အပိုင်း(၁) Zawgyi

Background color
Font
Font size
Line height

အထက်တန်းအောင်လို့ အသက် ၁၈ နှစ်ပြည့်ပြီးသည့် ဝမ်ရိပေါ်က Luggage တစ်လုံးကို ကိုင်ဆွဲကာအငှားကားပေါ်မှ ဆင်းလာသည်။

နိုင်ငံတစ်ဝန်းဟိုတယ်လုပ်ငန်းအများအပြားပိုင်ဆိုင်သည့် ဝမ်လုပ်ငန်းစု​၏တစ်ဦးတည်းသောသားက အငှားကားစီး၍တက္ကသိုလ်တက်လျှင်နေရမည့် ကျောင်းသားဆောင်သို့တစ်ယောက်တည်းရောက်ရှိလာသည်မှာမေးခွန်းထုတ်စရာများရှိ​၏။

ရွှေပုံပေါ်မှာ ရွှေဇွန်းကိုက်ပြီးမွေးလာသည့် ဝမ်ရိပေါ်က မူကြိုအရွယ် ငယ်စဉ်ကတည်းမှစ၍ တက်ရောက်ခဲ့သမျှမူလတန်း၊အလယ်တန်း၊အထက်တန်းစသည့်အချိန်ကာလများ၌ အထူးအခွင့်ရေးပေးခံရမှုများ၊အတန်းဖော်များ​၏အာရုံစိုက်မှုများကို အမြဲလိုလိုကြုံတွေ့ခဲ့ရတာကြောင့် သူ​၏တက္ကသိုလ်ကျောင်းသားဘဝကိုတော့ သာမန်ကျောင်းသားတစ်ဦးကဲ့သို့ပဲဖြတ်သန်းချင်တာဖြစ်သည်။

မီဒီယာတို့ထဲပါဝင်သည်အထိ ပေါ်ပေါ်ထင်ထင်မနေခဲ့သော်လည်း ငယ်စဉ်ကမိဘများကိုယ်တိုင်ကျောင်းလိုက်အပ်ပေးကြသည့်အခါ နောက်ခံအသိုင်းအဝိုင်းကိုဆရာ၊ဆရာမများ အတန်းဖော်များကသိရှိခဲ့ကြခြင်းဖြစ်​၏။

ထို့ကြောင့် ယခုတွင်တော့ သူ့မိဘများ​၏ခွင့်ပြုချက်ဖြင့်သူတက်ရောက်မည့်စီးပွားရေးမေဂျာအတွက်တက္ကသိုလ်ကို ကိုယ်တိုင်ရွေးချယ်ခြင်းမှအစ၊ ကျောင်းအပ်ခြင်းနှင့် ကျောင်းတက်စဉ်နေထိုင်ဖို့ကျောင်းသားအဆောင်စသည်တို့ကိုသူ့ဟာသူစီစဉ်ဆောင်ရွက်ခဲ့ခြင်းဖြစ်သည်။

ဝမ်ရိပေါ်အနေနဲ့ တစ်ကိုယ်တော် ကိုယ့်ခြေထောက် ပေါ်ကိုယ်ရပ်တည်ခြင်းမျိုးတော့မဟုတ်။တက္ကသိုလ်အသုံးစရိတ်အတွက်အိမ်​၏အထောက်အပံ့ကိုယူရဆဲပဲဖြစ်ပြီး ဒီတိုင်းပင်ကြွယ်ဝသည့်လူတစ်ဦးလို ပေါ်ပေါ်ထင်ထင်နေခြင်း၊ ကားအကောင်းစားများဖြင့်ကျောင်းတက်ကျောင်းဆင်းခြင်းများမပြုလုပ်ချင်ရုံသာဖြစ်​၏။

အကယ်၍ဝမ်ရိပေါ်သာ အနှိမ်ခံဘဝ၊ ချို့တဲ့သည့်ဘဝကိုဖြတ်သန်းခဲ့ရသူတစ်ဦးဖြစ်မည်ဆိုလျှင်သူ​၏အတွေးအမြင်များသည်လည်းတစ်မျိုးပြောင်းလဲချင်ပြောင်းလဲမည်ဖြစ်သည်။

