရပြီလေ စာရင်းမှတ်ပြီးပြီ..."

"ဖြေလိုက်..."

"ဟင်..."

"ခင်ဗျားရဲ့ဖုန်းကိုဖြေလိုက်...စပီကာ ဖွင့်ထား..."

ဝမ်ရိပေါ်ပြောမှဖုန်းဝင်နေမှန်းမေလင်းသတိထားမိသည်။ ဖုန်းကိုချက်ချင်းဖြေလိုက်ပေမယ့် စပီကာတော့ဖွင့်လိုက်ခြင်းမရှိ။

"ဟယ်လို ကို..."

မေလင်း​၏ပါးစပ်မှထွက်လာသောနာမ်စားကြောင့်ဝမ်ရိပေါ်​၏လည်ပင်းကြောများထင်းကနဲဖြစ်သွားသည်။လက်ဆစ်များကိုကျိုးလုမတတ်ဆုပ်ထားပြီးဒေါသကြောင့်မိုက်ကနဲဖြစ်သွားသည့်ခန္ဓာကိုယ်ကိုမယိုင်သွားအောင်အသက်ကိုပုံမှန်ရှူသွင်းလို့နေသည်။

"ကို့ ဖုန်းကို ချက်ချင်းမကိုင်တာမဟုတ်ပါဘူး...ဒီတိုင်းပဲအလုပ်လေးနည်းနည်းရှုပ်နေလို့ပါ..."

"မေ ဘယ်သူနဲ့မှစကားပြောနေတာမဟုတ်ပါဘူး...ကိုကလွဲလို့ မေ့မှာဘယ်သူရှိလို့လဲ...ကလေးလည်းမဟုတ်ဘူးကွယ် စိတ်မကောက်ပါနဲ့ နောက်ဆိုဖုန်းချက်ချင်းကိုင်ပါ့မယ်..."

"ညကျရင်လား ကြိုက်တဲ့အချိန်လာခဲ့လေ ကို..."

"ဖုန်းဒီကိုပေး..."

မေလင်း​၏လက်ထဲကဖုန်းကိုဝမ်ရိပေါ်လုယူလိုက်သည်။တဒိတ်ဒိတ်ဖြစ်နေသည့်နားထင်နှစ်ဖက်ကိုလက်ချောင်းများဖြင့်ဖိကိုင်လိုက်၍တစ်ဖက်ကိုအသံကုန်ဟစ်အော်လိုက်သည်။

"ခင်ဗျားဘာတွေလျှောက်လုပ်နေတာလဲ ရှောင်းကျန့်...! လူလိုသူလိုငြင်းလည်းနားလည်နိုင်တာမလို့ပေါက်ကရတွေလျှောက်လုပ်မနေနဲ့..."

"တူ...တူ...တူ..."

"ရှောင်းကျန့်..."

"ရှောင်းကျန့်...! "

တိကနဲကျသွားသည့်ဖုန်းကြောင့် လက်ထဲကမေလင်း​၏ဖုန်းကိုဝမ်ရိပေါ်စူးရဲနေအောင်စိုက်ကြည့်လိုက်သည်။ ပြောင်းထားသည့်ရှောင်းကျန့်​၏ဖုန်းနံပါတ်အသစ်ကိုအရယူလိုက်ပြီးနောက် ဖုန်းက်ိုမေလင်းဆီသို့ပြန်မပေးဘဲကြမ်းပြင်ဆီသို့သာတိုက်ရိုက်ပစ်ပေါက်လိုက်​၏။ရှိသမျှဒေါသတွေ​၏ဓားစာခံဖြစ်သွားသည့်ဖုန်းကမျက်နှာပြင်တစ်ခုလုံးရစရာမရှိအောင်စုတ်ပြတ်သတ်ကုန်​သည်။

တစ်ဖန်သူ့ဖုန်းဖြင့် ရှောင်းကျန့်​၏ဖုန်းနံပါတ်အသစ်ကိုခေါ်လိုက်သည်။ ဖုန်းဝင်သွားသော်လည်း တစ်ဖက်ကဖုန်းလုံးဝမကိုင်သည့်အပြင်စက်ကိုပါပိတ်ချလိုက်တာကြောင့် ဝမ်ရိပေါ် မရမက voice massage များပို့လိုက်သည်။

"သတ္တိရှိရင် ကျွန်တော့်မျက်နှာတည့်တည့်ကိုလာကြည့်ပြီးငြင်း ရှောင်းကျန့်..."

