Lengends of spring goddness
အပိုင်း(98) သူမနှင့်နွေနှောင်းနတ်ဘုရား
သလွန်ပေါ်မှာ သူမကအိပ်စက်လျှက်ရှိဆဲ
မနက်နေထွက်လာပြီဆိုပေမဲ့ သူမက အိပ်ရာထဲက မထလာသေးဘူး
အကြောင်းအရင်းကတော့ သူမရဲ့ဧည့်သည်တွေရဲ့စာရင်းတွေထဲမှာ နွေနှောင်းနတ်ဘုရားလဲပါလာလို့ပါပဲ
"ဘာလိုချင်တာလဲ"
သူမရဲ့ဟန်က အေးစက်စက်
တကယ်က သူမဟာ သူမရဲ့ဘဝဇတ်ကြောင်းတွေအလုံးစုံကိုသိပြီးပြီ မှတ်ဉာဏ်တွေလဲပြန်ရပြီးပြီ
ဝိဉာဉ်သုံးခုဟာပြီးပြည့်စုံစွာပေါင်းစပ်ပြီးသွားပြီ
တခုပဲကွာခြားသွားတာက သူမဟာ ခံစားချက်မရှိ အေးစက်စက်မဟုတ်တေ့ာပဲ သုံးဘဝဖြတ်သန်းလာပြီးနောက်မှာသိပ်ကိုရင့်ကျက်သွားတာပါပဲ
သူမကိုလိုချင်တဲ့သူတွေကို ဂရုစိုက်ပေးမယ်
သူမကို မုန်းတဲ့သူတွေကလဲ မှန်အတိုင်းပဲတူညီမူ့ပြန်ရမယ်
သူတို့ကိုဂရုပြန်စိုက်ပေးဖို့ရာပျင်းလွန်းလှတယ်လေ
အခု သူမက နတ်ဒေဝါအဆင့်ပဲပြန်ရောက်သေးပေမဲ့ နတ်ဘုရားအဆင့်ကိုရောက်ဖို့တဆင့်ပဲလိုတာ
ဒီအခြေအနေအထိရောက်ဖို့ သူမအောက်ခြေကနေတက်လာရတယ်
အရင်ကလိုနတ်ဘုရားမအဖြစ်
ဘွားခနဲမွေးဖွားလာတာမျိုးမဟုတ်ပဲ သူမလက်သူမခြေနဲ့တခုချင်းစီတခုချင်းစီတဆင့်ပြီးတဆင့်တက်လာရတာ
ပြောရမယ်ဆို ဒါက သူမရဲ့လူ့လောက ကြုံတွေ့ရမဲ့ဒုက္ခစမ်းသပ်ချက်တခုလိုတောင်ပြောလို့ရပါတယ်
သူမရှေ့က သူဟာ သွေးရင်းမောင်နှမဖြစ်ပေမဲ့ အခုပြန်တွေ့တော့ သူစိမ်းလိုပဲ သူမခံစားရတယ်
အရင်က ကြင်နာမူ့တွေဟာ ဟန်ဆောင်တာသက်သက်ပဲလားလို့
သူမကိုချစ်ခင်တယ်ဆိုတာ သူများတွေသိရုံသက်သက်ပဲလားလို့
သူမမေးချင်တယ်
ဒါပေမဲ့ သူမကို သတ်ဖို့ကြိုးစားတာကိုပြန်မြင်ယောင်တိုင်း သူမရင်ထဲမှာစိတ်ပျက်မူ့ကလွဲပြီးဘာမှမရှိဘူး
ဒါကြောင့် ဘာမှမမေးချင်တော့ဘူး
ဒီလိုမှ သူမ ထပ်စိတ်မပျက်ရမှာ
ထပ်ပြီးမမျော်လင့်ချင်တော့မှာ
ထပ်ပြီးမခံစားရတော့မှာ
"ဟွားဟွား ! "
"............."
သူမရဲ့အမူအယာမဲ့မူ့က ရှန်ကွနး်ချိုးယွဲ့ကိုပျာယာခတ်စေတယ်
"မေ့မေ့ (ညီမလေး)"
"ကော(ကိုကို) ဘာလိုချင်တာလဲ ရတနာပန်းမျက်လုံးလား ဒါမှမဟုတ် လောကပါလအဆောင်လား ဒါမှမဟုတ် ဒီမေ့မေ့ရဲ့အသက်ကိုလား ဒါမှမဟုတ် ချင်းချင်းရဲ့အသက်ကိုလား"
"............ မင်း ! ........"
မျက်စိမျက်နှာပျက်နေတဲ့ ရှန့်ကွမ်းချိုးယွဲ့က သူမကိုပွေ့ဖက်လိုသလို လက်ဆန့်ကာ ရှေ့တိုးလာခဲ့တယ်
သူမကတော့ နောက်ကိုမထင်မှတ်ပဲဆုတ်မိသွားတာပေါ့
ဒါက သူမ တမင်လုပ်တာမဟုတ်ဘူး
ပင်ကိုယ်အသိစိတ်နဲ့ သူမကိုယ်သူမကာကွယ်တာ
"မေ့မေ့ ကောရှင်းပြတာ နားထောင်ပေးပါဦး ဒါက ဒါက အကြောင်းအရင်းရှိပါတယ်"
"မကြားချင်ဘူး"
"........."
"ကိုယ်ရဲ့သွေးသားရင်းကိုတောင်ထိခိုက်အောင်လုပ်နိုင်တဲ့အဲ့အကြောင်းပြချက်ကိုနားမထောင်ချင်ဘူး ကြားလဲမကြားချင်ဘူး ထွက်သွားတော့ တိုက်မယ်ချမယ်ဆိုလဲပေါ်တင်လာ ခိုးကြောင်ခိုးဝှက်နြဲသူများအိမ်မက်ထဲပေါ်ပေါ်မလာနဲ့ မျက်စိနောက်တယ် အိပ်ရေးပျက်တယ်"
".........."