မျှတမှုမရှိသည့် လူ့ဘဝအချိုးအစားတို့ကြောင့် သာမန်လူများကဲ့သို့ပြုမူနေထိုင်ချင်သည့် Rich Kid များလည်းရှိသလို၊ Rich Kid များကိုအားကျပြီးလူအများ​၏အာရုံစိုက်ခြင်းများ၊ ကြွယ်ဝခြင်းများကိုရယူလိုသည့်သာမန်လူတန်းစားများကလည်းရှိတာဖြစ်​၏။

သို့သော် ဝမ်ရိပေါ်အနေနဲ့တခြားသော Rich Kid များနှင့်မတူညီသည့်အချက်တစ်ခုမှာ မိမိကိုယ်ကိုမိမိထိန်းကျောင်းနိုင်သည့် Self discipline တစ်ခုတော့ရှိတာဖြစ်​၏။ ရည်မှန်းချက်တစ်ခုသတ်သတ်မှတ်မှတ်ရှိပြီးမည်သည့်အသက်အရွယ်ရောက်လျှင်ဝမ်လုပ်ငန်းစုကိုလွှဲပြောင်းဦးစီးမည်ဆိုတာကို ငယ်စဉ်ကတည်းက စနစ်တကျအစီအစဉ်ဆွဲထားခြင်းဖြစ်သည်။

ထို့အပြင် လူဘောင်အဖွဲ့အစည်းမှာသတ်မှတ်ထားသည့်အခြေခံစံနှုန်းတစ်ခုနှင့်ကိုက်ညီစွာတစ်နှစ်တစ်တန်းပုံမှန်အောင်လာသည့် ဝမ်ရိပေါ်ကိုလူတော်တစ်ဦးအဖြစ်သတ်မှတ်၍ရသည်။ လက်ရှိအသက် ၁၈နှစ်အထိကျောင်းသားဘဝတစ်လျှောက်လုံးနာမည်ဆိုးမရှိခဲ့သည် ဖြစ်၍လူလိမ္မာတစ်ဦးအဖြစ်လည်းသတ်မှတ်နိုင်သေးတာဖြစ်သည်။

ဝမ်ရိပေါ် က သူရောက်နေပြီဖြစ်သည့်ကျောင်းသားဆောင်ရှေ့တွင်မတ်တပ်ရပ်လိုက်ပြီး အဆောင်ကြီးကိုခြုံငုံ၍ကြည့်လိုက်သည်။ ဝန်းအကျယ်ကြီးထဲမှာခန့်ခန့်ထည်ထည်ရှိနေသည့် လေးထပ်ဆောင်ကြီးမှာထုထည်ကြီးမားလှသည်။

အိမ်မဟုတ်သည့်တခြားနေရာတစ်ခုမှာ ပထမဦးဆုံးနေထိုင်ရမည်ဖြစ်သော်လည်း အရမ်းအခြေအနေမဆိုးလောက်ဘူးဟု ဝမ်ရိပေါ် သူ့စိတ်သူအားပေးလိုက်ကာ လက်ကောက်ဝတ် ပေါ်ကနာရီကိုငုံ့ကြည့်ရင်း အဆောင်မှူးနဲ့တွေ့ရမည့်အချိန်ကိုတွက်လိုက်သည်။

လက်ပတ်ကြိုးတစ်ခုလုံးကိုပလက်တီနမ်အစစ်ဖြင့်ဆင်ထားပြီးမြကျောက်ဖြင့်ပြုလုပ်ထားသည့်အစိမ်းရောင်တောက်တောက်နာရီဒိုင်ခွက်ပေါ်မှာ ရွှေရောင်နာရီလက်တံများက စိန်မှုန်များဖြင့်စီခြယ်ထားသည့်ရောမအက္ခရာ နံပါတ် ငါးကိုညွှန်ပြနေသည်။

ဝမ်ရိပေါ်အနေနဲ့ အခြားသောတန်ဖိုးကြီးအရာများကိုယူဆောင်လာခြင်းမရှိသော်လည်း သူအနှစ်သက်ဆုံးဖြစ်သည့် Customized နာရီတစ်လုံးနှင့် တက္ကသိုလ်ရောက်အထိမ်းအမှတ်အဖြစ်သူ့မိခင်ဖြစ်သူပေးထားသည့် ရွှေကနုတ်အစစ်များဖြင့်စီခြယ်ထားသောဘောပင်တစ်တစ်ချောင်းကိုတော့ ယူဆောင်လာခဲ့တာဖြစ်​၏။

"အဆောင်ဝန်းထဲအရင်လိုက်ပြမယ်..."