ဝမ်ရိပေါ်ဖုန်းချလိုက်ပြီးနောက် ကြမ်းပြင်က ဖုန်းအကွဲကိုပြန်ကောက်နေသည့်မေလင်းကိုကြည့်လိုက်သည်။မေလင်းကနှမြောတသဖြစ်နေသည့်ပုံပေါက်ပေမယ့် ဒေါသထွက်နေကြောင်းမပြသလိုဝမ်ရိပေါ်ကိုပြန် လျော်ပေးဖို့လည်းမပြော။စာကြည့်တိုက်အပြင်ကိုထွက်တော့မည့်ဝမ်ရိပေါ်က မေလင်းဆီပြန်လျှောက်လာ၍ရန်စကားတစ်ခွန်းထပ်ပြောသည်။

"ဖုန်းခွဲလိုက်တာ မကျေနပ်ရင် ရှောင်းကျန့်ကိုပြန်ပြောလိုက်လို့ရတယ်...ရှောင်းကျန့်ကမကျေနပ်လို့ ကျွန်တော့်ကိုရန်ရှာချင်ရင် ဒီနေ့ညနေ ၆ နာရီတိတိမှာ ကျောင်းကဘောလုံးကွင်းမှာလာတွေ့ပါလို့...မကျေနပ်တာတွေမှန်သမျှ မျက်နှာချင်းဆိုင်ပြီး တည့်ရှင်းနိုင်တာမလို့ သတ္တိရှိရင်လာခဲ့လို့..."
_____________ _____________

ညနေ ၆ နာရီပင်မရောက်သေး ဘောလုံးကွင်းထဲသို့ ဝမ်ရိပေါ်ကြိုရောက်နေသည်။ကျောင်းချိန်ပြီးပြီးချင်းအဆောင်သို့ပြန်ရသေးခြင်းမရှိသလို ဘောလုံးကွင်းရှိရာသို့သာတန်းလာခဲ့ခြင်းဖြစ်သည်။

ဘောလုံးလေ့ကျင့်သူများရှိသေးသော်လည်းမှောင်လာသည့်အခါ အလျှိုလျှိုပြန်လို့သွားကြတာကြောင့်ည ဆလိုက်မီးများထိန်ညီးလာသည့်အခါတွင်တော့ဘောလုံးကွင်းထဲသူကလွဲ၍ဘယ်သူမှမရှိတော့။ဖုန်းကနာရီကိုကြည့်လိုက်တော့ဖော်ပြနေသည်ကည ၇ နာရီခွဲ။အချိန်တွေကုန်ဆုံးလာရင်း...

ည ၈ နာရီ။

ည ၉ နာရီ။

ည ၁၀ နာရီ ရောက်သည်အထိတိုင်စောင့်မျှော်နေသည့်သူကမပေါ်လာသည့်အခါ ဝမ်ရိပေါ်သူ့ကျောပိုးအိတ်ကိုမြေကြီးပေါ်တွင်ပစ်ချလိုက်ပြီးသူ​၏စိတ်ကိုခြေလှမ်းများနှင့်အတူချည်နှောင်၍ ဘောလုံးကွင်းတစ် လျှောက် စတင်ပြေးနှင်လိုက်​၏။

မွန်းကြပ်နေသည့်စိတ်များအတွက် ရင်ဘတ်ကိုအရှိန်ဖြင့်လာရိုက်ခတ်သည့်လေအေးများကတဒင်္ဂထွက်ပေါက်တစ်ခု။

ပြေးလေ့မရှိတာကြောင့်ဘောလုံးကွင်းကိုသုံးခေါက်ဆက်တိုက်ပတ်ပြေးပြီးသည့်အခါ အပူတွေတရှိန်းရှိန်းထွက်နေသည့်ခြေထောက်တွေက ရင်ထဲပူလောင်နေမှုအတွက်အာရုံလွှဲစရာတစ်ခု။

"သတ္တိမရှိဘူးလား ရှောင်းကျန့်..."

"သတ္တိမရှိလို့ လာမတွေ့ရဲတာလား..."

"ဆိုးလွန်းတယ် ရှောင်းကျန့်..."

"ရှောင်းကျန့်အရမ်းဆိုးတယ်..."

မြက်ခင်းပြင်ပေါ်ကျောခင်းထားပြီးမောဟိုက်နေသည့်အသံဖြင့်ဝမ်ရိပေါ်အော်ပြောနေရင်းတဖြည်းဖြည်းအသံများတိုးညင်းလာကာ မျက်လုံးများကိုလက်ဖျံဖြင့်အမြန်အုပ်လိုက်သည်။လက်ဖျံဖြင့်ဖုံးအုပ်ထားသော်လည်းစီးကျလာသည့်မျက်ရည်များကိုတားဆီးနိုင်စွမ်းမရှိသည့်အခါရှိုက်သံများလည်းထွက်ပေါ်လာ​၏။

"ရှောင်းကျန့်ဆိုးမှန်းသိရက်နဲ့ရူးအောင်သဘောကျနေမိတဲ့ကျွန်တော်ကပိုဆိုးနေတာမလား..."


You are reading the story above: TeenFic.Net

#random