"ဟူးးးးးးးး"
သူမသက်ပြင်းတို့လေးလံစွာချလိုက်တယ်
မျက်စိဖွင့်လိုက်တော့ နေ့လည်ဖြစ်နေပြီ
သူမနိုးနိုးချင်း တုကူးရှန်းရှိနေတဲ့ရေခဲဥနားသွားလိုက်တယ်
ဖ္ီးနစ်ကုန်းမြေမှာရှိပေမဲ့လဲ အဲ့ဥက အပူစွမ်းအင်ကိုအအေးစွမ်းအင်အဖြစ်ပြောင်းလဲနိုင်ပံုရတယ်
အေးမြပြီး အငွေ့လေးတွေတောင်ထွက်နေတဲ့ရေခဲဥနားသူမအတော်ကြာရပ်တန့်နေခဲ့ပြီး ခပ်ဝါးဝါးသာမြင်ရတဲ့ သူ့ရဲ့မျက်နှာလေးကို မြတ်နိုးစွာကြည့်လိုက်တယ်
"ချင်းချင်း........ရှင်ဘယ်ဝောာ့နိုးမှာလဲ "
သူမ ချင်းချင်းလို့ခေါ်လိုက်တာပါ
အခုချိန်ကစပြီး တုကူးရှန်းဆိုတာ မရှိတော့ပါဘူး
တုကူးရှန်းရဲ့ကိုယ်ဟာလဲ အခုသူမလို အခွံသက်သက်ပါပဲ
အခု ရေနတ်ဘုရားစစ်ထူပိုင်ချင်းက ဒီကိုယ်ထဲမှာပဲ ပြန်လည်နိုးထလာပါလိမ့်မယ်
တုကူးရှနး်ရဲ့မှတ်ဉာဏ်တွေရထားမှာဖြစ်တဲ့အတွက် အရင်ကထပ် ထက်မြက်လာမှာဖြစ်တာကလွဲပြီးကျန်တာအရင်အတိုင်းပဲ ဘာမှပြောင်းလဲမသွားဘူး အခုသူမလိုပဲပေါ့
ဒါကြောင့်လဲသူမစိတ်ချမ်းသာတယ်
သူနိုးလာရင်တော့ သူပေးခဲ့တဲ့စကားလက်ေဆာင်က ဘာကိုဆိုလိုတာလဲဆိုတာမေးရဦးမယ် နွေဦးနတ်ဘုရားမပြန်ဖြစ်လာပေမဲ့ အဲ့ဒါတွေကို အခုချိန်ထိ သူမ နားမလည်နိုင်ေသးဘူး
သူမဘေးနားလာရပ်နေတဲ့ ဖုန့်ဟွမ်ကို သူမခေါင်းလေးစောင်းကာကြည့်လိုက်ရင်း
"ဖုန့်ဟွမ် "
"ဟမ်"
"ရှင့်မှာရှိတဲ့ရတနာကဘာများဖြစ်မလဲ"
"ဖီးနစ်ရဲ့သွေးမျက်လုံးလေ "
သူမ သူ့ကိုပြူးကြည့်မိတယ်
သူ့ပုံကပျင်းရိပျင်းတွဲနဲ့ ဘာကိုမှ ဂရုစိုက်တဲ့ပုံမပေါ်ဘူး
"ဟမ် လွယ်လိုက်တာ အဲ့ဒါကိုဒီအတိုင်းပြောပြလိုက်ရလား ရှင့်ဆီကကျွန်မလုယူသွားရင်ဘယ်လိုလုပ်မလဲ"
"မင်းလိုချင်လို့လား "
"ဟင့်အင်း မလိုချင်ပါဘူး"
"မလိုချင်တဲ့သူတစ်ယောက်ကို ပြောပြလိုက်လဲဘာမှမဖြစ်ဘူးလေ မင်းမှမလိုချင်တာကို"
သူက သစ်ပင်တခုကိုမှီထားကာ မြက်ရိုးတခုကိုကိုက်ဝါးလို့နေတယ်
အဲ့ရတနာက နတ်ဘုရားတိုင်းရဲ့အသက်ဆိုတာကိုသိရက်နဲ့ သူအတွက်ကျ အရမး်ပေါပဲနေသလိုပဲ
သူမ စနောက်ချင်စိတ်ပေါက်လာတာနဲ့ပဲ
"တကယ်လို့လိုချင်တယ်ဆိုရင်ရော"
"မင်းယူတာဆိုရင်တော့ ကိုယ် ကိုယ်တိုင်က ကြည်ကြည်ဖြူဖြူပေးမှာပါ"
"ရှင်သေသွားရင်တောင်လား"
"ဒါပေါ့"
သူမနားမလည် အရမး်အဖိုးတန်တဲ့ပစ္စည်းရတနာကို လွယ်လွယ်ကူကူသဘောထားနေတာက အရမ်း ပေါ့ပျက်ပျက်နဲ့
"ဘာလို့လဲ"
"မရှင်းဘူးလား ကိုယ်မင်းကိုချစ်နေလို့ပေါ့ "
"............"
ဟမ် !!
အခု !!
သူမက ညာတာပါတေးနဲ့ရည်းစားစကားပြောခံလိုက်ရတာလား
.......🍩🍯🧁🍯🧁🍯🧁🍯🍯🍩🍯🍩🍯🍩🍯🧁🍯🧁🍯🧁🍯🧁🍯🧁🍯🧁🍯🧁🍿🧁🍯🧁🍯🧁
Alinkar nang
You are reading the story above: TeenFic.Net