အဆောင်မှူးခေါ်ဆောင်ပြသရာနောက်ကိုဝမ်ရိပေါ်တိတ်ဆိတ်ငြိမ်သက်စွာလိုက်ပါလို့သွားသည်။ယောကျာ်းလေးသီးသန့်ဆောင်ဖြစ်တာကြောင့် ဝန်းထဲ၌ယောကျာ်းလေးများနှင့်ပတ်သက်သော Facility များအပြည့်အစုံရှိတာကိုမြင်ရ​၏။

ရေကူးကန်ရှိသည်။ဘောလုံးကွင်းတစ်ခုနှင့် ဘတ်စကတ်ဘောကွင်းတစ်ခုရှိပြီး Gym အသေးစားလေးရှိသည်။ ကော်ဖီ၊အအေး၊မုန့်များ ထုတ်သည့်စက်များလည်းအတော်အသင့်ရှိတာကြောင့် သိပ်မဆိုးလှဟု ဝမ်ရိပေါ် တွေးလိုက်သည်။

"ပထမဦးဆုံးနေ့ဖြစ်တော့ အကြမ်းဖျင်းသဘောပဲကြည့်လိုက်ပါ နောက်မှနေရင်း ကျင့်သားရသွားမှာပါ...အဲ့တာဆိုနေရမယ့် အခန်းပြောမယ်...ဒါနဲ့ဒီနှစ်ကအဆောင်ယူတဲ့ကျောင်းသားတွေအရမ်းများလို့အခန်းလွတ်တွေဆိုတာထက်လွတ်နေတဲ့အခန်းတွေကိုပဲလိုက်ဖြည့်ရတာ..."

"ပြီးတော့အင်္ဂလိပ်အက္ခရာအတိုင်းနာမည်တွေစီပြီးအခန်းတွဲရတာဆိုတော့လေ W နဲ့ X ဆိုတဲ့စာလုံးကတွဲလျက်ဖြစ်နေတယ်ဆိုတာလေးလည်း နားလည်ပေးစေချင်တယ်...တကယ်လို့ပေါ့အဲ့အခန်းမှာလုံးဝနေလို့မဖြစ်တော့ဘူးဆိုရင်လာပြောပါ မဖြစ်မနေတစ်ခုခုစီစဉ်ပေးပါ့မယ်..."

အဆောင်မှူးကမ်းပေးလာသည့်အခန်းသော့ကဒ်ကိုဝမ်ရိပေါ်ယူလိုက်ပြီး အခန်းနံပါတ်နဲ့တည်နေရာကိုစိတ်ထဲကနေမှတ်လိုက်သည်။

အဆောင်အပေါ်ဆုံးထပ် လေးလွှာမြောက်ရဲ့လှေကားနဲ့အနီးဆုံးအခန်း။ အခန်းနံပါတ် ၁၃ ။

အဆောင်အတွင်းဓာတ်လှေကားမရှိတာကြောင့် Luggage ကိုအပေါ်ဆုံးထပ်ထိဆွဲလာရသည့်ဝမ်ရိပေါ် က သူနေထိုင်ရမည့်အခန်းနံပါတ် ၁၃ ရှေ့တွင်မတ် တပ်ရပ်ပြီးခေတ္တမျှအမောဖြေလိုက်သည်။အမောပြေသွားသည်နှင့် လက်ထဲကသော့ကဒ်ဖြင့်တံခါးဖွင့်ဖို့လုပ်လိုက်ပြီးမှ လူမှုရေးအရ တံခါးအရင်ခေါက်ကြည့် ဖို့လုပ်လိုက်သည်။

"ဒေါက်...ဒေါက်..."

အထဲမှတုံ့ပြန်မှုကိုဝမ်ရိပေါ်စောင့်ဆိုင်းနေ​၏။

"ဒေါက်...ဒေါက်..."

"ဒေါက်...ဒေါက်..."

တုံ့ပြန်မှုတစ်စုံတစ်ရာမှမရှိသည့်အခါ ဝမ်ရိပေါ်စိတ်ပိုင်းဖြတ်လိုက်ပြီး အခန်းသော့ကဒ်ကို ဒီဂျစ်တယ်တံခါးလော့ခ်တွင်ကပ်လိုက်​၏။ "တီ တီ" ဆိုသည့်အသံနှစ် ချက်အဆုံးမှာ လော့ခ်ပွင့်လို့သွားသည့်တံခါးကိုဝမ်ရိပေါ်တွန်းဖွင့်လိုက်သည်။

အခန်းထဲရောက်လာပြီဖြစ်သည့် ဝမ်ရိပေါ်ကရှေ့သို့ဆက်မသွားနိုင်သေးဘဲ ခြေထောက်ကိုစုံရပ်၍သူ့အရှေ့တည့်တည့်ကိုကြည့်လိုက်သည်။လေးယောက်အခန်းတစ်ခု​၏ဖွဲ့စည်းပုံအရ အခန်းနံရံတစ်ဖက်တစ်ချက်စီတွင်ကပ်၍နေရာချထားသည့် နှစ်ထပ်ကုတင်နှစ်ခုရှိသည်။အလယ်တွင်တော့ပြတင်းပေါက်တစ်ခုရှိပြီးပြတင်းပေါက်ရှေ့တွင်စာကြည့်စားပွဲတစ်ခုရှိသည်။

ထိုစာကြည့်စားပွဲက အခန်းအဝင်တံခါးပေါက်နှင့်လည်း တန်းနေတာဖြစ်ပြီးထိုစာကြည့်စားပွဲပေါ်တွင် ကျောင်းစာအုပ်နှင့်တူသည့်အရာများတစ်ခုမှမရှိဘဲရှင်းလင်းလွန်းနေပြီး ပြာတွေနဲ့ပြည့်နေသည့် ကြွေခွက် အပြားလေးတစ်ခုရှိသည်။ ထို့အပြင်လူတစ်ယောက်လည်းရှိနေ​၏။

အနက်ရောင်စွပ်ကျယ်လက်ပြတ်နဲ့ ရိုးရိုးရှင်းရှင်းဂျင်းဘောင်းဘီကိုတွဲဖက်ဝတ်ဆင်ထားသည့်လူကပြတင်းပေါက်ဘက်ကိုကျောမှီပြီး သူရှိရာဘက်ကို မျက်နှာမူ ၍ထိုင်နေတာဖြစ်သည်။

ဦးခေါင်းထက်၌ မီးခိုးရောင်ဆံပင်ဖွာလန်ကြဲတို့ကနေရာယူထားပြီး ဘယ်ဘက်နားရွက်တစ်လျှောက် နားပေါက်ရာများနှင့်နားကပ်များက နေရာအပြည့်ယူ​သည်။

မျက်ဝန်းအိမ်ကျယ်ကျယ်၊နှာတံဆင်းဆင်း ၊နှုတ်ခမ်းပါပါး၊ မေးဖျားချွန်ချွန်တို့ဖြင့်ဖွဲ့စည်းထားသည့်မျက်နှာသွယ်သွယ်အနေအထားက အခုခေတ်လူငယ် တွေကြားခေတ်စားနေသည့် ဂျပန်ကာတွန်းဇာတ်ကောင်တစ်ခုခုနှင့်ပင်ပုံမှားနိုင်ဖွယ်ရှိသည်။ထိုင်နေသည့်စားပွဲပေါ်ကနေတွဲလောင်းချထားသည့် ခြေတံများကိုကြည့်ခြင်းအားဖြင့် တော်တော်အရပ်ရှည်မည်ဟုလည်းမှန်းဆ၍ရသေး​၏။

အရှေ့ကလူ​၏ ပုံပန်းသဏ္ဌာန်ကိုဝမ်ရိပေါ်အကဲခတ်နေရင်း ကျောရိုးတစ်လျှောက်ဖြည်းဖြည်းချင်းတောင့်တင်းလာသလိုခံစားနေရသည်။သူစဝင်လာတကည်းကစကားတစ်ခွန်းမှမပြောသေးဘဲ လက်ထဲကမီးခြစ်ကိုစားပွဲမျက်နှာပြင်နဲ့တတောက်တောက်ခေါက်ရင်း ဒီတိုင်းကြီးသာစိုက်ကြည့်နေသည့် လူ​၏အပြုအမူကြောင့် ကျောကိုပို၍ဖြောင့်မတ်လိုက်သည်။

အခုမှတွေ့ဖူးသည့်သူစိမ်းတစ်ဦး​၏အသားလွတ်ကြီးစိုက်ကြည့်ခြင်းခံနေရမှုတွင်မည်သူမဆိုသူ့လိုခံစားရမည်ဖြစ်​၏။လူမှုရေးအရ သူ့ဘက်ကစ၍ နှုတ်ဆက်စကားဆိုချင်ပေမယ့် ခုနက အပြင်ကနေတံခါးခေါက်တာတောင်ပြန်မတုံ့ပြန်ခဲ့သည့်လူကြောင့် သူ့ဘက် ကလည်း နှုတ်ဆက်စကားစပြောဖို့ ဝန်လေးနေမိသည်။

"ပထမနှစ်လား..."

မေးခွန်းတစ်ခုနှင့်အတူမီးခြစ်ကိုဘောင်းဘီအိတ်ကပ်ထဲထိုးထည့်ရင်း စားပွဲပေါ်မှဆင်းလာသည့်လူက သူ့အရှေ့တွင်မတ်တပ်လာရပ်သည်။ ခုနကထက်ပို၍နီးကပ်လို့သွားသည့်မျက်နှာချင်းဆိုင်အနေအထားမှာ သူ့အရှေ့ကလူ မည်မျှအရပ်ရှည်ကြောင်းသိလိုက်ရသည်။ သူ့လောက်ကိုယ်လုံးကိုယ်ထည်မရှိသော်လည်းသူ့ထက်အရပ်နှစ်လက်မလောက်ပိုရှည်လို့နေ​၏။

ရုပ်ရည်ကြောင့်မဟုတ်ဘဲ အရွယ်ရောက်ပြီးသားလူတစ်ယောက်​၏အရပ်အမောင်းမျိုးရှိသည့်ထိုလူကအသက်အနည်းငယ်ပိုကြီးပုံရသည့် အခါလေးစားသမှုနဲ့သူခေါင်းညိတ်ပြလိုက်ပြီး...

"ဟုတ်ကဲ့ စီးပွားရေးမေဂျာ ပထမနှစ်ပါ အစ်ကို..."

"ရှောင်းကျန့်..."

"ဟင်..."

"ရှောင်းကျန့်လို့ခေါ် ငါလည်း မင်းနဲ့မေဂျာတူအတန်းတူပဲ..."

အစ်ကိုလို့ခေါ်လိုက်တာကို စိတ်ဆိုးသွားခြင်းမရှိဘဲနာမည်မိတ်ဆက်လာပြီး သူ့ကိုပြုံးပြလာသည့်ရှောင်းကျန့် ဆိုသူက ဖော်ရွေပုံရသည်။

"ကြိုက်တဲ့ကုတင်ရဲ့အပေါ်ထပ်မှာနေလို့ရတယ်..."

"ဘယ်ဘက် ကုတင်လား ညာဘက်ကုတင်လား..."

"ကြိုက်တဲ့ဘက်မှာနေ..."

လေးယောက်အခန်းဖြစ်တာကြောင့်ဝမ်ရိပေါ် စိတ်ထဲမရှင်းစွာဖြင့်...

"တခြားလူတွေကရော..."

"မရှိဘူး ဒီတစ်ခန်းလုံးမှာ ငါတစ်ယောက်တည်းနေတာ..."

"ကျွန်တော်က ကုတင်အပေါ်ထပ်မှာ မအိပ်တတ်လို့ အောက်ထပ်ကို ယူလို့ရလား...ရှောင်းကျန့်မအိပ်တဲ့ဘက်ကို ကျွန်တော်ယူချင်တယ်..."

သူပြောတော့ ရှောင်းကျန့်က မီးခိုးရောင်ဆံပင်များကို ပို၍ပွသွားအောင်ထိုးဖွလိုက်သည်။ ကုတင်နှစ်ခုကိုလည်းတစ်လှည့်စီကြည့်လို့နေပြီး...

"အောက်ထပ်မှာအိပ်ချင်လည်းယူလေ ရတယ်..."

"ရှောင်းကျန့်က ဘယ်ဘက်အခြမ်းမှာအိပ်တာလဲ..."

"ပုံမှန်အားဖြင့်ညာဘက်ကုတင်မှာအိပ်တယ်...မူးလာတဲ့နေ့ကျရင်တော့ဘယ်ကိုယိုင်သွားလဲကြည့်တယ် ဘယ်ဘက်ကိုယိုင်ရင် ဘယ်ဘက်ကုတင်မှာအိပ်တယ် ညာဘက်ကိုယိုင်ရင်တော့ညာဘက်ကုတင်မှာအိပ်တယ် တစ်ခါတစ်လေကျရင်တော့ဘယ်ကုတင်ပေါ်မှမရောက်ဘူး...ကြိုက်တဲ့ဘက်ကိုယူပါ သက်တောင့်သက်သာအေးဆေးသာနေ..."

ကုတင်အောက်ရောက်နေသည့် စီးကရက်ဘူးတစ်ခုကို ကောက်ယူပြီးဘောင်းဘီအိတ်ထဲထိုးထည့်ကာ အခန်းပြင်ထွက်သွားသည့် ရှောင်းကျန့်ကို ဝမ်ရိပေါ်မျက်စိတစ်ဆုံးကြည့်လိုက်သည်။ ရှောင်းကျန့်ပြောသွားသည့်စကားများကိုလည်း သေချာနားလည်ဖို့ကြိုးစားနေမိတာဖြစ်​၏။

အခုထက်ထိလက်ထဲကနေမလွှတ်ရသေးသည့် Luggage ကို ဘယ်ဘက်အခြမ်းကကုတင်အနီးသို့ဝမ်ရိပေါ်ဆွဲယူလာပြီး Luggage ကိုဖွင့်ကာအထဲမှအိပ်ရာခင်းအသစ်၊ခေါင်းအုံးစွပ်အသစ်နှင့်စောင်တစ်ထည်ကိုထုတ်ယူလိုက်သည်။ အဆောင်တွေကအသစ်ထုတ်ပေးမှန်းသိသော်လည်း သုံးနေကျတံဆိပ်မဟုတ်ရင်အိပ်ဖို့အခက်အခဲရှိမည်စိုး၍ သူ့ဟာသူသာယူလာခဲ့ခြင်းဖြစ်သည်။

အိပ်ရာခင်းများအားလုံး အသစ်လဲလှယ်ကာပစ္စည်းများကိုနေရာချပြီးသွားသည့် ဝမ်ရိပေါ်က သူတို့အခန်းထဲမှာတွဲလျက်ပါပြီးသားဖြစ်သည့် ရေချိုးခန်းထဲသို့ဝင်သွားလိုက်ကာ ရေမိုးချိုးလိုက်ပြီးနောက်အဆောင်ပြင်ထွက်လိုက်သည်။ အဆောင်အနီးအနားမှာရှိသည့် ပတ်ဝန်းကျင်ကို အချိန်အတော်ကြာ စူးစမ်းလှည့်လည်ကြည့်ရှုကာ ညနေစာပါတစ်ခါတည်း စားပြီးပြန်လာခဲ့သည်။

လက်ထဲ၌လည်း အဆောင်ရှိအအေးစက်များ၌မရနိုင်သည့်အအေးဘူးတချို့ကိုဆွဲလာကာ အခန်းထောင့်မှာရှိနေသည့် ရေခဲသေတ္တာအသေးလေးထဲသို့ထည့်ဖို့လုပ်လိုက်သည်။ကြပ်နေသည့်ရေခဲသေတ္တာတံခါးကြောင့် အားသုံး၍ဆွဲဖွင့်လိုက်ပြီးနောက် တံခါးပွင့်သွားသည့်အခါ ဝမ်ရိပေါ်​၏မျက်ဝန်းအိမ်များပုံမှန်ထက်ကျယ်လို့သွား​သည်။

သူ့အအေးဘူးတွေထားဖို့မပြောနဲ့၊ ရိုးရိုးရေတစ်ဘူးအတွက်တောင်နေရာလွတ်မရှိသည့် ရေခဲသေတ္တာ​အတွင်းမှ ဝေါကနဲထွက်ကျလာသည်များက ရေတွက်မရနိုင်သော ဘီယာဘူးများပင်ဖြစ်​၏။


You are reading the story above: TeenFic.Net

#random